اقتباسات من كتاب كتاب الهيلثي

عمرك البيولوجي دا عمر الخلايا اللي جواك، أو بشكل أوضح خلايا جسمك في صحة جيدة ومحافظة على نفسها ولا في صحة متدهورة؟! ودا يمكن بيبان لما تشوف الرياضيين والناس المهتمة بجسمها وصحتها وتلاقيهم ناس جميلة وجسمهم مشدود، حتى لو هم أعمارهم كبيرة.

الوزن المثالي هو مجرد مؤشر، وبنحسبه بطرح/ خصم ١٠٠ سم من طولنا؛ يعني مثلا لو طولك ١٧٠ سم فوزنك المثالي وفقًا للمتداول هو ٧٠ كجم،

ولنتذكر دائمًا أن السعادة لحظة وأثرها ممتد، وأن الرضا شعور جميل والعيش في حالة من الرضا يضيف للقلب بهجة لا يعادلها شيء.

تخيلوا إن أول درس في ممارسة أي رياضة هو إزاي تتنفس صح، وتخيلوا إن علاج أزمات عصبية، أو نوبات هلع ممكن تكون إنك تتنفس كويس!، تشم هوا، تنظم نفسك، تتعلم إزاي تتعامل مع الهوا اللي حواليك!

الرياضة مش شرط تمارسها في مكان معين، أو تخصصلها وقت محدد. الرياضة نقدر نمارسها طول الوقت، وكل حاجة ممكن تبدأ بالتدريج.

الدايت مش تجويع، ولكن ظبط كمية ونوعية ومواعيد؛ عشان جسمك يسترد حيويته وقدرته على الحرق، ويقدر بعد كده يساعدك تعيش بشكل أصح ‫ - معادلة الكربوهيدرات، والدهون، والبروتين ‫ - افتكر إن فيه نشويات معقدة ودي مهمة، ونشويات بسيطة ودي نبعد عنها ‫ - افتكر إن الدهون الطبيعية مفيدة بكميات قليلة، وإن الدهون المصنعة خطر ‫ - افتكر إنك متضغطش نفسك وتحاول تفصل بين الضغوط وبين حياتك وتعيش بشكل أبسط وتبتسم ‫ - اتمشى مع صحابك وحبايبك ‫ - الرياضة مش شرط تكون جيم وتدريبات صعبة والتزام، اشفط بطنك، واتنفس كويس، واتمشي حتى لو في المول ‫ - انت ممكن

نعتاد أمور جديدة، الفكرة كلها في توافر (3) عناصر:

‫١ - الرغبة (المحفز).

‫٢ - الإرادة (القرار).

‫٣ - بذل الجهد (التنفيذ).

الشريط الوراثي لكل إنسان في نهايته طرف مسؤول عن نضارة جسمنا وصحة الخلايا، وإن الطرف دا كل ما بيتآكل بتبدأ تظهر علينا علامات السن أو الشيخوخة؛ زي الصلع، وكرمشة الوش، وانحناء الظهر ، وغيرها.

لكن لازم نوضح إن مهما كان فيه عمليات تجميل مش هتقدر العمليات تخليك مشرق وجذاب طول الوقت. المشاهير عادة بيتابعوا نظام حياتهم مع متخصصين بيساعدوهم يكونوا في وضع نفسي وجسدي أفضل، بيهتموا بصحتهم وبجسمهم وبشكلهم، وبياكلوا أكل يضيف لنضارتهم وبشرتهم، ودا بيفرق كتير جدًّا بدون عمليات أو تجميل.

طيب هنا محتاجين نوضح نقطتين: في عمر اسمه العمر التسلسلي، وعمر اسمه العمر البيولوجي.

‫ عمرك التسلسلي دا عمرك بالسنين، اتولدت سنة كام وفات كام سنة؟!

‫ عمرك البيولوجي دا عمر الخلايا اللي جواك، أو بشكل أوضح خلايا جسمك في صحة جيدة ومحافظة على نفسها ولا في صحة متدهورة؟! ودا يمكن بيبان لما تشوف الرياضيين والناس المهتمة بجسمها وصحتها وتلاقيهم ناس جميلة وجسمهم مشدود، حتى لو هم سنهم التسلسلي/ أعمارهم كبيرة.

