بدرية وأم حنان والجملة : سلسلة بدرية وأم حنان 1

تحفة دمها خفيف جدا و ضحكت اوي و احلي حاجة انها بالفصحي و تتخللها العامية برقي و دم خفيف...عايزين من الابداع ده كتير بجد

*_ سلسلة بدرية وأم حنان والجملة ( الجزء الأول)

*_ عدد صفحاتها: (249) صفحة.

*_ تأليف: " نسمة جمال " ، " مي غريب ".

*_ روايات مصرية للجيب صادرة عن شركة سلاح التلميذ للطباعة والنشر.

*_ اللغة: مزيج ما بين اللغة العربية الفصحى والعاميةالبسيطة.

*_ التصنيف: أدب ساخر _ روايات رعب.

*_ الغلاف مميز جدًا.

*_ الرواية دمها خفيف جدًا_ أرشحها للقراءة.

التقييم:🌟🌟🌟🌟🌟

*_ نبذة عن الكتاب:

*_ سلسلة " بدرية وأم حنان " هي عبارة عن عدد من الأجزاء أبطالها " بدرية" _ "وأم حنان" والزوجات بالإضافة إلى الطبيب وزوجته .

*_ الجزء الأول:

*_ مكالمة عبر الهاتف دفعت بهما لخوض مغامرة مُخيفة ومضحكة في الكثير من الأحداث وخصوصًا مشاهد الشيخ ( صمغ).

*_ بدأت أحداث الرواية بألم في ضرس بدرية مما دفعها للبحث عن طبيب للأسنان وقادتها المصادفة للدكتور مجدي إسماعيل صادق!

*_ لعنة وحلت بها بعد محادثتها مع زوجة الطبيب ومساعدته في نفس الوقت عبر الهاتف لتبدأ " بدرية" في رؤية الكثير من الأمور الغريبة وكأن أحدًا ما يتلصص عليها وأصوات في كل مكان وطرق على أواني الألمونيا! مما دفعها للتفكير في " اللهم احفظنا!".

*_ على الرغم من أن السلسلة من الأدب الساخر إلا أنها تطرقت لتفاصيل نفسية مهمة عن مخاوفنا التي تكمن بداخلنا وتنتظر من يخرجها للعلن!

*_ كما ذكرت الكاتبات معاملة الأزواج المُهينة واستخدام السُباب والضرب أغلب الوقت مما نتج عنه سريان الخوف في عروقهم بدلاً من الدم!

*_ ضغط الطبيب على زوجته وجعلها تترك دراسة الطب وعدم الإنجاب من أجل تأليف الكتاب الذي سيغير كل شيء وبعد ذلك رفضته دور النشر مما نتج عنه تعرض الزوجة لأزمة نفسية كان مؤلم للغاية.

*_ لجوء بدرية وأم حنان للشيخ صمغ نتيجة لعدم تعلمهم ووجودهم في بيئة تدعم تلك الأفكار وأكثر ما لفت انتباهي هو الحوار ما بين بدرية وأم حنان المألوف للغاية والمصطلحات المستخدمة تدخلنا في أجواء العمل بشدة.

*_اقتباسات:

❞ أخيرًا تكلم فتنفست المرأتان الصعداء ‫ - وإنتي بقى إن شاء الله عاوزة… ‫ - آه، وكمان حمدي مارضاش يستحمى بالماية اللي نقعت فيها الوصفة زي ما قلتلي، مع إني قلتله إنها ماية مَقري عليها والله، انفك الشيخ صمغ عن وقاره:- يا حلاوتك ياختي! وعاوزة الوصفة تنجح.. هي فين الوصفة يا ست أبوها!

شرع الشيخ في الردح مردفًا:- تمر حنة إيه اللي بدلتيه بالتمر هندي؟ وكاكاو؟ كاكاو إيه؟! هي وصفة لعيل صغير يا ختي عشان تحطيلي كاكاو بدل البن!

وقف الشيخ يلوّح ويولول، تتطاير لحيته وتتسع عيناه، ثم أخذ يسعل.. الرجل على وشك توديع مرارته للأبد! ❝

‏❞ الجملة هي اللي صحت جواكي، كل حاجة دفنتيها من طفولتك، مشاكلك وعقدك اللي كانت بتطفو على السطح من وقت للتاني، فكنتي بتكتفيها وتكمميها وترميها في أوضة ضلمة جوة عقلك وتقفلي عليها. ❝

‏❞ الجملة ماكتفتش بس بإنها تصحي الوحش الكامن جواكي، دي حررته من سجنه.. ❝

‏❞ ده أنا أهون عليَّا أحرقه هو شخصيًّا ولا إني أحرق الكتاب.. الكتاب اللي طلع عنينا عشانه، وبسببه اتخليت عن كل حاجة. ❝

لم أكن اتوقع ابدا عن قراءة اسم الرواية او حتي خلال احداثها والاسلوب المتبع ان تحمل كل هذا الجانب الفلسفي النفسي

واني اظنها براعة اسلوب حيث يتناول هذا الجانب من منظور امرأتان طبيعين عادين جدا ،فاختيار البطلتين بتلك الشخصية اعطي مساحة كبيرة لتقيم هذا الجانب النفسي بمنظور جديد بعيد عن التحليل والتدقيق ووجهة النظر الطبية وما الي هذا الجانب

استمتعت كثيرا فقد كنت أقرأ رواية للأدب الساخر حتي اخذ فاصل وانتهيت منها في جلسه مستمتعة بكل تفصيل فيها ومتشوقة كثيرا لقراءة باقي السلسلة.

