المانيفستو

هتقولوا قلة ،،هنقولكوا

بنغربل الأوساخ،،وبنديهالكوا مدد

بتسيبنا ناس فى الشمس عشان تقف فى الضل

وسيدنا الحسين منصور ،،عمره ما همّه عدد

إنى رأيت اليوم...الصورة من برة

و قلت الحسين لسة ....حيموت كمان مرة

إنى رأيت اليوم ....فيما يرى الثائر

ان الحسين ملموم ...فوق جثته عساكر

بيدغدغوه بالشوم

كل أما ييجى يقوم

و ان البشر واقفة

تبكى بدال ما تحوش

و ان العلم مصفاه

م السونكى و الخرطوش

و ان الطريق مفروش...بالدم للآخر...

إنى رأيت اليوم...

الدم ع الآيش....

و إن الحسين إحنا....

و مهما اتقتل عايش.

****

أفضل ما قرأت هذا العام

مصطفى إبراهيم يكتب ديوانًا ثوريًا ويلحق في صفحاته قواعد الدايرة السبعة وبعض القصائد الأخرى التي تسطّر أجزاءًا من حياة كل شاب يعيش في هذا الزمن المنيِّل، ديوان جميل. كما كنت أتوقع.

ملحوظة: أكثر من نصف القصائد نُشرت على الانترنت أو في جريدة التحرير.

هناك ما تقرؤه لكي تعيد الاستمتاع به، وأنت تعرف جيدًا أنه جميل .. ورائع ..

مثل هذا الديوان .. المحكم

عنَّا وعن الثورة

يقفز "مصطفى إبراهيم" فيه رأسًا إلى الصفوف الأولى مؤكدًا مواقفه متضامنًا في ثوريته وشعره مع الناس، يعلم جيدًا كيف يكتب .. هذا أمرٌ انتهى منذ ديوانه الأول وقصائده الأولى، إلا أن النقلة هنا مختلفة، ومقسَّمة بين مقطوعات في غاية الإيجاز والدلالة، وبين قصائد طويلة كان أروعها ـ بالتأكيد ـ بالمانيفستو .. الذي أعد كل جزء فيه رسالة موجهة للثورة والثوار .. وللدنيـا كلها:

ومنها "

--------------(ت)--------------

تبّت يدا من ساب رفاق المعركة بطولهم

تمن القضية اللى اندفع مبقاش يجوز يرجع

تتعب تبص ف عين.. إصحابك الطايرة....شوف مين من الآخر دفع....لو زيهم... إدفع

تلت الرصاص نحو العدو... .تلتينه للخاين..الطعنة جاية من هنا مش من هناك

تعب النهاردة غير تعب بكرة....الوقت مش دايما معاك.

تحتك فيه ناس عاوزة الأمل...مش عاوزه؟... سيبهولهم

....

شكرًا يا نمصطفى دومًا

.

يُنصح بسماع هذه القصيدة .. :)

****

انا احسن واحد يقدر يقنعك تحكى ومايحكيش

انا احسن واحد يقدر يقنعك تبكى ومايبكيش

انا احسن واحد يقنعك تفرح

واحسن واحد يقنعك تجرح

انا احسن واحد ميت

يقدر يقنعك

تعيش

------------------

ورا كل كلمه سبتها وطلعت

فيه كلمتين مارضوش

ورا كل دمعه سبتها ونزلت

فيه دمعتين مارضوش

ورا كل كاس احزان

قضيته بالنسيان

فيه الف كاس مليان

بيزيدوا ما بيفضوش

------------------

الملح والسكر نفس البياض ازاى؟

والورد احمر زى لون الدم

اعرف منين الضحكه دى من فين؟

وان كنتى ضحكه فرح

ولا انتى ضحكه هم

----------------

كتاب رائع بجد

شعر ممتاز

ليك مستقبل كبير ان شاء الله

مكنتش ناوية اقراه اعتقادا مني اني كفاية اني سمعته من مصطفي ابراهيم ف تراكات, بس طلع أحلي بكتير لما قريته, كنت بسمع كل الجمل بصوت مصطفي وانا بقراه ,, كلامه بسيط و عميق ف نفس الوقت, بيوصف حاجات مكلكعة جوايا بوصف بسيط اوي,, خليط غريب مالوش اسم ولا تصنيف , خلصته كله ف أقل من ساعتين.

