مراجعات رواية بدرية وأم حنان والجملة : سلسلة بدرية وأم حنان 1

سالخير عليكم🥰

انا جاية النهارده احيي حبيابي واخواتي الست أم عاطف (بدرية) والست أم وليد (أم حنان) وبقولهم قعدتكم حلوة وميتشبعش منها ونورتوني الحبة دولام ولولا الملامة كنت نزلت معاكم للحرباية اللي تنشك أم منى نتفرج سوا على شريف الفيديول ونهيص بس عندي Devoir وهم مايتلم مع فري وسي محمد لو رجع ولقاني مخلصتش تنفيض وغدا حيخليها ليله زرقا شبه كاللو الصوباع وانتي مترضيليش ياختي منك ليها الأذى فشوية كده وتتدبر ونتقابل في جزء جديد يمكن اعرف اساعد القصد فوتكوا بعافية😃😂

بدرية وأم حنان والجملة

Nesma Gamal Mai Gharieb

شركة سلاح التلميذ للطباعة والنشر

2024

240

⭐️⭐️⭐️

الرواية ممتعه المفروض انها ميكس بين الرعب والكوميدي انا مخوفتش بصراحه بس ضحكت وخصوصا في الاخر الرواية بتتكلم عن ناس بسيطة وماليين الشارع المصري حتى لو مكناش اتعاملنا معاهم كتير حنلاقي خفة الدم بتشدنا لهم علشان نكمل ونعرف حكايتهم ايه حنلاقي بنت النكته اللي ربت رجاله وعاشت رحلة الشقا من وهي صغيرة لما اتجوزت ومكملتش تعليمها حنلاقي الحنية اللي متغمسه برضا وجدعنه وتوقف وقفة 100 راجل وقت الجد ولا يهمها جن ولا عفاريت حبيت اووووي علاقة الصداقة بين الجارتين وخيالهم اللي مسوحهم وحب بدرية لعاطف وعضلاته وكرشه 😂 والنهاية حبيتها وناوية اكمل الباقي من الاجزاء ان شاء الله .

فكرة الرواية جميلة المخاوف الدفينة اللي استخبت في الذاكرة وسط هموم ومشاغل كتير لكن مرور الوقت مكانش كفيل انها تتمحى بالعكس هي مستنية لحظة او موقف غلشان ترجع تظهر من جديد .

حبيت ان الكاتبتين وضحوا ان المخاوف بسيطة نظرا لبساطة الجارتين بس كنت محتاجه ان الفكرة نفسها تتناقش بشكل اكبر بصراحه وكنت عاوزة اعرف اكتر عن الدكتور ومراته المريبة دي وهي بالنسبالي اكتر حد مخيف في العالم مش الرواية بس شخصيتها مريبة ومريضة جدا .

تجربة لطيفة وتخلص في جلسه او اتنين بالكتير حتفك البلوك وتدي انتعاش وانجوي😘🥰

■ ‫أشربي يا أنسة .. مش أنسة برضوا؟

«آنسة.. مسم!».

‫ فكرت أم حنان في أن أحدًا لم يتهمها «بالأَنَسة»، حتى من قبل أن تتزوج!

#أبجد

#بدرية_وأم_حنان_والجملة_سلسلة_بدرية_وأم_حنان_1

#نسمة_جمال #مي_غريب

رواية "بدريّة وأمّ حنان والجملة" للكاتبة نسمة جمال هي جزء من سلسلة روايات تجمع بين الرّعب والكوميديا بأسلوب ساخر ...

تدور القصّة حول شخصيّتَيْ بدريّة وأمّ حنان، إمرأتان تعيشان في حيّ شعبي، وتنخرطان في مغامرات مليئة بالخرافات والشّعوذة نتيجة لجهلهما بالعلم وتفكيرهما السّطحي ..

رغم الطّابع الكوميدي، تحتوي الرّواية على لحظات مرعبة ..