سلسلة جديدة من نوع الرعب الكوميدي، بس ما يميزها عن الأعمال المشابهة هو البطلتين بدرية وأم حنان، اتنين ستات "وليات" مالهمش أي علاقة بالعلم لا من قريب ولا من بعيد، جوزوا عيالهم وعايشين حياة عادية كجارتين في حي شعبي ماوراهمش غير اللت والعجن، مؤمنين بالجدل والخرافات، دماغهم تفكر في السحر والشعوذة وجارتهم أم منى قبل ما تفكر في أي تفسير علمي للماورائيات، وجهلهم ده بيدخلهم في مغامرة كوميدية ساخرة.

محمد متولي

توووووحفة عسل خالص الاتنين بدرية وام حنان ❤️😂

والرواية جوعتني اووووي طول الرواية بيعملوا اكل 😂😂

نكمل باقي الاجزاء بقى ❤️

#أحمدمجدي

مفيش كلمة تعبر عن التأثير الجامد لكتاب القتل للمبتدئين عليا الفترة دي واللي بسببه قررت اقرأ سلسلة عواصف الغبار وسلسلة وندرز ولو فاكرين انا كمان قرأت في المرحلة الثانية من مسابقة شغف الكتب العدد الأول من سلسلة بدرية وأم حنان بعد ترشيح الكاتبة المتميزة شيرين هنائي وعملت مراجعة عنه وقلت اني متحمس لقراءة باقي الأعداد في السلسلة.

وقبل المرحلة الثالثة من المسابقة أعلنت المديرة عن مسابقة جديدة عن سلسة بدرية وأم حنان في جروب فنجان قهوة مع مسابقة شغف الكتب ومع اضافة كل الهشتاجات.

فمن باب الطمع قررت أعمل مراجعة للأربع أعداد مع بعض وحضور اللايف إن شاء الله يوم ما يتم الإعلان عنه وخصوصا وإن انا شغال حاليا على المسابقة وكتابة نهاية جديدة واللي إن شاء الله هتكون مفاجأة مبهرة.

سامع بعضكم بيسأل

طب ايه علاقة قراءة السلاسل دي بالمسابقة بتاعة شغف الكتب والمرحلة الثالثة وموضوع كتابة نهاية جديدة؟؟

وده سؤال حلو وجميل بس مش هجاوب عنه غير المنشور القادم إن شاء الله.

المهم معانا النهاردة مراجعة كومبو للأربع أعداد الأولى اللي صدرت عن شركة سلاح التلميذ.

تعالوا نبدأ مع الأنطباع الأخير.

أول ما وصلت لنهاية العدد الرابع في السلسلة واللي كان بعنوان البسلة لقيتني بغني وادندن وانا متخيل بدرية وأم حنان مع بعض راجعين من السوق بيغنوا سوا.

"حلوين اوي وطعمين أوي الله أكبر علينا ولا قبلنا ولا بعدينا

أنا وحبيبي احنا الاثنين زي الورد على الياسمين"

فعلا السلسلة دي مختلفة ومميزة وفيها حاجة حلوة من ريحة أهالينا وذكرياتنا وفترة التسعينات والثمانينات.

ومش شايف نمط السلسلة دي غير في أنها مكتوبة عشان تكون مسلسل تلفزيوني ست كوم على نهج "راجل وست ستات - تامر وشوية" في قالب اجتماعي قصير، بس محتاج منتج مغامر ومنتج شاطر.

وبشكل خاص أنا مش قادر اتصور غير الممثلة إنتصار في دور بدرية والممثلة سماء إبراهيم في دور أم حنان.

ويلا بينا ندخل على الانطباع الأول.

يمكن الأنطباع الأول اللي اخدته من العدد الأول إن السلسلة تصنيفها رعب كوميدي لكن مع الأعداد اللي بعد كده احنا محافظين على الكوميديا ومكملين مع الدراما الاجتماعية بشكل اكتر مع شوية تشويق وإثارة وغموض.

وتعالوا نتكلم عن العمل وفكرته.

الغلاف قلت سابقا قبل كده انه مقبول وغامض شوية مفيش أي عامل جذب غير أسم العمل وتصنيفه.

والغلاف هنا هو أقرب إلى لوجو خاص بالسلسلة وهتكون إضافة حلوة لو كل عدد اتعمل له غلاف خاص.

أما عن نمط السلسلة فهي إجتماعي وغموض كوميدي ودي الحالة اللي بتعبر عن الحالة أو الفكرة العامة اللي في السلسلة.

والفكرة بكل بساطة قائمة على اثنين غلابة نقدر نقول طيبين بسذاجة وساعات أغبياء كمان والعالم بتاعهم لا يتجاوز حدود أول الشارع.

اثنين هما النقيض تماما عن أي صورة حديثة للمرأة الاندبندنت سترونج.

