#رفقاء2025

#نيورا

الريفيو عبارة عن رسالة....

#رسالة_الى_نيورا

عزيزي نيورا....اعتذر عن التاخير

ولكن أنا دخلت معاك ف عالم عجيب معرفتش أخرج منه بسهولة

بداية من الرسائل المريبة اللي وصلت على تليفوني بشكل متتالي...مرورا بالدعوة لحدث ثقافي ضخم...وصولا للحدث نفسه اللي كان مبهر حقيقي بالنسبة لي من تنظيم ل تقنيات اول مرة اشوفها ف رواية...دة كله خلاني متشوقة لمقابلتك

ف البداية شدتني طريقة سردك للحكاية...فكرة البطارية اللي شحنها بيخلص كانت مخلياني اسمع صوت "تك تك تك" كأنه عداد تنازلي ف الخلفية...ودة كان مشوق اني التهم سطور حكايتك في فضول بشري زعلانه أنه مش عندك حقيقي

عجبتني جدا حكايتك...وصفك للعالم اللي عشت فيه كان مبهر خاصة مع وجود مشاهد حية ف فصول الرواية...دة خلى خيالي شغال اكتر وبقارن بين اللي تخيلته واللي انت وريتهوني بالفعل...وكانت مباراة انتهت بالتعادل...اوقات ابهرتني وأوقات خيالي تفوق عليك

عجبني ف عالمك النظام والنظافة...وكرهت باقي تفاصيله كلها...ازاي يبقى فيه حياة من غير مشاعر إنسانية؟؟ ازاي يبقى فيه حضارة من غير خيال؟؟ وازاي تعيشوا من غير حب..دة حتى الاحلام كانت محرمة

حبيت ف حكايتك قصة الحب اللي بدأت بينك وبين حسناء...وزعلت حقيقي ع اللي حصل ف النص...وصعبت عليا حسناء لآخر لحظة...بلغها سلامي ومحبتي ارجوك

انت كمان صعبت عليا ف كل مراحل حياتك دي..عزائي انك ابتديت من تاني ف عالم احسن...ع الاقل فيه مشاعر

عزيزي نيورا

حكايتك جميلة و حكيتها حلو ..بس عمري م هتمنى اعيش يوم من دنيتك دي

شكرا على رحلة جميلة...شكرا أنك سمحت لي اكون جزء منها

والسلام ختام

#قراءات_حرة

#قراءات_يناير

1/3