الرّواية تحمل نقداً لاذعاً وسخرية من بعض العادات والمُعتقدات الإجتماعيّة، وتتميّز بخفّة الدّم في السّرد ..

لغة الكاتبة نسمة جمال في رواية "بدريّة وأمّ حنان والجملة بسيطة وسلسة، مع إستخدام مكثّف للّهجة المصريّة الشّعبية. تعتمد الكاتبة على أسلوب سرد قريب من اللّغة اليوميّة التي تتحدّث بها الشّخصيات في الأحياء الشّعبية، ممّا يجعل الحوار يبدو طبيعيّاً وحقيقيّاً ..

هذا النّوع من اللّغة يُعزّز الجانب الكوميدي والسّخرية في الرّواية، حيث تعكس اللّهجة المحلّية والطّريقة البسيطة في التّعبير واقع الشّخصيات وتجاربهم. كما أنّ الكاتبة تستخدم هذه اللّغة لنقل نقد إجتماعي ضمني لبعض العادات والمُعتقدات السّائدة في المجتمع ..

على الرّغم من أنّ البعض قد يعتبر اللّغة المبسّطة نقطة ضعف من حيث العمق الأدبي، إلّا أنّها تخدم بشكل جيّد الغرض من الرّواية وهو الوصول إلى شريحة واسعة من القُرّاء من خلال أسلوب شعبي قريب من القارئ ..

ختاماً، هذا النّوع من الرّوايات ليس ضمن تفضيلاتي ولا ضمن إهتماماتي المعتادة وقرأتها عن طريق الصّدفة البحتة، لكنّي أدركـ أنّ لكلّ نوع أدبي جمهوره الخاصّ، وأحاول تقبّل التّجارب الأدبيّة المختلفة ..

كلّ تجربة قراءة، حتّى لو كانت بالصّدفة، تضيف شيئاً جديداً لرؤيتي وتعمّق من معرفتي ..

اسم الرواية : بدرية و أم حنان

اسم الكاتبة : مي غريب ، نسمة جمال

دار النشر : روايات مصريه للجيب

عدد الصفحات : 220

_ تدور أحداث الرواية حول امرأتان تسكنان في حي شعبي، بدرية و أم حنان جارتان يقطنان في نفس العمارة.

_في أحد الأيام شعرت بدرية بألم في أسنانها يكاد و صداع يكاد يقضي علي رأسها من قوته فقررت أن تهاتف الطبيب و لكنها لم تكن تعلم أن تلك المكالمة سوف تقلب حياتها.

_ كيف لمجرد جمله أن توقظ مخاوف الطفولة من مكمنها و تجعلها تتشكل أمام ناظري صاحبها .

_ العدد الأول من السلسة يحمل طابع جميل و مختلف فهو يحمل بين طياته الكثير من المشاهد و المواقف التي مرت بها بدرية و صديقتها أم حنان ما بين مخاوف نفسية و الكثير من الفكاهه.

_ جاءت اللغة فصحى سرداً يتخللها بعض الكلمات العامية و الحوار عامية.

_ لم أتوقف عن الضحك أثناء قرأتي للرواية حبيت جدا أسلوب الكاتبان .

_حبيت شخصية بدرية و أم حنان و حسهم الفكاهي.

_ في الواقع كانت الرواية فاصل رائع بين قراءاتي.

اقتباس

_ الأموات عندما ينادون الأحياء، ويسمعهم الأحياء، معنى هذا أنه قد حان أجل من سمع النداء.

🟤️اسم الكتاب : بدرية وأم حنان والجملة (١) .

🟤️اسم الكاتب: نسمة جمال - مي غريب

🟤️نوع الكتاب : رعب / غموض / أدب ساخر

🟤️اصدار عن : روايات مصريـة

🟤️عدد الصفحات : ١٤٦ على أبجد

🟤التقييم : ⭐⭐⭐⭐

- لو قال لي أحد اني سأشعر بالرعب والترقب والضحك في آن وحد لسخرت منه ، كيف يجتمعان !