ومعانا كم من المغامرات والأحداث اللي بتحصل قبل ثورة التكنولوجيا والعولمة في فترة التلفزيون في أوائل التسعينات تقريبا قبل غزو الانترنت والتكنولوجيا ونتعرف على نمط الحياة في الحارة الشعبية أو المناطق العشوائية وانا أكاد أقسم أن بدرية وأم حنان شخصيات حقيقية واقعية موجودة في حياة وذكريات المؤلفتين.

السلسلة أو الأحداث في السلسلة مصدرها تورط الشخصيات بتاعتنا مع غرائب وعجائب أقوى وأعجب بكتير من قدرة أي واحدة منهم على الفهم والشخصيات اصلا مش مهتمة إنها تفهم.

احنا معانا ردود أفعال مدهشة تعتمد على فكرة الصدمة الحضارية والفكرية.

بدرية وأم حنان عن طريق الصدفة غالبا والغباء احيانا بيدخلوا في مغامرات وتجارب غريبة عجيبة ما بين جملة بتسمعها في التليفون تقلب حياتها أو زائر غامض وغريب في الليل عنده أهداف خاصة وما بين عالم حشرات مجنون أو مخبول يخليهم فار تجارب أو ست غريبة بياعة بسلة مسحورة.

العمل هنا من تأليف كاتبتين هما نسمة جمال ومي غريب وخروج العمل بالتماسك ده والجودة دي يعبر عن مدى التفاهم بين الكاتبين وان كل واحدة منهم كانت ماسكة لجام شخصيتها بدقة عالية.

وتعالوا نتكلم عن اللغة في العمل.

السرد والوصف كان باللغة العربية الفصحى البسيطة والحوار باللهجة المصرية العامية شديدة السطحية والمناسبة بشكل رائع مع أحداث العمل.

كان ملحوظ شوية إن في تكرار في بعض العبارات سردا في وصف طريقة المشي أو الهيئة والشكل في كل عدد، أما الحوار فهو كتير شوية لكنه كان مذهل وبجد كان فاكهة العمل لكن يا ريت شوية اهتمام بتنسيق الحوار عشان ممكن نقول في السلبيات أني ساعات بتوه ما بين الشخصيات ومين قال ايه.

وتعالوا نتكلم عن شخصيات العمل.

لأول مرة نشوف حسب ذاكرتي يعني شخصيات سلسلة في النمط الشعبي العشوائي ده.

شخصيات العمل فعلا عبارة عن شخصيات كارتونية وهي مناسبة للعمل والغرض منه وفكرة استعراض الطبيعة الشعبية وأكيد الجيل الجديد مش هيفهم كتير من الإيحاءات في العمل بسبب تصدر صورة المرأة المعاصرة الحديثة.

تصور وجود شخصيات العمل ده صعب جدا على الجيل اللي ميعرفش ونيس وسنمبل ولا شاف المال والبنون ولا عرف سي السيد والست أمينة.

ولسه طبعا على موقفي وهي إني أكاد أبكي من فرط الضحك كل ما أتخيل رد فعل أي واحدة من أنصار المرأة من بتوع الست مش ملزمة وهي بتقرأ بدرية وأم حنان.

وأخيرا تعالوا نتكلم عن الخلاصة.

سلسلة بدرية وأم حنان عمل خفيف جدا وسريع ومتحمس جدا لو في حد قدر يحول العدد ده لمسلسل ست كوم وده في رأيي المتواضع هيكون لفت نظر وتوعية للجيل الجديد بالجيل القديم.

1️⃣ الموضوع : مراجعة سلسلة روائية

2️⃣ العمل : بدرية وأم حنان والجملة

3️⃣ التصنيف : أدب ساخر

4️⃣ الكاتب : نسمه جمال & مي غريب

5️⃣ الناشر : شركة سلاح التلميذ

6️⃣ سنة النشر : 2024

7️⃣ الصفحات : 240 على أبجد

8️⃣ التقييم :⭐⭐⭐⭐

📖 عن العمل :_

✍️ ليس من السهل أن تكتب أدباً ساخراً ، إلا إذا كنت تمتلك حس الفكاهة والمرح في مكنون نفسك ، بلا تكلف أو اصطناع ... هذا من ناحية

✍️ ومن أخرى ، فإن كتابة هذا النوع من الأدب مغلفاً بغلاف الرعب والغموض والإثارة لهو شيء مدهش ، حيث يمتزج التشويق والإثارة والترقب ، بالضحك والمرح والسلام النفسي .

✍️ زيادةً على ذلك فإن هناك رسالةً موجهةً وفكرةّ مهندمةً منمقةً ، تم إرسالها لعقول القراء ، يستنبطها بسلاسة من يقرأ النص بجميع جوارحه

✍️ وتتلخص القصة باختصار شديد مع امرأه شعبية في عقدها الخامس وتدعى بدريه يقودها القدر عند اشتداد آلام أسنانها إلى مكالمة غريبة لعيادة طبيب أسنان ، ترد عليها ممرضته وزوجته في آن واحد

✍️ تستمع في هذه المكالمة إلى جملة غريبة كتبها ذلك الطبيب في مقدمة كتاب ألفه ، ولم يستطع أحد قراءته أبداً ؛ بسبب هذه الجملة التي أوله .. بعد سماع هذه الجملة من الجانب الآخر من الهاتف .

