كنت فاكراها مجرد رواية خيالية عن الذكاء الاصطناعي متخيلتش ابدا انها تكون بهذا العمق
الرواية فلسفية من المقام الأول وتسقط الاحداث الخيالية على الواقع اللي بنعيشه للأسف بطريقة عبقرية
انبهرت السنة اللي فاتت بعمق رواية أحلام نائل سويدان اللي كنت فاكراها برضه مجرد رواية عن السفر عبر الزمن لكن انبهاري زاد أضعاف مع الرواية دي
شكرا جدا للكاتب أحمد عبد العزيز اللي بجد بيغير مفهومنا عن الروايات ويدينا كل مرة وجبة دسمة من المتعة والتفكير والإفادة مع التشويق وكمية بلوت تويست مرعبة تبين قد ايه هو متمكن من اللي بيكتبه وقادر يلعب بدماغنا من اول صفحة لاخر صفحة
النهاية مرعبة الجمال بجد بجد عملتها ازاي دي فكرت فيها ازاي
انا مقدرتش أنام الا لما خلصتها ربنا يسامحك هههه
بجد بجد لو فيه ٦ نجوم كنت حقيمها بيهم
شكرا أحمد عبد العزيز على احترامك لعقولنا