اقتباسات محمد طه

«عدو المرأة الحُرة ليس الذَّكَر المُتعالي فقط، بل عدوّتها أيضًا المرأة الراضية بالعبودية»..

«أصعب حاجة في الدنيا إنك تتغير.. إنك تغيّر حاجة اتولَدت عليها.. واتربيت عليها.. وعِيشت بيها سنين طويلة من عُمرك.. التغيير معناه إنك هتبطل تسجن نفسك في عيون الناس.. وهتبطل تخاف من كلام الناس.. وهتبطّل تعمل اعتبار لأحكام الناس.

اللحظة اللي هاقبل فبها الموت الي جوايا ، هي نفس اللحظة اللي هاقبل فيها خطأي و فشلي و ضعفي و تقصيري و ماقفش عندهم ولا أخليهم يعطلوني...

العلاقات الطيبة هي إكسير الحياة.. وهي الترياق الوحيد ضد الذبول الروحي.. والموت النفسي..

* مهم نعرف هنا إن القبول غير الموافقة. وإني (أقبل نفسي) غير إني (أوافق على اللي أنا فيه). ‏وإني أقبلك مش معناها إني موافق على اللي انت بتعمله. إحنا بنقبل الموجود كخطوة أولى في طريق ‏تغييره. لما إيدك تتجرح، أكيد مش هتقطعها

لحظة ما تدوق طعم حلو.. وتغرق فيه.. وتنسى نفسك..

‫ لحظة ما تشم ريحة حلوة.. وتطير معاها.. فوق.. فوق..

⁠‫إن أي تغيير حقيقي مش هيبدأ إلا من عند الستات..

⁠‫وأي علاج من الجذور نقطة بدايته هي الأمهات..

⁠‫والتحوُّل المجتمعي العميق والدائم مش بس هتقوده السيدات والبنات..

⁠‫لأ..

⁠‫دول هيصنّعوه صُنعًا..

⁠‫ومش هيصنّعوه بالحديد والنار..

⁠‫هيصنّعوه بالورود.. وبالأزهار..

اللهم أرنا الأشياء كما هي»..

تصدقي كمان إن أغلى ما تملكينه في الدنيا هو نفسك.. هو انتي.. وإن مافيش أي حاجة تانية تعادلها أو تكافئها أو تُساويها..

⁠‫الناس عندنا بتتجوز علشان تتجوز.. مش علشان هي هتتجوز مين، وهتتجوز إزاي، وهتتجوز ليه، وإيه اللي هيحصل بعد الجواز..

الأنثى في العقل الجمعي- الذكوري الشرقي- كائن جنسي.. هدف جنسي.. لا تحمل إلا معنى جنسي.. يعني جسم الأنثى كائن جنسي.. أي واحدة ماشية في الشارع هدف جنسي.. ضحكة الأنثى ليها معنى جنسي.. صوت الأنثى ليه معنى جنسي.. مشيتها ليها معنى جنسي.. ريحتها ليها معنى جنسي.. لبسها يتم فحصه وتمحيصه بالمجهر الجنسي..

- الذكورية الشرقية مش بس مرض.. بل هي متلازمة مرَضية كامله -

⁠‫«عدو المرأة الحُرة ليس الذَّكَر المُتعالي فقط، بل عدوّتها أيضًا المرأة الراضية بالعبودية»..

انا مش هاويه للقراءه خالص بس من بعد قراءتي للكتاب انجذبت للقراءه وهاويها بجد شكراً من القلب د. محمد طه❤️🌿

طول مشوار حياتنا، بناخد قرارات مصيرية.. بعضها غلط.. وبعضها صحيح.. ‏بعضها مفيد.. وبعضها مؤذي.. بس دي مش نهاية المطاف.. ولا آخر الدنيا.. دايمًا فيه فرصة ‏للمراجعة.. ودايمًا فيه طريقة لإعادة النظر.. حتى لو كان ليها تمن.‏

‫ أول بقى ما تفهم ده. وتعرفه. وتتأكد منه. وأول ما يحس هذا السائق المتهور، والقائد الأرعن، إنك ‏سمعته، وصدقته، وتعاطفت معاه، وبطّلت تحكم عليه. هتحصل المفاجأة. اللي بتؤكد بكل دقة إن كل ‏ما هو داخلك. هو جزء لا يتجزأ من عائلتك النفسية.

‫نصف حياة.

‫ اسأل نفسك السؤال ده: هو أنا بعمل علاقة مع اللي قدامي كله ولَّا مع جزء منه فقط؟ يعني باعمل علاقة مع الجزء الطيب فيه بس؟ باقبله. وبحبه. وباقي أجزاء نفسه وتفاصيل شخصيته مش قابلها؟ أو باعمل علاقةمع الجزء السيئ بس؟ ❝

❞ لما تكون شايف اللي بتحبها على إنها ملاك نازل من السما. وما فيهاش غلطة. وإنها أميرة الأميرات، وساحرة الساحرات، وأسطورة الأساطير. ومش شايف (أو مش عاوز تشوف) إنها بتغلط، وبتقصر، وإن جمالها نسبي، وإن كلامها مش كله عسل وسكر، وإنه ساعات بيبقى علقم ومر.. وحركاتها وتصرفاتها مش كلها سحر وإبهار.. وإنها ساعات تكون مُندفعة، وساعات جبانة، وساعات محتارة.. يبقى إنت كده عامل معاها علاقة جزئية.. مع الجزء ده منها بس.. وسايب الباقي.. أو ساعات.. مطنشه..

والعكس بالعكس. يعني لما تكون مش شايف من حد في دايرة علاقاتك، غير إنه أناني وطمّاع وقاسي ومهمل و. و… ومش عاوز تشوف ولا تقبل إنه ممكن يكون ضعيف ومتلخبط ومليان غُلب ووجع واحتياج. يبقى إنت برضه عامل معاه علاقة جزئية..

#الخروج_عن_النص_من_جديد

#محمد_طه

عارف إيه أصعب سجن في الدنيا؟

‫سجن «خايف من بكره».‏

‫عارف إيه السجن اللي أصعب منه؟

‫سجن «زعلان على امبارح».‏

‫عارف إيه أصعب حاجة فيهم هما الاتنين؟

‫إن احنا اللي بنسجن نفسنا فيهم بإيدينا.‏

"اللي فات انتهى.. حتى لو كان ساب اثر او كدمة او جرح.

واللي جاي.. مازال بإيد ربنا."