✍️ تتحول حياة بدرية إلى جحيم ، وشر مستطير بكاء وخوف وإثاره حيث من يكلمها بلا وجود ، ومن ينظر إليها من داخل الدولاب في الظلام ، ومن يمسك بيديها فوق مقبس الكهرباء ، ويلمسها ويجاورها فوق السرير ، بل ومن يأكل الكبدة التى تقوم بطهيها ، وكثير وكثير من هذه المواقف المرعبة والمثيرة للذعر والخوف .

✍️ تحكي كل ذلك لجارتها وصديقتها أم حنان ؛ لتأخذها في رحلة ؛ لحل هذه المشكلة ، يطرقان معاً باباً تلو الآخر ، وتتكرر المواقف المثيره والمضحكه والمخيفة ، ويظهر من وراء كل باب شر أكبر .. حتى تنتهيان إلى حلٍ لهذا الشر الذي أصابها أو أصابهما في النهاية مع سببه الأول وهو ذلك الطبيب وزوجته المجنونه .

✍️ كل ذلك تم تصويره وإخراجه بلغة عربية سرداً وشعبية عامية مميزة حواراً ، وقد كانت لطيفة ومحببة توحي إلى عنوان وهدف ونوع هذه الكتابة

✍️ ورأيي أنني أتوقع نجاح هذه السلسلة نجاحاً كبيراً كذلك أتوقع رؤيتها وتحويلها إلى عمل سينمائي قريباً جداً وأتوقع له كذلك النجاح المبهر .

📖 إقتباسات :_

❞ ماخلفتش لمجرد إنه قالي مافيش وقت ناخد بالنا من الأولاد، ماكملتش دراسة الطب، عشان قالي مافيش وقت للمذاكرة، قطعت صلتي بكل أصحابي، لما قالي مش وقته التفاهة دي. أمي ماتت ومارحتش أشوفها ولا أحضر عزاها، لإني ببساطة مازرتهاش ولا حتى ❝

❞ تطلعت إليها أم حنان، ثم سألتها في قلق:

- ما لك؟

اعترفت بدرية في خجل:

‫ - تصدقي ماغسلتش مواعين الفطار!

‫ خبطت أم حنان على صدرها المكتنز بدورها في دهشة:

- يا ندامة!

أنا من ساعة ما شفتك وأنا حاسة إن فيكي حاجة! ❝

📖 شكر واجب:_

حقيقي والله شكراً جزيلاً بجـــد

شكراً لأني ضحكـــــــــــت من قلبي

شكــــراً على الجـــرعة الفكاهيـــة دي

شكراً للدار اللي قررت تنتج المشروع دا

شكراً لليد اللي كتبت والدمــاغ اللي فكرت

شكراً جزيلاً لأبجد اللي وفرهولنا بكل بساطه

‏#مراجعات_محمود_توغان

مقدمه:

فى البداية اريد ان اوضح اسباب عدم اعطائي تقييم محدد للكتاب كعادتي مع الروايات والترجمات:

- الأدب الساخر غير موجود على الساحة الأدبية فى السنوات العشر الأخيرة او ربما ما يزيد عن ذلك. اخر قراءاتي كانت كتابات الساخر/ يوسف معاطي ومع توقفه عن الكتابة لم اقرأ فى هذا النوع مرة اخرى. كيف يمكنني تقييم تجربة وليدة والحكم عليها وهى بمثابة اعادة احياء لنوع من الأدب قد انقرض واختفى !. لا يوجد كتابات مشابهه على الساحة تجعلني امتلك من التجربة والخبرة ما يساعدني لاعطاء تقييم محدد !. هذا سيكون تقييم غير عادل ومنقوص وغير نزيه.

- لكل زمن مفرداته وادواته الخاصة به ، لهذا لا يجوز عمل اى مقارنة بين هذا الكتاب وبين كتابات ساخرة قديمة نظراً لاختلاف الأفكار وثقافة الاجيال التي تتغير بشكل مستمر كل عقد من الزمن او ربما اقل من ذلك بكثير. هذا أيضاً ظُلم كبير.

- فى هذه الحالة ستكون المراجعة هذه المرة اشبه بانطباعات خرجت بها من الكتاب الأول. شىء مشابه لما افعله مع ادب الرحلات والسير الذاتية.

-------------------------

- بدرية وأم حنان هى سلسلة أدبية جديدة تنتمي للأدب الساخر.

الكتاب الأول يمكن تصنيفه فى خانة الأدب النفسي الساخر.

- الأحداث تدور حول سيدتين من منطقة شعبية تتعرضان لمواقف غريبة وغير مألوفة تجعلهما تنظران للأمر على انه اعمال وسحر وحسد من جارتهما اللدودة ( أم منى ) او من بائعة الخضر ( بسيونة ) !.

- الاحداث تدور فى فترة زمنية قديمة نوعاً ما ، وقت لم يكن فيه هواتف محمولة أو ما شابه. تجد مفردات مثل دليل الهاتف الورقي والهاتف الموضوع فى سلة من الخوص وهكذا.

