مراجعات رواية امرأة العزيز "جميلة كالقدس , ألف عاشق يتمنى احتلالها"

حالة من التقزز تسيطر عليك منذ الصفحات الأولى للرواية، لأن كاتبها جاء بقاذورات البشر وجميع أفعالهم الحيوانية وألقى بها في صفحات ليُخرج لنا رواية عبثية قوامُها السطحية والمبالغة والاسفاف

لا أدري هل هذه الرواية تعد أول عمل للكاتب أم لا لأن العمل يوجد كثير من الثغرات التي يكتمل به العمل الروائي

عزيزي المؤلف:

الكار ده مش كارك. اشتغل مهندس. افتحلك عيادة. لكن كار التأليف ده مش بتاعك صدقني. أنا عارف مصلحتك. و بعدين تعالى هنا. انت أصلا مترجم خليك في الترجمة. الترجمة حلوة و سيبنا احنا في حالنا.

و بعدين يا اخي انا دخلت صفحتك ع الفيس بوك لقيتك راجل لذيذ و دمك خفيف و بتحب الهلس زي حالاتنا. جايب الرواية الكئيبة المقبضة المقرفة دي منين. ده انت جمعت فيها كل الشذوذ و الموبقات في فواصل من العك الدرامي و الاسلوب الإنشائي و السرد المشتت و حطمت كل تقنيات الكتابة في صفحات قليلة بحبكة ليست ضعيفة و لكن غير موجودة أصلا. ليه تقتل الفرحة جوانا

اسلوبك مباشر جدا و مدرسي جدا و لغتك أقل من عادية و دمجك للحكم و المواعظ و حرصك على الحل السهل في النهاية كان في منتهى السذاجة. فأرجوك سيبك من السكة البطالة دي و روح كل عيش في حتة تانية و انا متأكد ان عندك طرق كتيرة تعبر بيها عن نفسك غير الكتابة.

يعني هيا المشاكل اللي في المجتمع كلها خلصت عشان نكتب روايات عن زنا المحارم والشذوذ؟ صحيح المشاكل دي موجودة، لكن لا يتم الكلام عنها في العلن، وأنا من رأيي أن بداية التطبيع مع مثل هذه المشاكل هو إظهارها في الأعمال الأدبية والفنية فينكرها الناس في الأول، ثم يدافع عنها البعض من باب الحرية الفكرية، ثم يغضوا النظر عنها، ثم تصبح حقيقة واقعة، كما حدث في المثلية الجنسية عند الغرب.

قرأتها ضمن تحدي أبجد للقراءة ٢٠٢٤

محمد متولي