الأصل في الرياضة الاستمتاع بالتأثير اللي بيحصلك منها، التأثير الإيجابي الجميل، والاستمتاع باللعبة نفسها. متربطش نفسك بأوزان معينة لازم تشيلها، أو عدد تمارين معينة، حاول تتمرن وأنت مبسوط، ولو بخمس عدات بطن قبل ما تصحى وقبل ما تنام.

‫ لو بتروح الجيم بشكل مستمر جرب تتنفس صح، وتتنفس كويس بعمق وهتلاحظ إن معدل الحرق ممكن توصله في وقت أسرع، وإن كفاءة التمرين بقت أحسن.

الخبز البلدي بدل العيش الفينو، المكرونة البني بدل البيضا، الرز الكامل يكون أفضل، والرز عمومًا أفضل من المخبوزات، الفاكهة بدل الحلويات. اللبن بدل العصائر المعتمدة على السكر والآيس كريم، عسل النحل بدل السكر.

كل ما كانت النشويات أسهل في هضمها وتحولها لسكر في الجسم، كل ما كانت بتأثر على وزننا. طيب ليه؟ لأن سرعة تحولها لسكر بكميات كبيرة بيخلي البنكرياس يشتغل بشكل أكبر وينتج إنسولين بشكل أكبر جدًّا، ودي من أهم مسببات السمنة؛ لأن كل السكر دا بيتخزن في الجسم في شكل وزن زائد وترهلات في المستقبل، كمان لأنها بتتهضم بسرعة، فالجسم لا يبذل أي مجهود أو طاقة في حرقها، وبالتالي جسمنا مش بيخسر أي طاقة وبيستمد منها طاقة زيادة عن

الضغط النفسي هيسبب تخمة في النفس، كفاية إنك تحس طول الوقت بخنقة وضيقة وارتفاع في ضغط الدم! باالإضافة لدا كمان هرمون الكورتيزول هيرتفع، سكر الدم هيرتفع، الإنسولين هيرتفع، هنحس

لبن اللوز. أنتِ تعرفين طبعًا أن اللبن النباتي هو أقل في السعرات الحرارية بكثير، كما أن مزج اللبن النباتي يساعدك تمامًا في التخلص من الدهون، خصوصًا مع الانتفاخات.

البنجر، أو الشمندر؛ دا نوع من أنواع الخضار مش متخيلة مليان معادن وفيتامينات أد إيه، لازم تتعودي وتعودي أولادك من بعدك أنهم يواظبوا عليه، ويا سلام لو عصير كمان وعلي فكرة ممكن يتسلق أو يتعمل مخلل، يتحط عليه ملح وفلفل ويتساب لتاني يوم في التلاجة، هيبقي طعمه حلو أوي، ولو هتعمليه عصير فاعمليه عصير في عصارة الجزر، العصير حلو جدًّا، لو بتعاني من حب الشباب أو عندك مشاكل شعر، وكمان بيقاوم الزهايمر؛ لأنه بيساعد علي تدفق الدم للمخ فبيحارب الخلايا السرطانية، وبيحسن جدًّا من نشاط الدورة الدموية بالنسبة لمرضي الضغط، ومليان حديد، فمناسب للي عنده أنيميا، و بيساعد الكبد

إحنا اكتسبنا وزننا دا في فترة أد إيه؟ تقريبًا فترة تعادل ٥٠٪ من عمرنا، وجايز أكتر، وبالتالي اللي قعدنا نبنيه في سنين ليه منتظرين نخسره في لحظة؟ إحنا بنتكلم عن خسارة وزن بشكل منطقي وعملي، الموضوع أشبه بترميم وظبط هيكل وشكل عمارة عريقة وجميلة حابين نحافظ عليها، سهل جدًّا نهدها كلها في يوم، بس دا هيكون نهاية لها، لكن صعب نعيد ترميمها وتشكيلها في يوم، الموضوع هياخد وقت. ن

أسطورة الوزن المثالي دي مجرد مؤشر، وإن العامل الأول والأخير مش وزننا، لكن شكل جسمنا ونسبة الكتلة العضلية إلي الدهون

مين كان يصدق إن حاجة بسيطة زي الكمون الموجودة في بيوتنا كلنا ممكن يبقى لها التأثير الكبير جدًّا على صحة جهازنا الهضمي والقولون، وكمان عامل مساعد في تحسين وحفظ البشرة والشعر ومضاد للأكسدة؛ يعني على المدى البعيد بيساعد على عدم الإصابة بأمراض سرطانية لا قدر ال