كيف أشعر بوجود كيان او أشياء غريبة تحدث حولي وأنا فمي ملئ بالطعمية والباذنجان او ربما الكبدة المقلية فالزيت !

- هذا الميكس الغريب تناولته كوجبة خفيفة على قلبي تركتني متحمسه لأكمل السلسلة بل وفتحت نفسي على القراءه بعد معاناة متكرره من البلوك ..

- مع بدرية وأم حنان ضحكت من قلبي و شاركتهم القلق ، وتسلسل لقلبي دفء علاقتهم وصداقتهم المختلفه ...

- بين مورائيات غريبة تحدث لبدرية لاتعلم من اين أت وهي حقيقة ام خيال ، وطبيعة علاقتها بزوجها وجيرانها ، عشت ساعات خفيفه اتمنى ان تتكرر في باقي السلسلة ...

- كتبت بفصحى خفيفه غليها عامية مناسبه جدا للحوار المصري المضحك ، وانا الرافضه للعاميه في الكتابه احببتها بشده ...

كل اللتوفيق وإلى لقاء في عدد قادم 🤩

#مراجعات_تقى_إسلام

شوفوا هو أنا ضحكت لغاية ما عيوني كانت بتدمع وخفت في ذات نفس الوقت، اللي هو ايه الحيرة دي بس ما ترسوا لكم على بر 😅

المهم دلوقتي أنا فضولي سايقني أكون الجملة اللي عرفنا منها ٣ كلمات ولو أن حياة الواحد هتنقلب رأسًا على عقب يعني وهتبقى مرعبة أزيد من اللازم، بس أهو فضول!

وعايزة أعرف الشريف اللي راحوا لأم منى علشان يشوفوه كان فيه إيه 🤣

رواية لطيفة، أدب ساخر ورعب ممزوج بخلطة شعبية بسيطة من مفردات وتصرفات تخليك مش عارف تخاف ولا تضحك.

جارتين تقطنان نفس المنزل أم حنان في الطابق الأرضي يعلوها بدرية، حبيبتان تصونان العشرة، يتهاديان سويا في طريقهما للسوق وتتسليان بحشي المحشي والممبار، تلُك المرأتان نميمتهما في أثناء احتساءهما لفنجاني القهوة.

إلى أن يأتي اليوم الأغبر الذي تتألم فيه بدرية من ضرسها لتحاول بمساعدة صغيرة من الدليل القابع بدرج المطبخ اللجوء لعيادة طبيب أسنان وعمل مكالمة تليفونية لحجز كشف، ومن حينها لم تعد حياة بدرية كما كانت قبل المكالمة.

كتاب جميل و خفيف في القرأة، وراه معاني كتير مدفونة بحرفية وسط الكوميديا الساخرة المصرية.

البطلتين (بدرية و أم حنان) شخصيات بسيطة -علي الله حكايتهم- ظاهريا لكن بناءهم قوي معتمد علي المجتمع المصري (الأصيل) بكل افكارة و معتقداته. ومتحمسة اشوف تطور الشخصيات دي علي مدار باقي السلسة هيبقى عامل ازاي، و خصوصاً ان دي بدايتهم في انهم ينتقلوا من "نعيم الجهل" إلي "جحيم المعرفة"، حتى لو هم نفسهم لسه مش عارفين ده.

الكوميديا في الكتاب راقية و ذكية مش إفيهات، و دي حاجة لطيفة جدا. كوميديا المواقف السيرياليه اللي ماتتخيلش ان بدرية و أم حنان ممكن يتحطوا فيها لطيفة و منعشة. و حبيت جدا رد فعلهم البديهي البسيط للمواقف دي.