أعجبني أكثر من ويسترن يونيون فرع الهرم -الديوان الأول للشاعر-

ربما لأن معظم قصائده عن الثورة ولأن فيه قصائد أكثر عن الوطن

ديوان رائع للغاية، وسأعيد قراءته ان شاء الله

لم يعجبني كسابقه "ويسترن يونيون"

كل ما اقرأه عن الثورة في الوقت الحالي لا استسيغه لأني اشعر انه عمل غير ناضج وغير مكتمل

دائما هناك شيء ناقص واحيانا يصل إلى الإبتذال !

لم تعجبني غير "تفرانيل 100" كقصيدة كاملة ، والباقي مقتطفات

مصطفى شعره جميل جداً وصادق جداً .. مش بعرف أقيّم الشعر دايماً، بس حسيت بنضج عن الديوان الأول

كتاب رائع بمعني الكلمه قرأته مرتين ومشتاق اقراه تالت مره

لديوان عمومااحسن من ويسترن يونيون فرع الهرم واللي عجبني؛

ديالوج/سيب /بندعيلكوا/خمس خمسات/دولة الثوار /تفرانيل 100/قاعدة1 /مع الثوره ذلك افضل جدا/

*وميت بيسلم حي

والميت وان كان تافه

ف بيفضل ملهوش زي

*ورا كل كلمة سبتها وطلعت

فيه كلمتين مارضوش

ورا كل دمعة سبتها ونزلت

فيه دمعتين مارضوش

ورا كل كاس احزان

فضيته بالنسيان

فيه الف كاس مليان

بيزيدوا مابيفضوش

*“أنا أحسن واحد يقنعك تحكي…

ومابيحكيش…

وأحسن واحد يقنعك تبكي…

...وما بيبكيش…

أنا أحسن واحد يقنعك تفرح….

وأحسن واحد يقنعك تجرح…

أنا أحسن واحد ميت….

يقدر يقنعك….تعيش…”

*“أبعد نُقطة بِالنِسبالك

جُوَّا الدايرة... هِيَّ مكانك

ولأن أساساً ف الدايرة

هنا هوَّ هناك

ف طبيعي تحس انك عايش

باتنين جُوَّاك”

*“وطّى على ودنى ف قلب المسيرة وقال:

كده يبقى فاضل كام شهيد ع النصر؟

كده يبقى فاضل أد إيه على مصر؟”

*“إزاى تعرف مين سابق مين جوا الدايرة و مين فيها فطع أطول مشوار .. مش ممكن برضه اللى ف ضهرك يطلع سابقك و انت اللى حمار ؟؟”

*“ارجوك يا زمان خبى المقدور

الضلمة براح اكتر من النور

سيبنى اتخيل .. ان انا بختار

قبل اما اعرف .. ان انا مجبور”

*“يعني أنَا لو مِنَّك بصراحة

وقَلَبت الصناديق عرض وطول

ومالقيتش اللي أنا كان نفسي ألقاه

هَفْضَل سايب صندوق مقفول

وهَقول بالتأكيد كان جُوَّاه”

*“نشبه لذرات الهوا.. وقت الجليد والبرد

بتتكثف وبتقرب أوى من بعض

وترجع تانى تتفرق

مع أول دفا تشمه

كرهنا الشمس بسببكو

يا شعب البرد بيلمه”

*“صدقنى انا زاهد بالصدفة .. او من غير قصد

انا طاير آه .. لكن علشان مش لاقى الارض

صدقنى انا كان نفسى اتعلق .. ف حاجات ياما

وأعيش احساس ان انا فعلا من غيرها هموت

انا اعرف اعيش

من غير ما احتاج انى اقرا الوقت

من غير ولا واحد م اللى اعرفهم دلوقت

انا اعرف اعيش من غير اسمى

او سنتوف بره حدود جسمى”

Review "المانيفستو" هو الديوان الثاني للشاعر المصري (مصطفى ابراهيم) ، شاعر يكتب باللهجة العامية المصرية ، له ديوانين ، الأول "ويسترن يونيون فرع الهرم" والثاني "المانيفستو" والثاني فاز بجائزة الشاعر المصري الراحل "أحمد فؤاد نجم" لشعر العامية وهي جائزة حديثة ومن أقوى الجوائز والمسابقات في ألشعر العامي..

ديوان المانيفستو:

صدرت الطبعة الأولى منه يناير 2013 عن دار بلومز بري-مؤسسة قطر للنشر ، توالت الطبعات بعد ذلك.

