#ميازما

للكاتب #هيثم_موسي

وأخيرا خلصت رواية اعتقد انها هتكون من اصعب الروايات اللي هقراها في 2025 واللي بتتكلم عن مرض من اسواء واصعب الأمراض اللي مرت ع البشرية وهو الطاعون الأسود واللي خد معاه أمم من البشر مرض كنت فاكرة ان سببه الرئيسى هو كائن الفار لكن في ميازما هتعرف اسباب المرض اللي هتكون مرعبه وهتصدمك والفار للاسف ما هو الا ناقل للسبب الرئيسي للعدوة ومع انتشاره هتبدأ كل المبادئ تتغير وتتهد المؤمن هيفقد إيمانه والمتجبر هيزيد تجبره ويبدأ مبدأ البقاء للاقوي وطبعا مع انتشار المرض وعدم معرفة الدواء هتبداء التجارب علي البشر ويبدا مبداء التفريق بين علية القوم وادناهم وياخدنا الكاتب في رحلة من الاحداث المرعبة حرفيا ومعاها هتخوض تجربة اتمناها من كل قلبي واعماقه للي ما يتسموش والله ،، احداث صعب متدمعش معاها واحداث هتتصدم في اصحابها ولثانية هتفكر وتسال نفسك هو انا لو مكانهم كنت هعمل ايه وهنا عقلك هيبتدي يلعب بيك ما بين انك تتعاطف مع بعض الاشخاص وبين انك ترفض اللي بيحصل،، بس انا شايفة ان الحكم هيكون صعب جدا طول ما احنا مش في مكانهم ،، في هنا احداث هتحس معاها كانك بتعيش في ايام الكورونا بس بشكل اكبر واصعب من ان خيالك يتقبله او يعترف بيه بالاخص لما تكتشف نوع العلاج اللي قرروا يستخدموه 😱😱،، الاحداث حرفيا مرعبة ومتلاحقة هتلاقي نفسك بتاخد نفسك بمنتهي الصعوبة وكل شوية بتبص علي جسمك وايدك وجوا الرواية ركز هتعرف ليه 💔💔

هيثم ابدع في الوصف والاحداث بشكل ممتاز ولو هتقراء الرواية خلي معدتك فاضية حرفيا 😁😉 ومتسألش ليه 🙈🙈