هكمل باقي السلسة و رحلة بدرية و أم حنان و اتمنى ان يبقى في تطور اكتر لشخصياتهم و الشخصيات اللي حواليهم.

ايه يا ابجد الجمال والحلاوه

وبعدين مش تكتبو أنه الرعب ده مايتقراش بالليل

يعني مااعرفش انام ولا ابص في المراه

وشعله ايه اللي هتخليك تشوف الاوضه السحريه في عقلنا الباطن وهو ينفع الشيخ صمغ يتعمل فيه كده والوصفه بتاعته تتعجن بتمر هندي

شكرا ليكم ضحكت من قلبي على مدى تلات ساعات

ولأول مرة في حياتي انادي حد احكيله بقرا ايه علشان ادافع عن ضحكي اللي لم اخر الشارع

الرعب ده طلع لذيذ قوي وانا حبيته

مستنيه الجزء التاني من بدريه وام حنان اللي شفتهم قدام عيني لحم ودم

كام مره جريت في الطريقه علشان محدش يجري ورايا

شكرا بجد

كتاب اكتر من رائع

الحوار جميل وسلس

بدرية جابت شلل للشيخ صمغ

لما غيرت في الوصفة خلت الراجل يلطم على وشه

بجد ضحكت من قلبي على أحلي صديقتين بدرية وأم حنان

دول اللي ينطبق عليهم اغنية ع حلوة والمرة

مش حلاوتها أم حسن اللي كان مشغلها عوض الترجمي

وابوعاطف حامي أم حنان من أبو وليد ههههههههه

في انتظار العدد الثاني من هذه السلسله

والله زمان يا مؤسسة العربية الحديثة فكروني لما كنت بستنى العدد الجديد من رجل المستحيل وملف المستقبل وكوكتيل ٢٠٠٠

العدد الأول من سلسلة "بدرية وأم حنان"

بدرية وأم حنان والجملة

الحقيقة إن بقالنا كتير مشفناش النوع ده من الأدب الساخر غير المبتذل واللي فيه جزء لا بأس به من العمق.

ضحكت وتأثرت وحسيت بالألم بالذات في آخر جزء من العدد.

قد ايه مخاوفنا ممكن تفضل موجودة نار مشتعلة تحت الرماد، لكن لو جت فرصة تشتعل تاني ممكن يكون ليها قوة مدمرة.

عجبتني صداقة بدرية وأم حنان ومستنية أشوف الرسالة الخفية وسط الضحك في الأعداد الجاية.

من فترة لم تعد لدي القدرة أو الطاقة على كتابة أية مراجعات، بالكاد أقوم بتقييم الكتب التي اقرؤها. هذا إن أتممت قراءتها أصلاً!

لكن فقرة كتبتها الجميلة شيرين هنائي عن الكتاب جعلتني آتي جرياً لقراءته، ولم أندم....

كوميديا في غاية العذوبة... رعب خفيف لطيف... بطلتان تشبهاننا جميعاً... استمتعت بكل سطر وكل كلمة... بالرغم من انه بقي لدي طن من الفضول لأعرف ما حصل للدكتور مجدي والسحـ... سهام.

استمتعت جدا جدا بقراءة الرواية خطفتني من اول سطر خصوصا انه عندي بلوك قراية من كل أنواع الكتب

حقيقي لفت نظر خفة السرد الظريف الي خلاني كأني أشاهد بطلات الرواية أمامي وأسمع صوتهم كمان واندمج معاهم لدرجة إني شهقت مع كل خضة بيتخضوها خصوصا أما رد القط الأسود على بدرية ينهاري كأنه رد عليا أنا😅😅

شكرا للكاتبات واثبتولي أن الكتابة النسائية رائدة وموجودة بقوة وليها ثقلها 💕

بدرية وأم حنان 🤩🤩🤩😍😍😍

من زمان جدا لم أقرأ قصة كوميدية بأسلوب ممتع راقي تشدك من اول كلمة ..فعلا تجربة رائعة ومستنية باقي السلسلة.

