الروايه جيده وان كنت اعتقد ان نهايتها اضعفتها الي حد كبير ولو كان الكاتب خلي كل شخصيه تتحمل نتيجه تصرفها بشجاعه كانت هتبقي اقوي علشان الجزاء بيبقي دايما الرساله او الدرس اللي المفروض الكاتب بيوصله للقراء....
عندي اعتراض علي منظومه الأخلاق المنحطه اللي الكاتب بيخلي ابطاله منها من باب ان ده موجود حوالينا ماشي فين الجزاء وفين اظهار عيوب الوحش او حتي محاولات التغيير للأبطال للأفضل؟
اخيرا موضوع الانتحار اللي موجود في كل روياته مش لاقياله سبب غير ان الكاتب وعد حد او نفسه انه يفضل يكتب عنه في كل رواياته ...بس المشكله انه بيخليه حاجه عاديه عند كل الابطال بتوعه في وقت شباب كتير عندها لخبطه فده بيرسخ الفكره ويخليها طبيعيه جدااا ...
محمد صادق من اكتر كتاب جيله موهبه و احساسه مرهف جدا بالناس والعلاقات بس لو يجرب يخرج بره التيمه دي هيبقي من اهم كتاب جيله اتمني انه يدرك ده دلوقتي....
