اقتباسات محمد طه

‫ بيتك النفسي ملكك.. مش ملك أي حد تاني.. حافظ عليه.. لأنه أمانة.. هيسألك عنها اللي سلمك عقد ملكيته المؤقتة يوم ما خلقك..

‫ رُفعت الأقلام.. وجفَّت الصحف..

أكبر ظلم ممكن تظلمه لحد، إنك ماتشوفهوش!!

بمعنى إنك تشوف فقط الصورة اللي أنت راسمهاله في مخك.

الفكرة الأساسية في منطقة الراحة، هي " وهم السيطرة" بمعنى أنك ماتعملش غير اللي تعرفه، و ما تعرفش غير اللي تألفه، و ماتحسش غير اللي أنت متعود عليه.

من حقك تقول (لأ) عنـد اللزوم، لكل حــد بيحاول يؤذيــك بـأي شكل، أو يظلمك بأي طريقة، أو يضغط ‏عليك بأي درجة.‏

الذَّكَر الشرقي عايش طول الوقت في حالة خوف.. هلع.. تهديد.. أحسن يضعف.. أحسن يطلع مش كفاية.. أحسن يخذل مَن حوله.. أحسن يترفض..

عارفين لقيت إيه أكتر حاجة بتسبب الشعور بالخزي والعار عند الرجالة؟ الخوف من الضعف. الخوف من إنه «يبدو محتاجًا». الخوف من إنه يظهر أمام الناس (زي أهله وعِيلته وأولاده وأصحابه) على إنه «مش كفاية». والخوف إن كل ده يتسبّب في رفضه..

أنت قدام حد مش مسموح لدموعه إنها تنزل.. مش مسموح له يعبر عن فرح أو حزن أو رقص أو بُكا.. مش مسموح له إنه يحتاج حد يسمعه.. أو حد يحس بيه.. أو حتى حد يساعده.. مش مسموح له أصلًا..

أنت جِيبت حد. وقولت له بُص. إنت دورك في هذا البيت إنك أنت السند. أنت الضهر. أنت الحماية. أنت العضلات. مطلوب منك تبقى عائل هذه الأسرة ومدعمها. تمدها بالفلوس وتحافظ على استقرارها المالي والاجتماعي، علشان نعرف نعيش في أمان. إزاي الشخص ده يبقى عنده رفاهية حتى أنه يحس؟

❞ «أصعب حاجة في الدنيا إنك تتغير. إنك تغيّر حاجة اتولَدت عليها. واتربيت عليها. وعِيشت بيها سنين طويلة من عُمرك. التغيير معناه إنك هتبطل تسجن نفسك في عيون الناس. وهتبطل تخاف من كلام الناس. وهتبطّل تعمل اعتبار لأحكام الناس. التغيير معناه إنك هتبطل تسجن نفسك في عيون الناس. وهتبطل تخاف من كلام الناس. وهتبطّل تعمل اعتبار لأحكام الناس. التغيير معناه إنك تبتر حتة منك. وتعيش من غيرها شوية. لغاية ما تحصل المعجزة. ويحل محلها (من جوّاك) حِتة تانية. أجمل وأنضر وأنضج». ❝

شغل بيت إيه ده اللي يتعبك؟ ده أنا أعمله بصباع رجلي الصغير… وهو لو عمل كوباية شاي يفتكر نفسه «Brave Heart».

الذَّكَر الشرقي بيختار وينتقي ويفسر من الدين، بالشكل الذي يُرَسِّخ في عقله وفي وَعْيه الأفضلية والعلو والتفرد على المرأة

لو خُيّر الذَّكَر الشرقي بين دينه وذكوريته.. لاختار ذكوريته دون تردد..

كل الأديان فيها نصوص اختلف في تفسيرها العلماء والمتخصصون. نصوص بتكون مُرتبطة بالحدث أو الموقف اللي أُنزِلت بسببه. نصوص أخرى حُكمها خاص بالزمان والمكان والظروف اللي أحاطت بيها. ونصوص ثالثة تحمل كلماتها وألفاظها أكثر من معنى. وتحتاج كثيرًا من التفكر والقياس للوصول للمعنى المناسب

الأم اللي تدي نفسها الحق في الحياة، وماتطفيش نفسها لأي سبب من الأسباب.. هي في الحقيقة أم جديرة بالاحترام..

‫ والأم اللي ما تنساش إنها أنثى ليها احتياجات وحقوق.. هي أم جديرة بالتقدير..

ذنب المقتول ذنب القاتل.. أصله استسلم..

المرأة قد تكون أحيانًا أكثر «ذكورية شرقية» من الذَّكَر الشرقي نفسه.. وفي مجتمعنا مش أحيانًا.. ده غالبًا..

حتى ميل توازنات القوى المجتمعية لصالح الذَّكَر، تلاقي إن اللي ماسك خيوطها واحدة ست.. فالذكور بمفردهم أضعف بكتير من إنهم يقهروا مجتمعات كاملة لعصور طويلة من غير واحدة ست

مجتمعنا (زي ما زوجتي العزيزة دايمًا بتقول) من على الوش كده تشوفه أبوي ذكوري، إنما لو شِلت الطبقة دي، هتلاقي تحتها طبقة أعمق عبارة عن تسلُّط واحدة ست كرهت نفسها والستات اللي زيها، وأنتجت عاهات ذكورية مُنقرضة.

إن أهم مَن يُشارك ويساهم ويتفنن في صنع «الذَّكَر الشرقي»، هي المرأة الشرقية نفسها..

نرجسية الذَّكَر الشرقي بتخليه شايف نفسه دايمًا على حق، لا يتخيل ولا يقبل إنه يعترف بخطئه.. لا يتحمل أي درجة من الرفض أو عدم القبول.. وبيربط كل ده- بشكل عجيب- بكرامته وتقديره لذاته.