تعمل ايه لو لقيت نفسك بقيت فى سنة ٣٠٠٠🤔

متخيل شكل الحياة ازاى ❓

احنا مصدومين اصلا من الألفينيات ومافوقناش لسه من التطورات وعندنا حنين لكل ما هو قديم

ولا عارفين نرجع لزمان ولا قادرين نواكب سرعة الأيام.

فشوف بقى بعد ١٠٠٠ سنة مثلا من الآن

تخيل شكل الحياة

هتفضل فيها اصلا اجواء أسرية ولمة عائلية

هيبقى فيه اصلا اولاد

ده لو حد اصلا فكر فى الجواز يبقى اعجاز

مى وحش خليتنا نتخيل الحياة ديه فى مدينتها الآمنة اللى تبان أن كل شىء فيها متوفر وتمام وعدد البشر محدود جدا مابقاش بالمليارات

زلازال وأوبئة قضت على البشر فى كل الدول

بقوا يلمونا من كل اتجاه اللى فى الشرق واللى فى الشمال

شوفوا كده لسه حد عايش وفى منه أمل للانجاب

المهم يبقى خالى من أى اشعاعات مش عايزين نطلع جيل مشوه كمان.

بينا على مدينتنا الآمنة اللى كل حاجة فيها متوفرة

هتعيش فى اجواء الطبيعة بس بشكل صناعى ومتفبرك

مش هتعمل حاجة غير تتأمل وتتخيل

روبوتات 🤖 بتساعدك وواقفة جنبك

أنت تأمر وهى تنفذ

بس تفتكر هتتأقلم

هتعجبك عيشة الراحة ولا هتحس بالتقييد

وتقول نفسى اخرج وادخل براحتى من غير قواعد ولا تأمين

حتى الزواج حطوله شروط المفروض تعجبك لو أنت من النوع الزهوق 😄 قال يعنى منعاً للخيانة والتحوير..

المهم تلتزموا بالقواعد والقوانين

تفتكروا بقى المدينة الآمنة مكان تحب تعيش فيه 🤷‍♀️

رواية عن المستقبل بنظرة مختلفة، فيه تطور بيحصل حوالينا بس عقول وتفكير أغلبنا زى ما هو وخصوصا بقى فى الالتزام والعلاقات

التزام بمواعيد

بروتين

بزواج

هيفضل الرجل فى علاقاته متردد ومحتار يختار مين فيهم هما الاتنين عجبينه 😄

وهتفضل الست تروح للتوكسيك برجليها

بنتمنى حياة وبنرسم فى دماغنا تخيلات ولما تحصل هننفر منها ونقول عايزين نرجع على قديمه كمان … مش عايزين رفاهية ولا راحة بال نموت فى الفرهدة وقلة المزاج 😄 بس هى حياة مملة بجد مش هزار كله fake و فى متناول ايدك يبقى أنت جاى تشتغل ايه 🤷‍♀️

بصراحة كل حاجة ليها متعتها.. مش هننكر كلنا بنقول احنا لا نصلح للشقاء بس لما بتشوف تعبك بيتحول لنجاح بتفرح وتهيص زى العيال تخيل بقى

حياة ما بتبذلش فيها اى مجهود وكل شىء موجود

بتاكل بميعاد وكلها فيتامينات

ما بتاخدش قرار، أيامك ماشية من غير اختيار

تفتكر هتبقى مبسوط😌 الاعتدال فى كل شىء مطلوب حتى بقى فى العلاقات لازم يبقى العطاء موزون..

حبيت فكرتها وعيشت الأجواء المستقبلية مع الأبطال بس عندى مشكلة واحدة عايزة اقولها 😄 النقلة بين الحوارات مفيش بينهم فاصل فى بعض الصفحات وده خلانى شوية اتوه وافتكر الابطال قاعدين فى نفس الroom 😄

ما فهمتش الروبوت العاقل 🤖 مقصود بها ايه

وجاب العقل منين 🤷‍♀️😄 ( وديه مشكورة الكاتبة فهمتها ليا 😄)

نقطة حلوة وشدتنى ( علاقة نيفين بسلارا ) بجد محتاجين حد يحبنا ويقف جنبنا من غير أحكام ولا تنظير ومصمصة وغمز وتلقيح😏

#مكتبة_دنيا

#قراءات_٢٠٢٥