لا بجد ايه العظمة دى 😊 الرواية شدتني من اول صفحة والله مقدرتش اسيبها غير لما تخلص محستش بأي ملل نهائي لحد اخر صفحة ، كمية رعب رهيبة 😈 فانتازيا مختلفة تماماً عن اللى قرأته قبل كده مدينة كاملة مابين الواقع المرير والخيال المستحيل يتحمله عقل بشر والفكرة مش انها بس كده الكاتبة ليها هدف تاني ومهم وهو إن العدل فوق الجميع وإن الجميع مسؤول عن افعاله ❤
بتدور احداث الرواية عن مدينة سالتيورا ساد فيها الظلم لفترة طويلة اوى واخر فترة انتشر مرض غريب بين السكان لا هو مرض نفسي ولا هو عضوى وحقيقي كنت متشوقة جدا عشان افهم المرض ده ايه وطلع حاجه فاقت تخيلاتي تماماً
ابطال الرواية كل واحد فيهم ليه حياة مختلفة عن بعض ف اول الرواية لكن في الاخر هيبقي ليهم علاقة ببعض بطريقة غير متوقعه كنت متخيلة بطريقة دارمية انهم هيبقوا جمب بعض ويحربوا الشر سوا لكن الكاتبة ابهرتني الصراحه ❤
كل ما اتوقع حاجه وانا بقرأ تتابعاً لمخيلتي وللنتيجه المعروفة تتطلع حاجه تانيه خالص 😂😂
مش أول عمل أقرأه للكاتبة بحب جدا اسلوبها السلسل والبسيط وبتعرف بجد توصل المشاعر حلو اوى وبعيش التفاصيل كأني معاهم 🥰