- الحوار ساخر لأقصى حد ، كوميدي جداً ومن منظور شعبي بحت يعكس لك عقلية وطريقة تفكير تلك الفئة من المجتمع فيما يستجد حولها من أحداث ومواقف.

- مع تطور الأحداث تكتشف انك امام حبكة نفسية جيدة نوعاً ما تفسر موضوع الحسد والأعمال الخ.

- تعرض الكتاب ايضاً لظواهر عديدة فى المجتمع الشعبي خاصة فى طريقة معاملة الرجل للمرأة وكيف تنظر المرأة نفسها وكيف تفسر طبيعة هذه المعاملة.

- هناك نقطة اخرى هى ان الكتاب من تأليف كاتبتين !. فى الغالب انا مؤمن بنظرية ( المركب اللى ليها ريسين تغرق ) ، لكن مع قرائتي للكتاب لم اشعر بأي خلل او عدم تناسق او اختلاف لطريقة الكتابة فى اي وقت. لا احكم هنا هل هذا شىء جيد ام لا. هذا سيتضح مع قراءة المزيد من الكتب فى هذه السلسة التى صدر منها ٤ كتب على تطبيق ابجد للقراءة الالكترونية.

- فى الختام هى تجربة وليدة جيدة من حيث المبدأ. كتاب يحمل مضمون فى شكل ساخر وكوميدي جداً خاصة فى الحوار يجعلك تقضي وقتاً جميلاً ومسلياً والأهم انه اعادة ضخ الدماء الأدبية فى جسد الأدب الساخر الذي ظننت اني لن اقرأ له مرة أخرى منذ زمن بعيد.

- اتمنى ان تستمر هذه التجربة لفترة طويلة حتى يعود للادب الساخر مكانته المفقودة ، وربما تكون بوابة تم فتحها لنرى المزيد من هذه الاعمال مستقبلاً.

أروع حاجة قريتها من زمان

خدتني لعالم تاني

لغة وسلاسة في التعبير

ومزيج عجيب يجمع بين خفة الدم والإثارة والرعب والرومانسية والواقعية

بجد حبيتها جدا جدا جدا

أبهرتني

عجبتني ام حنان وبدرية

اماةبقيتش عارفة اضحك ولا اترعب لحد مافهمت

متشوقة لباقي الاجزاء

من افضل الكتب التي قرأتها اتمنى أن أرى كتب اخرى بهذه الروعة

رواية سريعة انتهت في يوم، دمها خفيف جدًا، وضحكتني كتير. هي مزيج من الرعب والكوميديا. وأجمل حاجة إنها بالفصحى وتتخللها العامية بأسلوب راقي وسلس، وده اللي زود خفة دمها، بالإضافة إلى أنها بتطرح جانب فلسفي نفسي من منظور امرأتين بسيطتين... لكن لأن الحلو مايكملش، في آخر الرواية ومع تسارع الأحداث والجنوح في التشبيهات وأسلوب التعامل بين بدرية وزوجها، وكذلك أم حنان، بما يتضمنه من إهانات أو ضرب، وقبولهم لهذه المعاملة بل والضحك عليها أحيانًا، ده الشيء اللي ماعجبنيش. مش لأنه غير موجود في مجتمعنا، بل لأنني ما استسغتوش. مجرد قراءة تلك المشاهد كانت بتصيبني بالنفور، فهو مش مدعاة للضحك...

ما جربتش أقرأ أدب ساخر زي ده قبل كده، بس واضح إن دي حتكون بداية حبي للنوعية دي من الأدب. وممكن أكمل سلسلة "بدرية وأم حنان" عادي...

دمها خفيف جدا جدا

توليفة لذيذة من الرعب والكوميديا وشوية مواقف اجتماعية /اسرية لذيذة ودمها خفيف.

هكمل قراءة السلسلة بإذن الله لأنها خفيفة وتفطس من الضحك

كتاب ممتع ومضحك بالإضافة إلى أنه يلقي الضوء علي قضايا المرأة بطريقة جعلتني أشعر بالتعاطف والحزن علي الشخصيتيين الرئيسيين بدرية وأم حنان

رعب كوميدى دمه خفيف قوى

والقصة مشوقة جدا

بدرية وأم حنان ثنائى لطيف جدا

بالتوفيق للكاتبة

أعتقد أنني لم اقرأ في الأدب الساخر منذ سنوات طويلة، وكان الأمر يقتصر فقط على بعض الكوميكس البسيطة، ربما أخر كتاب ساخر كان ألبومات عمر طاهر على ما أتذكر.

في الكثير من الأحيان يضعنا القدر أمام كتاب وجهًا لوجه – في أحيان أخرى قد لا نقترب منه ابدًا- فعلى الرغم من محبتي سابقًا لقراءة الأدب الساخر إلا أن الآن أصبح الأمر مختلف ولن أذهب إليه بأرجلي مطلقًا لأنني في بعض الأحيان أشعر فيه بالأستظراف.

