رواية أطياف كاميليا كانت تجربة مختلفة تمامًا، كاميليا شخصية مش زي أي حد، مميزة عن باقي النساء. لسه فاكرة إني كنت بقرأها وأنا قاعدة في كافيه بره القاهرة، والكتاب خدني في رحلة غيرت تفكيري وشخصيتي بشكل ما كنتش متخيلاه.❤️❤️📚
بس بصراحة زعلت من النهاية المفتوحة، حسيت كأني واقفة قدام باب موارب مش عارفة هيقفل على إيه بالظبط. رغم كده، حبيت كاميليا الصغيرة جدًا، عكس عمتها اللي فكرتني بشخصية نورا. يمكن لأن نورا ناجي نفسها قالت إن الرواية دي أقرب حاجة لقلبها، وده وصل لي بصدق.🤩❤️👏🏻
أنا فخورة جدًا بنورا ناجي، لإنها كاتبة حساسة بجد، وكتاباتها فيها روح بتلمس القلب. اتعلمت منها حاجات كتير، وحقيقي متأثرة بأسلوبها وإحساسها العميق ❤️❤️🤩