رواية استفزتني وعجبتني.. كانت صراع أبطال
في واقع سياسي.. واقع مجتمعي نحياه
بكل عيوبه ونواقصه وأزماته.. جعلت شخصية مثل خالد
بيحاول ينفذ فيها بالصبر والحيلة ورغم كده شخصيته عجبتني
لأن الجانب الإنساني عنده كان طاغي في كل تصرفاته
وعلى رأسهم هناء البخيلة المستفزة المتعالية
طول الوقت بمفاهيم خاطئة عن بعض عاهات
الرجال. عممتها عليهم كلهم. وبدأت متحفزة
حتى لضعفعا كأنثى رافضة
رافضة الفطرة اللى ربنا خلق نساء جواء جميعا عليها
فطرة إحتياجها وإعتمادها على رجل.
فقامت بفعل خطأ وحرام عشان تثبت لتفسها
انها متفوقة على الرجل...حتى في اغلى ماتمتلكه
المرأة فضحت بيه بتهور وغباء.. جعلك تتفري منها
في تصرف وجرأتها هنا.😒
وبلوم على الكاتبة هنا في لفظ معين استخدمته كتير
في البداية كان ممكن تختار غيره يوضح المعنى
وميكونش بالصراحة والفجاجة دى(لابد ان افقد..)
كان بيضايقني تكراره.. الواضح ده
وكنت بحب حوارها ومناقشتها دايما مع خالد
اللى بتوضح اختلاف وجهة نظرهم.. كنت بستمتع بيها
حتى لو اختلفت معاهم.
ونقطة تانية كانت اختها. ليلى
وبعد ازمة زواجها لما اتجهت للتدين وحاولت
تقرب لربنا ولجأت للدروس والذكر.
لكن كان تدين مغلوط. كونها نسيت ولادها
وكانت مثال سئ جدا لشخص متدين بيقرب من ربنا
وكنت أتمنا ان الكاتبة توضح ده
خاصة لما فاقت على إدمان إبنها وإهمالها ليه
مش جملته.. وهتسيبي الدروس والذكر بطريقة
تهكمية منه عشان تهتمي بإبنك
كان لازم ومهم التوضيح هنا ان اللى عملته شكل
مرفوض من التدين والتقرب لربنا
اللي في الأصل الإنسان حياته المفروض تتصلح
لو فيه إعوجاج لو قرب من الخالق.. مش العكس
عامة اسلوبك ممتع في جذب القارئ
وانا استمتعت بيها.. وبالتوفيق للكاتبة
#ريم_بسيوني