اقتباسات محمد طه

كام مرّة حسيت إنك مستغرب مشاعرك؟

⁠‫كام مرّة سألت نفسك السؤال ده: هو أنا حاسس كده ليه مع إن مافيش حاجة حصلت تستدعي الإحساس ده؟

⁠‫كام مرّة ظبطت نفسك وانت متألم بدون سبب يدعو للألم.. غضبان بدون سبب يدعو للغضب..

الحب يشفي..

الحضن قبول.. واهتمام.. وحب.. وسماح.. ورضا..

علشان اكتمال النمو الصحي وتمام النضج النفسي محتاجين ١٢ حضن يوميا..

⁠‫أحيانًا بيكون عليك إنك تختار: تخسر نفسك وتكسب الناس، ولَّا تكسب نفسك وتخسر الناس؟

عظيمة اوي الجملة دي

‫صباح الخير أيها العالم.. أنا إنسان طيب.‏ <3

وأكبر منحة ممكن تمنحها لحد.. هي منحة وجودك الحقيقي والكامل معاه.. ولو لثواني معدودة..

وبناء عليه. وفيما يخص الأكل!! ‫ إيه ده؟ هو إيه جاب سيرة الأكل دلوقت؟! ‫ تصور بقى يا سيدي الآتي. ‫ أحيانا بيكون النهم الزائد للأكل طريقة بائسة أخيرة لإشباع احتياج نفسي عميق لوجود ناس بنحبهم (جوانا). بس ده مش

الانتحار هو الوجه الآخر للقتل.. ووجهه الثالث هو الجنون..

،،

المفتاح هو إنك تصدقي إنك إنسانة حُرة.. مافيش حد من حقه يقيد حريتك.. أو يملكك.. أو يفرض عليكي حاجة رغمًا عنك..

⁠‫محتاجين تأهيل نفسي قبل الخطوبة وقبل الزواج وبعد الزواج وقبل الإنجاب وبعد الإنجاب وأثناء التربية.. ولَّا أقول لك.. إحنا محتاجين برنامج تأهيل نفسي يستمر مدى الحياة لمدة ثلاثة أجيال قادمة على الأقل..

الذَّكَر الشرقي اجتزأ بعض النصوص الدينية، وأخرجها من سِياقها الزماني والمكاني، وابتعد بها عن أسباب وظروف نزولها.. وأنتج «نسخة ذُكورية من الدين»، ليس لها أي علاقة بالدين الحقيقي.

الذَّكَر الشرقي- بكل ظُلم وافتراء- استخدم الدين شخصيًّا.. لحساب أغراضه الذكورية..

⁠‫الذَّكَر الشرقي اختار أن تكون ذكوريته هي دينه.. لا الإسلام.. ولا المسيحية.. ولا أي دِين آخَر..

ذَكَر مقسوم نصفين.. نصف شديد وقاسي ومُتسلط على امرأة «في البيت».. ونصف ذليل وخاضع وخاشع لامرأة أخرى «بره البيت»..

‫ ذَكَر فيه كل تناقضات الدنيا.. وكل المعايير المزدوجة.. وكل انفصامات الشخصية..

‫ ذَكَر مُرعب شنيع منيع من الخارج.. هش مكسور جريح من الداخل..

‫ يا سلام بقى لما الذَّكَر «أبو مراته».. يرتبط بواحدة بتدور في جوزها على «أب».. يرشدها، يحميها، ينصحها، يحسسها بالأمان (الناقص المشروط- اللي هو أصلًا شعور داخلي ماينفعش حد يحسّسه لحد).. كده تبقى كملت.. واتظبطت.. واتحققت نظرية «Key and Lock» في العلاقات؛ «يعني القفل ده مش هيفتحه غير المفتاح ده»، وربنا يوفق الجميع.

_محمد طه

هاختم الفصل ده بجُملة شهيرة للشاعر مُريد البرغوثي:

«عدو المرأة الحُرة ليس الذَّكَر المُتعالي فقط، بل عدوّتها أيضًا المرأة الراضية بالعبودية»..

رحمتك يا رب..

اظلموا بناتكم وأخواتكم وزوجاتكم.. وهيئوا ليهم إن ده النجاح ودي الحياة..

‫ خلوهم ينكروا احتياجاتهم.. وينسوا إنسانيتهم.. ويضيّعوا سنين عمرهم..

‫ فهّموهم إن الجواز في حد ذاته أهم هدف.. وإن فستان الفرح أهم حلم.. وكويس إنك لقيتي واحد يرضى بيكي ويتجوزك..

‫ علّموهم إن الأنوثة ضَعف وذُل وانكسار..

مشكلة الكلام ده إنه مصبوغ بصبغة دينية مُحكمة.. تخلّي أي حد يحاول نقده، يظهر وكأنه بينقد «الدين» نفسه.. رغم إن الدين منه بريء كل البراءة..