اليوم بدِّي أوضِّح أكثر بشكل سريع ليش اخترت المنهج التفكيكي بالحكي الكولونيالي يلِّي رح أحكي معكم أنا اخترت التفكيكيَّة لأنَّها بتعبِّر عنِّي وعن المهمَّشين والمسحوقين عن الناس يلِّي اكتشفت إيمانها التحرُّري من خلال الكفر بحقيقة العقل الحضاري الغربي التفكيكيَّة تعبير عن المسكوت عنه… هي زي ما حكيت بالبداية مكبِّرات الصوت يلِّي حطِّيتها فوق جرحي ووجعي عشان يسمعو العالم، وصوتي العالي يلِّي هو صوتكم لازم يعلى أكثر ويصرخ بوجه روح المبنى الغربي، روحه المعرفيَّة… أو إذا بدكم بدِّي أصرخ بوجه الابستمولوجيا الميتافيزيقيَّة الغربيَّة سامحوني على هالكلمتين الصعبات… فزلكة زيادة بعرف… بس ما تقلقوا إحنا لقدَّام شوي رايحين نعرف شو المقصود من