بدرية وأم حنان مرسومين بريشة فنان فتقدر بسهولة تشوفهم قدامك بكل تفاصيلهم وهما بيشربوا القهوة وهما بيحشوا المحشي والممبار ......

ضحكت من قلبي وهما قاعدين عند الدجال 😃😃

مبسوطة جدا بالتجربة دي .

شكرا أبجد

الرواية جميلة جدا ولطيفة ومرعبة في نفس الوقت بصراحة من افضل ما قرأت من روايات مصرية بعد جيلها الذهبي وبإذن الله سأكمل السلسة الظريفة ، فالرواية تعتبر جزء منفصل وليست عدد في سلسلة لكنها رواية رغم كونها من أدب الرعب الا انها تعتبر أدب غير سطحي بل الرواية خليط بين السخرية والنقد اللازع وليس فيها ابتذال الا في اخر كام صفحة

فأنصح بقراءتها

كتاب خفيف لطيف ... كأنك بتشوف فيلم او مسلسل لطيف من بتوع زمان...البطلتين بدرية وأم حنان ستات شعبية بسبطة تربطهم صداقة جميلة .. الاجواء والشخصيات والكوميديا في القصة جميلة لكن موضوع القصة نفسه مش قوي ولا بنفس قوة الشخصيات المرسومة والاجواء اللي في القصة.. ٤ من ٥

الفكرة جديدة وتم تناولها بشكل يشدك

الشخصيات antihero تموتك من الضحك

أسلوب الكتابة لايق عليهم جدا وعلى البيئة اللي طالعين منها

شدتني جدا بأبطالها وطريقة تخلصهم من المشكلة ليس به قوة خارقة

نفسي في صديقة زي أم حنان كده

في النهاية أحب أهنئ المؤلفتين الصاعدتين بقوة

خليط جميل من أدب الرعب الساخر، بلغة عامية مصرية ولغة عربية فصحى، أبطاله سيدتين بسيطتين. تطرق لموضوعات كثيرة في نظري أكثر أهمية من الرعب الساخر وهي معاملة الأزواج لزوجاتهم، والمخاوف الاي يدفنها الإنسان في صندوقه الأسود مع مرور الزمن محتسبا أنه شفي منها.

الرواية تضحك لابعد درجة ممتعة وتغير المزاج 😂 لكن بالرغم من ان اغلبها كوميديا ومشاهد تضحك الا ان في باطنها رسائل كثير. مثل الصداقة وكيف تاثير معاملة الوالدين لاطفالهم. وان الانسان لابد له من مواجهة مخاوفه وتفريغ انفعالاته. رواية ممتعة جدًا ومضحكة

الجانب الكوميدي في الرواية كان أكثر من رائع حقيقي ، جانب الرعب مكنش أحسن حاجة . بس بالنسبالي ممكن أتغاضى عن اي حاجة في الرواية بسبب نوع الكوميديا الرائعة ال فيها وعلاقة بدرية وأم حنان مع بعض ووصف الأكل وكمياته على أنها حاجة بديهية كان خطير

لولا اختلاف الأذواق لبارت السلع

انا كنت داخل بتوقع كبير بعد اللي سمعته لكن للاسف خاب ظني .... اه في ا��زاء خفيفه و تضحك لكن في لت وعجن و حشو مالوش اي داعي كان ممكن يبقي افضل من كده بكتير و كان يبقي استخدام بدرية و أم حنان افضل من كده .

ادب ساخر رعب كوميدي اجتماعي

رواية لطيفة جدا تجمع بين اكثر من نوع أدبي بجانب الاثارة والتشويق لانهاء العمل بيوم واحد

احببت بدرية وأم حنان وأحببت انها سلسة مما يعني المزيد من اللطف والكوميديا التي نحتاجها لترسم الضحكه علي وجوهنا💖