📌أنت اخترت فعلك، فلا يجب أن تحاسب الآخرين على ردود أفعالهم.
وبعدين بقى فى الروايات اللى ما بتعرفش تحدد فيها الجناة
سلسلة من الظلم بتزيد حلقاتها مع الوقت ما هو مفيش حل … نعبى فى خوف وانتقادات ونربى فى عقد وندفنها جوا النفسيات ونبنى تراكمات لحد الانفجار
ولا الاستغلال ماشاء الله شريف ما خلاش
نوع كمان وكمان ورينا جميع الأشكال 😄
علشان نتعقد من الناس احنا كمان 🤦🏼♀️
استغلال من اجل المال
استغلال للامراض
وزود استغلال عاطفى بالمرة كمان 🤷♀️
قولت جملة فى اول صفحة
ياترى المشكلة ان نيفين هى زوجة أحمد ولا أحمد هو اللى زوج نيفين
وأنا من أول ما عرفت أن الاسم " أحمد " قولت بسسسسسسس كده عرفنا المشكلة فين 😄
شوف لما سيدة الكوابيس تصعب عليك 😄
نيڤين عندها عقد كتير وسببها المحيطين وعقدها خرجت فى صورة الكوابيس هتطلع عليك
طيب ازاى ❗️❗️
هتعرف من مينا دكتورها 👨🏼⚕️ اللى هيستغل النقطة ديه
ويكرس كوابيسها بعد جريمتها لفيديو جيم 🎮🥺
مش بقولكم عجلة استغلال بتلف فى الصفحات 📑 جشع من كل الاتجاهات…
الغريب أنهم بيحاسبوك على رد فعلك ونسيوا اللى عملوه فيك
ولا مبقاش غريب صحيح ده بقى الابديت الجديد🤷♀️
رواية نفسية مؤذية 🤦🏼♀️ ايوه مؤذية 😄 أنا بقولهلكم بالأمانة قبل ما تتصدموا زيى كده😄
مش هتعرف تتعاطف ولا تلوم .. أصل هتلوم مريض على عقد اتزرعت فيه و اتسابت من غير علاج لسنين وأدت لجريمة بالبشاعة ديه
ولا هتلوم اللى وصلوه للحالة ديه اللى المفروض عاقلين وعندهم قال دماغ يفكروا به 🤔
خلصت الرواية ومبقيتش عارفة ازعل على ايه ولا مين… هتخرج منها مصدوم من تصرفات البشر واللى بيعملوه بس المفروض أننا نحسنا خلاص 😄وبقينا نتوقع أى شىء من مين ما كان🤷♀️
📌 نقطة اخيرة 🙋♀️ حصلى شوية ايرور وأنا بقرأها فى جزء الكوابيس مكانتش واضحة بالنسبة ليا بس شريف مشكوراً فهمنى الحتة ديه 😁
📌 عجبتنى قصة الذئب وجوزيف 🙋♀️ بس جيس وات هنفضل نلعب مع الذئاب برضه أصل محدش بيتعمل من القصص والعبرات، غشاوة وغباوة بتنزل على الأشخاص كده 😄🤷♀️
وشكرا يا شريف على الإهداء الجميل بس عايزة اقولك أنى مش خايفة من سيدة الكوابيس، الخوف من أمثال أحمد ومينا ونادية المستغلين 😜
📌هى أدركت أن كل مشاكل حياتها فى البشر والجانب المظلم لهم، إن الازمة ليست فيما يظهرونه، بل في باطنهم وغرائزهم التي ترقد تحت الجلد.
#مكتبة_دنيا
#قراءات_٢٠٢٥