اقتباسات مصطفى إبراهيم

أنا أحسن واحد يقنعك تحكي... وما بيحكيش

أنا أحسن واحد يقدر يقنعك تبكي.... وما بيبكيش

أنا أحسن واحد يقنعك تفرح

أنا أحسن واحد يقنعك تجرح

أنا أحسن واحد ميت

يقدر يقنعك....

تعيش

نفسي أسمع نكتة حلوة..

مسمعتهاش قبل النهاردة..

وأضحك لحد ما بطني تِقْفِش..

وحاشتم اللي يقوللي إهدا..

وتكون قبيحة مفيش مشاكل..

أو حتى حتودّي فـِ شناكل..

أصل اللي زيّي شارب وواكل..

مِ الحزن لمّا قلبه صدّا..

الدنيا اساساً م الاول ..

شيء يشبه سلك السماعة ..

يتلعبك منك ف ثواني ..

و عشان يرجع مفرود تاني ..

لازم تتعذب و تعاني ..

و تفكه ف أكتر من ساعة ..

إنى رأيت اليوم

الصورة من بره

قلت الحسين لسه

حيموت كمان مرة

إنى رأيت اليوم

فيما يرى الثائر

إن الحسين ملموم

فوق جثته عساكر

بيدغدغوه بالشوم

كل أما ييجى يقوم

وإن البشر واقفة

تبكى بدال ما تحوش

وإن العلم مصفاه

م السونكى والخرطوش

وإن الطريق مفروش بالدم للآخر

إنى رأيت اليوم الدم ع الآيش

وإن الحسين احنا

مهما اتقتل.. عايش

ماسبيرو أخطر م الرصاص والقصر

ملِّى عنيك بالدم .. قبل الطلوع قدام

ما تسيبش جيشك تِقسِّمه الإعلام

مش كل مين جنبك .. جواه بيهتف مصر

في نشرة الأخبار ..

هيقولوا عنك فوضوي وقاتل ..

نفس القناة وقت اللزوم ..

هتطلع مقتول وبتناضل ..

في ناس كتيرة أكل عيشها الأزمة ..

وده عيبه ..

إن هذا العالم صوته من جيبه

ومفيش حقيقة صعب تتأول ..

ودي ناس تعرف تبيع الآه

زي ماتعرف تبيع اللأ

الميديا بائع حق .. متجول

أنا لسه يا رب.. بحطة إيدك ع المسرح ..

‫أنا لسه بحاول أستوعب ف طبيعة الدور ..

‫معييش النص.. وخايف بس أتوه وأسرح ..

‫وقت أما تقرر تكشفني بسبوت النور ..

‏❞ ‫كل اللعب في الدنيا بلعبها في دماغي

‫لحد اما تبقى كل حاجة جميلة

‫أو العالم بتقله يمر

‫عالم

‫ما فاضلش جوَّاه أي حاجة تثبتلي اني حر

‫غير الثواني القليلة

‫اللي بسيب جوَّاهم

‫خيط دماغي يكر ❝

أصل اللي زيي حيعيش لماذا ؟

لو عاش لوحده

العمر كله

كاتب روعه بصراحه👌

❞ قابل شهيد الثورة ف الآخرة.. شهيد الحرب

‫قالُّه يا بختك يا أخي.. عارف بِتضرب مِين

‫أنا مُت ما اعرفشي.. كان جاي مِنين الضرب

‫كل اللي كانوا هناك… شَبهي ومَصريين

‫أنا وانتا مُتنا صحيح.. علشان بَلدنا تعيش

‫وانا وانتا مُتنا صحيح.. شجعان.. وبِنقاتل

‫أنا جيت هنا علشان.. ❝

❞ الخائفون من الفراق.. والخائفات

⁠‫والعارفون أن اللقا بِيدوم ساعات

⁠‫كُلٌّ في فلكٍ يسبحون.. ويذبحون

⁠‫عُمر الحاجات الجاية على حِس اللي فات ❝

❞ بعد اللي كُل الناس شافوه

⁠‫إزاي ما زالوا بِيعرفوا.. فرق لقطات الإعادة

⁠‫من حالات الديچاڤو(2)؟ ❝

مفروض الواحد يعمل ايه

‫لو مش مندمج بالكامل

‫مع العالم ولا الأحداث

‫ولا كلام الناس

الطبيعة بتعلِّم الإنسان

‫الكمال للكل

ومرَّة واحدة الدنيا تسكت ..

‫صاحب المكان.. ينده عليا ..

‫ويقولي ها.. نفسك ف إيه؟

‫أسكت.. وأتهته.. وأقول رضاك ..

‫يقول تعبت ولَّا إيه؟

‫أقول خدني أفضل معاك ..

‫يحضنِّي جامد مرَّة واحدة ..

‫واللي خسرته ف ألف دور ..

‫يديهولي ف ضمة واحدة ..

‫يرمي جوا قلبي نور ..

‫ألقى كل حاجة.. غير ..

‫ألقى كل حاجة.. خير ..

‫ألقى نفسي زي طير ..

‫عاش.. ومات ..

‫من غير مناهدة

وهيبقى هُوَّ وصُحبته أغراب

‫وإن المَدد مش جاي

‫مش هُوَّ ده علمهم

‫إللي قالولك تيجي رجعوا ف كلامهم

‫يا حسين هتيجي تموت لمين.. ارجع

‫كل اللي جاي علشانهم

‫تفدي وتناضل

‫راضيين يعيشوا عَبيد

‫والمشهد الفاضل

‫هَتموت ف آخره وحيد

ألقى نفسي زي طير ..

‫عاش.. ومات ..

‫من غير مناهدة

الحياة مش كلها انبهارات

‫ولا تجارب سُخنة بالبهارات

‫والليالي المدهشة حلوين

‫بس السنين المملة

‫هيَّ اللي بنت حضارات

أبعد نُقطة بِالنِّسبالك

‫جُوَّا الدايرة… هِيَّ مكانك

‫ولأن أساسًا ف الدايرة

‫هنا هوَّ هناك

‫فَطبيعي تحس انك عايش

‫باتنين جُوَّاك

بِتسيبنا ناس في الشمس عشان تقف ف الضِّل