نورا (الراوية) بنت  زي اي بنت شرقية  كبرت و اتربت في مجتمع نوعا ما مقفول و مليان تابوهات.. 

كبرت و كبر جواها الصراعات و الاحباطات و الرغبات المكبوتة و الاحلام غير محققة و لما الشيلة تقلت قررت تبوح و تفضفض لكن على طريقتها الخاصة... 

بصراحة اول كام صفحة كانوا غير مشجعين و فكرت اني اسيبها اكتر من مرة  بس  قررت اكمل و اشوف!!

و الخلاصة في الاتي :

- عاجبني ان الكاتبة قدرت توصف تفاصيل و مشاعر و مواقف  ممكن اي بنت تكون مرت بيها في مرحلة من مراحل  حياتها..  

-  محبتش فكرة ان الواحد لازم يتحرر من كل القيود ايا كانت عشان يحس بنفسه و يحقق ذاته!!!  مش دايما جهاد النفس و محاربة الاهواء بيكون جبن زي البطلة ما كانت طول الوقت شايفة!!

- قصة نورا و زياد لطيفة بس غير واقعية بالمرة.. 

-  قصة مريم و تفاصيلها الجريئة للأسف صادمة و مليانة تفاصيل مقززة ! محبتهاش  ابدا ابدا.. 

بشكل عام فكرة الرواية كويسة بس كان ممكن تكون احسن من كده