اقتباسات محمد طه

أعتقد إن أعظم حاجة ممكن تحصل جواك لما يزيد سنك ووعيك وتجاربك.. هي إنك تتحرر من سجونك العتيقة الخفية، واحد ورا التاني..

أحيانًا نترك الشخص مغمض العينين، فربما لن يتحمل شدة النور، أو ما نتصور -من جانبنا- أنه نور..

جّوه كل حد فينا فلتر.. أيوه فلتر.. بس يمكن إنت مش واخد بالك من وجوده لأنك ما استخدمتهوش قبل كده.. مطلوب منك كل يوم إنك تستخدمه، وبعد شويه هتتعلم تستخدمه كل ساعة وكل دقيقة.. وكل ثانية..

⁠‫أول ما تلاقي فيه مشاعر

كتير من الأمراض نفسية عبارة عن تشبيهات ورموز يفهمها من يجيد قراءتها.. كتير من الأعراض النفسية رسائل مشفرة موجهة للعالم الخارجي بهدف إعلان موقف أو طلب المساعدة..

المجتمع اللي يسخر من المرض النفسي هو مجتمع مريض نفسيًّا وخايف يتعالج..

أحد المعاني العميقة اللي بيقصدها المنتحر هي البصق في وجه الكل.. الكل بمعنى الكل.. حرفيًّا وبدون استثناء..

من حقك في أي علاقة إنك تتشاف.. تحس بوجودك وبقيمتك وبأهميتك.. تتقدر على اللي بتعمله.. ‏يتقال لك: (شكرًا) و(برافو) و(كتر خيرك).. مش إن وجودك زي عدمه.. أو إنك مش فارق.. أو إن ‏وجودك في العلاقة أمر مفروغ منه

إنت محتاج تتقبل.. وتتحب.. وتُحترم.. ويُهتم بيك. ‏

‫تتقبل بدون شـروط.. وتتحب من غير تفصيل.. وتُحتـرم كمـا أنت.. ويُهتم بيك لأجلك. ‏

إنت بتحس بوجودك لما تحس إنك متشاف بعيون اللي حواليك.. وبتحس إن ليك أهمية لما تتطمن ‏بوجود حد أكبر معاك.. وبتعرف إنك عامل فرق لما تلاقي جنبك حد بيونسك. ‏

كأننا بدل ما نواجه إحباطنا.. بنحسس غيرنا بيه.‏

‫وبدل ما نتعامل مع غضبنا.. بنثيره في الآخرين.‏

‫وبدل ما نعالج يأسنا.. بنفرّقه على بعض.‏

إحنا بنسخر من كل حاجة.. بنسخر من المشاعر.. بنسخر من الناس.. من الحيوانات.. من نفسنا.. من ‏الحياة.. بنسخر من الموت شخصيًا. ‏

يعني واقع الحال.. إن الانشغال بامبارح وببكره.. بيضيع علينا النهارده.‏

كلمة (لأ) بتساعد الطفل في رسم حدوده النفسية والجسدية.. وبتحسسه بالاستقلالية.. وبتأكد له ‏قدرته على الاعتماد على نفسه.. وده يخليه يكبر وينمو بشكل صحي وسليم.‏

إحنا ‏مش بنتجوز علشان نغير بعض.. مش بنتجوز علشان نعالج بعض.. مش بنتجوز علشان نربِّي بعض. ‏

النجاح الحقيقي للتربية.. هو إن أبنائي يطلعوا مختلفين عني.. مش نسخة مكررة باهتة ‏مني.‏

‫ما تُصدقه عن نفسك.. يصل إلى الناس.. ويعاملونك به.‏

الولاء الخفي قد يحمل في طياته قنابل نفسية موقوتة وجاهزة للانفجار..

وكأنك بمجرد ما تتولد.. بتبـدأ في استلام تركـة ثقيلة وممتــدة من كـل أجيال أسرتك، اللي فاتت.. والحالية.. ‏دول يسلِّموك مخاوفهم.. ودول يسلِّموك عُقَدهم.. ودول يسلِّموك سيناريوهات حياتية مُعدة سلفًا.. ‏وجاهزة للتنفيذ فورًا.‏

‫دايمًا الرؤية صعبة، بس مفيدة.. ‏

‫والحقيقة مؤلمة، بس مُغيِّرة.‏

يا تكونوا قد التمن.. يا بلاش تبدأوا الرحلة.‏