بداية بإسم الديوان :

إسم الديوان للقصيدة الأخيرة به وفي تعريفها بأن كبمة مانيفستو تعني "بيان عام بأهداف الحركة أو التنظيم وسياساتهما"

-الديوان يحتوي على سبعة اجزاء ، كل جزء يحتوي على عدد من القصائد والمقطوعات الشِعرية والموسيقية ، وإبداع في الكلِمات السهلة والغير مبتذلة من اللهجة العامية المصرية.

-تعددت المواضيع في الديوان وتنوعت ، يأتي في إطارها جمال الكلمات والإحساس القوي الذي يُكتب بها.

-أكثر ما يحتوي الديوان وكان في عدة قصائد عن ثورة "25 يناير" ووصف عِدة مشاهد بها.

-قصيدة ووصف من وجهة نظر الشاعر لمقتل (الحسين) .

-عدة قصائد أخرى وينتهي بقصيدة تنتمي لإسم الديوان "مانيفستو" والتي تبدأ كل مقطوعة مِنها بحرف من ذلك الإسم والتي من خلالها تنظيم للحركة التي كانت خلال ثورة "25 يناير" .

الشعر روح واحساس تصِفه الكلمات من وجع وألم وسعادة وتفكير فيما سيأتي ، فيما مضى ، يختلف قلم الكاتب من وصول مبتغاه وكتابته للقاريء وقبل كل شيء إحساسه وكأنك تمر بكل ما تقرأ وتشاهد المشاهد التي تخطوها تِلك الكلمات وهذا ما تألق فيه وأبدع الشاعر الشاب.

قرأت هذا الديوان أكثر من ثلاث مرات ولا أعتقد أنني سأنتهي عند هذا العدد.

فى الدايرة مفيش واحد بيتوه

غير اللى يقرر يوقف لف

فى اللفة مفيش واحد مجروح

إلا اما اخرها بتلاقاه خف

فـ خلاصة القول

عيش عرض و طول

و متخافش من الموت و الخرابيش

هتخاف و توقف لف .. هتموت

هتراهن و تكمل

هتعيش

----------------------------------------------

استنيته كتير جدا لحد ما قريته و مخيبش ظنى فيه بجد .. كل بيت فيه يلمس قارئه من جوة .. اطلعت على اغلب ما فيه من خلال soundcloud بس رهبة قرايته كنت لا ازال محتفظ بيها

الديوان يستحق كم الاشادات اللى وجهت ليه مع تفضيلى لبعض ما ورد فيه و اللى اثرت استماعه اكتر من غيره على نفس الموقع زى دولة الثوار و سيب و من قواعد الدايرة و إنى رأيت اليوم (( عشق خاص )) و المانيفيستو (( دستور الثورة ))

كتاب عادي , ممكن فيه حاجات تلمسني ولكن شبيهه بالخواطر

مما أعجبني ...

& أنا أحسن واحد يقنعك تحكي .. ومابيحكيش

وأحسن واحد يقنعك تبكي ...وما بيبكيش

أنا أحسن واحد يقنعك تفرح ….وأحسن واحد يقنعك تجرح

أنا أحسن واحد ميت …. يقدر يقنعك….تعيش

& يا خالق كل شئ ناقص .. كمالته معاك

يا شايل من الحاجات حتة .. بنترجاك

بحق المشهد الكامل

و اسمك اللى انا عرفته

تسيب اللى يكفينا

و تكفينا بما سبته

ما تحوجناش

لجاى مجاش

و ترضينا بما جبته

& والحضن دايما يختصر نُص الكلام

الديوان عمومااحسن من ويسترن يونيون فرع الهرم واللي عجبني؛

ديالوج/سيب /بندعيلكوا/خمس خمسات/دولة الثوار /تفرانيل 100/قاعدة1 /مع الثوره ذلك افضل جدا/

*وميت بيسلم حي

والميت وان كان تافه

ف بيفضل ملهوش زي

*ورا كل كلمة سبتها وطلعت

فيه كلمتين مارضوش

ورا كل دمعة سبتها ونزلت

فيه دمعتين مارضوش

ورا كل كاس احزان

فضيته بالنسيان

فيه الف كاس مليان

بيزيدوا مابيفضوش

كان فاضل لسه سيجارة

فى العلبة لقيتها معايا

بس استخسرت اشربها

قبل أما اوصل للبيت

-------

من اجمل القصايد فيه :)

روووعة

جميل

عبقرى

صادق وبسيط

الله

:)