بدأت في قراءة الرواية مع عدد من الأصدقاء، مع التأكيد على خفض سقف توقعاتي تمامًا، ولكن من الصفحات الأولى وجدت أنها رواية تعتمد بشكل أساسي على الفصحى في سردها، والعامية الجيدة غير الركيكة أو المبتذلة في الحوار، والذي جاء على لسان الأبطال جميعهم بشكل جيد ومتناسب مع خلفية كل واحدًا منهم وهو نقطة تحسب للكاتبتان.

بمناسبة أن العلم يكتبه أثنين معًا وتقريبًا المرة الأولى أيضًا للنشر لهم، فمن المعروف أن وجود أكثر من كاتب في النص الواحد قد يكون سبب في حدوث تشتت، ولكن في هذه الرواية لم أشعر للحظة واحدة أن هناك أكثر من شخص يكتب هذه الأحداث أو طريقة الكلام مختلفة، ربما شعرت أن كل كاتبة قد تقمصت شخصية واحدة من البطلتين بدرية وأم حنان وهذا ما يتضح في اختلاف شخصية البطلتين تمامًا، وحتى طريقة الكلام، فيمكنك التفريق بينهم بسهولة عند حديثهم، ولكن من خلال السرد في منتصف الرواية لن تشعر أن هناك شخصين أبدًا، وهي أيضًا نقطة إضافية تحسب لهم.

في بداية الرواية تمكنوا من جذبي للدخول في عالمهم بشكل رائع وسريع، بداية من تعريفي بالشخصيات بصورة جعلتني أرتبط بهم، ثم من الجملة التي تسمعها البطلة في الهاتف والتي تجعلك تشعر أن هناك خطر قادم، تتساءل ما الذي سيحدث تاليًا؟! ثم تتوالى الأحداث لتشعرك بالخوف!

هل تتصور أن تشعر بالخوف وأنت تقرأ كتاب ساخر؟ هل يمكن أن يمزج كاتب ما بين الخوف والضحك في الوقت نفسه بهذا التماسك؟ نقطة ثالثة إضافية لهم في جعلي أشعر بالخوف من كل ما مرت به بدرية، وتوقفت يوم عن القراءة خوفًا من أن تكون رعبًا، ولكن عدت للقراءة مرة أخرى لأجد أن مسار الأحداث يتجه إلى ناحية أخرى تمامًا، فعلى الرغم من أن الأحداث تحولت إلى نفسية بطريقة ما وشخصية وذكريات طفولة وربما حزن في بعض الأحيان إلا أن النهاية كانت متوافقة للغاية مع مسار الرواية ومشاعرها التي اعتمدت في الأصل على الأسلوب الساخر ويجاورها الكثير من المشاعر الأخرى.

كانت الرواية أعلى من توقعاتي، والجلوس هذه الفترة القصيرة مع بدرية وأم حنان لم يكن ممل أبدًا، حتى وأن كنت لن أفكر في استكمال السلسلة لأنها ليست من نوعية الكتابات المفضلة بالنسبة لي، ولكنها مازالت تجربة تستحق الإشادة والقراءة على سبيل التسلية بكل تأكيد.

سالخير عليكم🥰

انا جاية النهارده احيي حبيابي واخواتي الست أم عاطف (بدرية) والست أم وليد (أم حنان) وبقولهم قعدتكم حلوة وميتشبعش منها ونورتوني الحبة دولام ولولا الملامة كنت نزلت معاكم للحرباية اللي تنشك أم منى نتفرج سوا على شريف الفيديول ونهيص بس عندي Devoir وهم مايتلم مع فري وسي محمد لو رجع ولقاني مخلصتش تنفيض وغدا حيخليها ليله زرقا شبه كاللو الصوباع وانتي مترضيليش ياختي منك ليها الأذى فشوية كده وتتدبر ونتقابل في جزء جديد يمكن اعرف اساعد القصد فوتكوا بعافية😃😂

بدرية وأم حنان والجملة

Nesma Gamal Mai Gharieb

شركة سلاح التلميذ للطباعة والنشر

2024

240

⭐️⭐️⭐️

الرواية ممتعه المفروض انها ميكس بين الرعب والكوميدي انا مخوفتش بصراحه بس ضحكت وخصوصا في الاخر الرواية بتتكلم عن ناس بسيطة وماليين الشارع المصري حتى لو مكناش اتعاملنا معاهم كتير حنلاقي خفة الدم بتشدنا لهم علشان نكمل ونعرف حكايتهم ايه حنلاقي بنت النكته اللي ربت رجاله وعاشت رحلة الشقا من وهي صغيرة لما اتجوزت ومكملتش تعليمها حنلاقي الحنية اللي متغمسه برضا وجدعنه وتوقف وقفة 100 راجل وقت الجد ولا يهمها جن ولا عفاريت حبيت اووووي علاقة الصداقة بين الجارتين وخيالهم اللي مسوحهم وحب بدرية لعاطف وعضلاته وكرشه 😂 والنهاية حبيتها وناوية اكمل الباقي من الاجزاء ان شاء الله .

فكرة الرواية جميلة المخاوف الدفينة اللي استخبت في الذاكرة وسط هموم ومشاغل كتير لكن مرور الوقت مكانش كفيل انها تتمحى بالعكس هي مستنية لحظة او موقف غلشان ترجع تظهر من جديد .

