رواية مظلمة ومختلفة عن كل ما كتب أحمد عثمان من قبل، بتلعب في منطقة صعبة، تمزج بين الجريمة المنظمة والفانتازيا الميثولوجية من غير ما تكسر الإيهام أو تحس إن عالمين راكبين فوق بعض بالعافية.
القصة بتلعب بين من أرض واقعية جدًا..... صراعات نفوذ، تجارة، واسم بيظهر في الضل، لكن واحدة واحدة تكتشف إن اللي بيحصل أكبر من مجرد جريمة… فيه نظام قديم، قوة بتتورّث، ولعنة ماشية مع الدم.
أقوى ما في الرواية:
عالم متبني على قواعد واضحة.
بطل رمادي مش نضيف ولا شرير مصطنع.
فكرة “الوراثة” كعبء مش كميزة.
كيان غامض حضوره نفسي أكتر ما هو شكلي.
اللغة مباشرة وخادمة للأحداث، قوية في المشاهد القاسية والطقسية، والإيقاع كويس ، مع شوية شرح بيخدم الحدوتة.
الوارث رواية مش خفيفة، ومش لكل القراء، لكنها تجربة جريئة لمحبي الفانتازيا الداكنة والأعمال اللي بتسأل أسئلة أخلاقية تقيلة من غير ما تقدّم إجابات سهلة.
قراءة تستحق الاهتمام والنقاش.
للمزيد مراجعة مرئية للعمل
****