كتاب لطيف عيشت معاه القصة من بدايتها لنهايتها مروراً بكل المشاعر المكتوبة واللي بين السطور
قصة الرواية مش جديدة كلياً الديستوبيا اتكتب فيها كتير روايات اشكال وألوان ولكن بالنسبة لي دي اول مرة أقرأ ديستوبيا بالشكل ده والخيال ده
الرواية بتتناول فكرة الذكاء الاصطناعي واستخدامه في السيطرة علي البشر ودي خطوط عريضة مش جديدة ولكن التفاصيل والخطوط العريضة هي اللي جديدة
انا مش عارف اتكلم واقول ايه لاني خايف احرق الأحداث خصوصاً أن كل سطر في الرواية سهل أنه يتحرق لو حاولت اتكلم عنه
بس كل اللي اقدر اقوله لأي قارئ ارشحله الرواية
عيش قصة قوية مربكة ولطيفة هتخليك متخبط المشاعر مش عارف تروح فين ولا تيجي منين
قراءة ممتعة ومغامرة لطيفة ليك بين صفحات الرواية
ونصيحة أخوية حاول تقرأ أحلام نائل سويدان قبلها علشان تفهم تلميحات الكاتب وتفهم التركات اللي الكاتب اتكلم بيها وعنها
تحياتي
#إسلام_بتاع_الكتب