حبيت ان الكاتبتين وضحوا ان المخاوف بسيطة نظرا لبساطة الجارتين بس كنت محتاجه ان الفكرة نفسها تتناقش بشكل اكبر بصراحه وكنت عاوزة اعرف اكتر عن الدكتور ومراته المريبة دي وهي بالنسبالي اكتر حد مخيف في العالم مش الرواية بس شخصيتها مريبة ومريضة جدا .

تجربة لطيفة وتخلص في جلسه او اتنين بالكتير حتفك البلوك وتدي انتعاش وانجوي😘🥰

■ ‫أشربي يا أنسة .. مش أنسة برضوا؟

«آنسة.. مسم!».

‫ فكرت أم حنان في أن أحدًا لم يتهمها «بالأَنَسة»، حتى من قبل أن تتزوج!

#أبجد

#بدرية_وأم_حنان_والجملة_سلسلة_بدرية_وأم_حنان_1

#نسمة_جمال #مي_غريب

اسم الرواية : بدرية و أم حنان

اسم الكاتبة : مي غريب ، نسمة جمال

دار النشر : روايات مصريه للجيب

عدد الصفحات : 220

_ تدور أحداث الرواية حول امرأتان تسكنان في حي شعبي، بدرية و أم حنان جارتان يقطنان في نفس العمارة.

_في أحد الأيام شعرت بدرية بألم في أسنانها يكاد و صداع يكاد يقضي علي رأسها من قوته فقررت أن تهاتف الطبيب و لكنها لم تكن تعلم أن تلك المكالمة سوف تقلب حياتها.

_ كيف لمجرد جمله أن توقظ مخاوف الطفولة من مكمنها و تجعلها تتشكل أمام ناظري صاحبها .

_ العدد الأول من السلسة يحمل طابع جميل و مختلف فهو يحمل بين طياته الكثير من المشاهد و المواقف التي مرت بها بدرية و صديقتها أم حنان ما بين مخاوف نفسية و الكثير من الفكاهه.

_ جاءت اللغة فصحى سرداً يتخللها بعض الكلمات العامية و الحوار عامية.

_ لم أتوقف عن الضحك أثناء قرأتي للرواية حبيت جدا أسلوب الكاتبان .

_حبيت شخصية بدرية و أم حنان و حسهم الفكاهي.

_ في الواقع كانت الرواية فاصل رائع بين قراءاتي.

اقتباس

_ الأموات عندما ينادون الأحياء، ويسمعهم الأحياء، معنى هذا أنه قد حان أجل من سمع النداء.

🟤️اسم الكتاب : بدرية وأم حنان والجملة (١) .

🟤️اسم الكاتب: نسمة جمال - مي غريب

🟤️نوع الكتاب : رعب / غموض / أدب ساخر

🟤️اصدار عن : روايات مصريـة

🟤️عدد الصفحات : ١٤٦ على أبجد

🟤التقييم : ⭐⭐⭐⭐

- لو قال لي أحد اني سأشعر بالرعب والترقب والضحك في آن وحد لسخرت منه ، كيف يجتمعان !

كيف أشعر بوجود كيان او أشياء غريبة تحدث حولي وأنا فمي ملئ بالطعمية والباذنجان او ربما الكبدة المقلية فالزيت !

- هذا الميكس الغريب تناولته كوجبة خفيفة على قلبي تركتني متحمسه لأكمل السلسلة بل وفتحت نفسي على القراءه بعد معاناة متكرره من البلوك ..

- مع بدرية وأم حنان ضحكت من قلبي و شاركتهم القلق ، وتسلسل لقلبي دفء علاقتهم وصداقتهم المختلفه ...

- بين مورائيات غريبة تحدث لبدرية لاتعلم من اين أت وهي حقيقة ام خيال ، وطبيعة علاقتها بزوجها وجيرانها ، عشت ساعات خفيفه اتمنى ان تتكرر في باقي السلسلة ...

- كتبت بفصحى خفيفه غليها عامية مناسبه جدا للحوار المصري المضحك ، وانا الرافضه للعاميه في الكتابه احببتها بشده ...

كل اللتوفيق وإلى لقاء في عدد قادم 🤩

#مراجعات_تقى_إسلام

شوفوا هو أنا ضحكت لغاية ما عيوني كانت بتدمع وخفت في ذات نفس الوقت، اللي هو ايه الحيرة دي بس ما ترسوا لكم على بر 😅

المهم دلوقتي أنا فضولي سايقني أكون الجملة اللي عرفنا منها ٣ كلمات ولو أن حياة الواحد هتنقلب رأسًا على عقب يعني وهتبقى مرعبة أزيد من اللازم، بس أهو فضول!

وعايزة أعرف الشريف اللي راحوا لأم منى علشان يشوفوه كان فيه إيه 🤣

رواية لطيفة، أدب ساخر ورعب ممزوج بخلطة شعبية بسيطة من مفردات وتصرفات تخليك مش عارف تخاف ولا تضحك.

جارتين تقطنان نفس المنزل أم حنان في الطابق الأرضي يعلوها بدرية، حبيبتان تصونان العشرة، يتهاديان سويا في طريقهما للسوق وتتسليان بحشي المحشي والممبار، تلُك المرأتان نميمتهما في أثناء احتساءهما لفنجاني القهوة.

