اقتباسات د. محمد طه

‫نصف حياة.

‫ اسأل نفسك السؤال ده: هو أنا بعمل علاقة مع اللي قدامي كله ولَّا مع جزء منه فقط؟ يعني باعمل علاقة مع الجزء الطيب فيه بس؟ باقبله. وبحبه. وباقي أجزاء نفسه وتفاصيل شخصيته مش قابلها؟ أو باعمل علاقةمع الجزء السيئ بس؟ ❝

❞ لما تكون شايف اللي بتحبها على إنها ملاك نازل من السما. وما فيهاش غلطة. وإنها أميرة الأميرات، وساحرة الساحرات، وأسطورة الأساطير. ومش شايف (أو مش عاوز تشوف) إنها بتغلط، وبتقصر، وإن جمالها نسبي، وإن كلامها مش كله عسل وسكر، وإنه ساعات بيبقى علقم ومر.. وحركاتها وتصرفاتها مش كلها سحر وإبهار.. وإنها ساعات تكون مُندفعة، وساعات جبانة، وساعات محتارة.. يبقى إنت كده عامل معاها علاقة جزئية.. مع الجزء ده منها بس.. وسايب الباقي.. أو ساعات.. مطنشه..

والعكس بالعكس. يعني لما تكون مش شايف من حد في دايرة علاقاتك، غير إنه أناني وطمّاع وقاسي ومهمل و. و… ومش عاوز تشوف ولا تقبل إنه ممكن يكون ضعيف ومتلخبط ومليان غُلب ووجع واحتياج. يبقى إنت برضه عامل معاه علاقة جزئية..

#الخروج_عن_النص_من_جديد

#محمد_طه

عارف إيه أصعب سجن في الدنيا؟

‫سجن «خايف من بكره».‏

‫عارف إيه السجن اللي أصعب منه؟

‫سجن «زعلان على امبارح».‏

‫عارف إيه أصعب حاجة فيهم هما الاتنين؟

‫إن احنا اللي بنسجن نفسنا فيهم بإيدينا.‏

"اللي فات انتهى.. حتى لو كان ساب اثر او كدمة او جرح.

واللي جاي.. مازال بإيد ربنا."

وإنه يمكن تكون إحدى وسائل الحماية منه..‏

‫إنك تحب نفسك..⁠‫

‫وتحترم غيرك..⁠‫

‫وتراعي ربنا.⁠‫

‫ساعتها..⁠‫

‫تقدر بجد.. تتقي شر نفسك..‏

‫وتملك زمام جسمك..⁠‫

‫وتأمن مكر عقلك.‏

رهيب و كأنه يقرأ كل تساؤلاتك و أحاديثك مع نفسك و يشاركك الحوار 👌

في رأيي إن (الكومفورت زون) ما هي إلا سجن صغير.. به مكيف للهواء.‏

الفكرة الأساسية في (الكومفورت زون) هي (وهم السيطرة).. بمعنى إنك ماتعملش غير اللي تعرفه..⁠‫وماتعرفش غير اللي تألفه.. وماتحسش غير اللي انت متعود عليه.‏

ودي برضه رسالة الفصل ده..

⁠‫الفَقْد حق..

⁠‫الحزن حق..

⁠‫قبول الفَقْد.. نجاة..

⁠‫قبول الحزن.. حكمة..

⁠‫و..

⁠‫قبول الموت.. حياة..

أما اللي بيقرر إنه يقبل.. ويستحمل.. ويكمل..

⁠‫فده هو اللي قرر «يحيا»..مش بس «يعيش»..

⁠‫ودي أعلى درجة من درجات النمو النفسي.. واسمها - للمفاجأة- «الموقف الاكتئابي»..

جرب تقول كده:

‫ أنا أستاهل أعيش..

‫ وأستاهل أفرح..

‫ وأستاهل أتحب..

‫ وده حقي..

حائط الصد الصلب ضد الذهان والفصام والجنون، بالرغم من نجاح بعض الطرق الأخرى، هو إنك تصدق إنك تستاهل تعيش، وتستاهل تفرح، وتستاهل تتحب.. وإن ده حقك..

‫ زي ما الأفراد ليهم تاريخ من النمو النفسي.. وأشكال من التثبيت والنّكوص عند درجات مُختلفة من سلم النضج الإنساني.. المجموعات كده.. والمُجتمعات كده.. والشعوب والأمم كده.. في علاقتهم بنفسهم، وبغيرهم.. وبربنا..

إحنا بنختار اللي إحنا مصدّقين إننا نستاهله

ما تصدقش كل حاجة إنت مصدّقها..

قبول الضعف.. قوة..

⁠‫وقبول الفشل.. نجاح..

⁠‫وقبول الحزن.. حكمة..

⁠‫قبول الموت.. حياة..

أمل معجون «بالحزن»..

العلاقات الطيبة هي إكسير الحياة.. وهي الترياق الوحيد ضد الذبول الروحي.. والموت النفسي..

ولو كان الحل.. هو أن أزين كلامي.. وأزيف نفسي.. فده السجن.. اللي مش هينفع أتسجن فيه أبدًا..

هاختم الفصل ده بجُملة شهيرة للشاعر مُريد البرغوثي:

‫ «عدو المرأة الحُرة ليس الذَّكَر المُتعالي فقط، بل عدوّتها أيضًا المرأة الراضية بالعبودية»..

‫ أنا في مُمارستي الإكلينيكية باسمع ستات بتقول لبناتها: «ما ترديش على جوزك.. ما تعلّيش صوتك على صوته.. ما تناقشيهوش.. انتي مش من حقك تحاسبيه على أي حاجة.. هو الراجل.. انتي شغلك البيت والعيال وبس.. انتي مش زيك زيه»..

‫ وباسمع جُمل من قبيل: «لو بص بره.. شوفي نفسك مقصرة في إيه».. «خدي بالك من نفسك، حتى لو هو ريحته تقرف».. و«خليكي عارفة.. ماعندناش حاجة اسمها طلاق»..

الراجل اللي بيلبّس مراته دور الأم.. ويدوّر على واحدة بره البيت تلعب معاه دور الزوجة.. هو طفل صغير لم يتجاوز ثلاث سنوات من العمر.