إلى أن يأتي اليوم الأغبر الذي تتألم فيه بدرية من ضرسها لتحاول بمساعدة صغيرة من الدليل القابع بدرج المطبخ اللجوء لعيادة طبيب أسنان وعمل مكالمة تليفونية لحجز كشف، ومن حينها لم تعد حياة بدرية كما كانت قبل المكالمة.

كتاب جميل و خفيف في القرأة، وراه معاني كتير مدفونة بحرفية وسط الكوميديا الساخرة المصرية.

البطلتين (بدرية و أم حنان) شخصيات بسيطة -علي الله حكايتهم- ظاهريا لكن بناءهم قوي معتمد علي المجتمع المصري (الأصيل) بكل افكارة و معتقداته. ومتحمسة اشوف تطور الشخصيات دي علي مدار باقي السلسة هيبقى عامل ازاي، و خصوصاً ان دي بدايتهم في انهم ينتقلوا من "نعيم الجهل" إلي "جحيم المعرفة"، حتى لو هم نفسهم لسه مش عارفين ده.

الكوميديا في الكتاب راقية و ذكية مش إفيهات، و دي حاجة لطيفة جدا. كوميديا المواقف السيرياليه اللي ماتتخيلش ان بدرية و أم حنان ممكن يتحطوا فيها لطيفة و منعشة. و حبيت جدا رد فعلهم البديهي البسيط للمواقف دي.

هكمل باقي السلسة و رحلة بدرية و أم حنان و اتمنى ان يبقى في تطور اكتر لشخصياتهم و الشخصيات اللي حواليهم.

ايه يا ابجد الجمال والحلاوه

وبعدين مش تكتبو أنه الرعب ده مايتقراش بالليل

يعني مااعرفش انام ولا ابص في المراه

وشعله ايه اللي هتخليك تشوف الاوضه السحريه في عقلنا الباطن وهو ينفع الشيخ صمغ يتعمل فيه كده والوصفه بتاعته تتعجن بتمر هندي

شكرا ليكم ضحكت من قلبي على مدى تلات ساعات

ولأول مرة في حياتي انادي حد احكيله بقرا ايه علشان ادافع عن ضحكي اللي لم اخر الشارع

الرعب ده طلع لذيذ قوي وانا حبيته

مستنيه الجزء التاني من بدريه وام حنان اللي شفتهم قدام عيني لحم ودم

كام مره جريت في الطريقه علشان محدش يجري ورايا

شكرا بجد

كتاب اكتر من رائع

الحوار جميل وسلس

بدرية جابت شلل للشيخ صمغ

لما غيرت في الوصفة خلت الراجل يلطم على وشه

بجد ضحكت من قلبي على أحلي صديقتين بدرية وأم حنان

دول اللي ينطبق عليهم اغنية ع حلوة والمرة

مش حلاوتها أم حسن اللي كان مشغلها عوض الترجمي

وابوعاطف حامي أم حنان من أبو وليد ههههههههه

في انتظار العدد الثاني من هذه السلسله

والله زمان يا مؤسسة العربية الحديثة فكروني لما كنت بستنى العدد الجديد من رجل المستحيل وملف المستقبل وكوكتيل ٢٠٠٠

العدد الأول من سلسلة "بدرية وأم حنان"

بدرية وأم حنان والجملة

الحقيقة إن بقالنا كتير مشفناش النوع ده من الأدب الساخر غير المبتذل واللي فيه جزء لا بأس به من العمق.

ضحكت وتأثرت وحسيت بالألم بالذات في آخر جزء من العدد.

قد ايه مخاوفنا ممكن تفضل موجودة نار مشتعلة تحت الرماد، لكن لو جت فرصة تشتعل تاني ممكن يكون ليها قوة مدمرة.

عجبتني صداقة بدرية وأم حنان ومستنية أشوف الرسالة الخفية وسط الضحك في الأعداد الجاية.

من فترة لم تعد لدي القدرة أو الطاقة على كتابة أية مراجعات، بالكاد أقوم بتقييم الكتب التي اقرؤها. هذا إن أتممت قراءتها أصلاً!

لكن فقرة كتبتها الجميلة شيرين هنائي عن الكتاب جعلتني آتي جرياً لقراءته، ولم أندم....

كوميديا في غاية العذوبة... رعب خفيف لطيف... بطلتان تشبهاننا جميعاً... استمتعت بكل سطر وكل كلمة... بالرغم من انه بقي لدي طن من الفضول لأعرف ما حصل للدكتور مجدي والسحـ... سهام.

استمتعت جدا جدا بقراءة الرواية خطفتني من اول سطر خصوصا انه عندي بلوك قراية من كل أنواع الكتب

حقيقي لفت نظر خفة السرد الظريف الي خلاني كأني أشاهد بطلات الرواية أمامي وأسمع صوتهم كمان واندمج معاهم لدرجة إني شهقت مع كل خضة بيتخضوها خصوصا أما رد القط الأسود على بدرية ينهاري كأنه رد عليا أنا😅😅

شكرا للكاتبات واثبتولي أن الكتابة النسائية رائدة وموجودة بقوة وليها ثقلها 💕