#مسابقة_مكتبة_وهبان

#مسابقة_مدينة_المليار_رأي

مدينة المليار رأي عن الأمراض الرقمية وشهوة وجهات النظر

الكاتب محمد عبد الرحمن

144 صفحة _دار دون للنشر والتوزيع

التقييم خمس نجمات

&&&

احب اقول الأول اني جاوبت أسئلة الاختبار وشاكة ف اجابتين غلط😂 لكني محاولتش اغش😎

&&&

من منا لم يعاني من السوشيال ميديا ؟!

عجبني الكتاب جدا خصوصا انه بيناقش موضوع مهم في حياتنا ومتعلق بما نفعله يوميا.

مش هتكلم بالترتيب

الجزء اللي اتكلم فيه الكاتب عن الفلاتر والصورومقارنتها ب فيلم احمد ذكي انا لا اكذب ولكني اتجمل وربط الفلاتر مش بس بالشكل وصورة الشخص علي اد ما ربطها بتصرفات الشخص نفسه _ مثال علي ذلك بنوتة جارتنا اعتقد ان مفيش احد منها لسان ولا الفاظ  ولا حد سالم منها ولا من لسانها وبالرغم من ذلك تعالي شوف صفحتها علي الفيس كلها ادعية وقرآن ودعوة للفضيلة _ يعني انسلاخ من الواقع ورسم صورة مغايرة للحقيقة

* جزء التوهم _ اللي اتكلم فيه عن الاشخاص اللي بيحبوا يعرفوا نفسهم بالدكتور او المهندس او الصحفي او او ....الخ في بعض الاشخاص بيبالغو في تعريف نفسهم وانا كان عندي صديقة كاتبة اسمها ع الفيس الشاعرة والقاصة والكاتبة والصحفية ومدربة التنمية البشرية ثم اسمها الخماسي  كطريقة مثلي لجذب المتابعين

* النوستالجيا _ صفحات كتير ع الفيس بنلاقيها بتتكلم عن زمان وايام زمان واغاني زمان ومسلسلات وافلام زمان وخير دليل علي كدة متلازمة فرح سنية  وحاجة كمان اللي هي البوستات اللي بتنشر صور العاب او شيكولاته او شنطة استيكة براية من زمان وتقولك كان عندك كام سنة 

ومن فترة قريبة جدا كان في لقاء مع ليزا بطلة مسلسل هند والدكتور نعمان واعتقد كلنا تابعنا اللقاء والتريند اللي عمله وكلنا افتتكرنا ذكرياتنا معاه 💜

* الفراغ_ التعامل مع القضايا الساخنة بشكل مبالغ فيه بنسخ التعليقات ووضعها في منشورات متعددة مثال لذلك سنجد مجموعة جاهزة دائما في كل منشور مهما كان نوعه بيتكلم عن قضية سياسية ما او تفعيل هاشتاج لقضية ما بدون النظر للمنشور

* الاقصاء _ اعتزل ما يؤذيك لكن هل لو اعتزلت ما يؤذيك علي السوشيال ميديا هل ستكون مرتاح البال

* التسطيح_ الست غير ملزمة  بس كدة خلاص 

* الانسلاخ _ اغلفة نجيب محفوظ المثيرة للجدل بس خلاص  وافتكر وقتها ان بنات اخواتي كانو معجبين بالأغلفة دي جدا عن القديمة اللي عندي !

* الانتحال _ نقل او نسخ منشورات ونسبها لنفسه _ وأول مرة اخد بالي من الموضوع ده كان من سنين لما لقيت شخص ع احد الجروبات كاتب مقال نوستاليجيا ومكتوب اسمه عليه مع ان المقال ده لـ صديق صحفي وشاعر وهو صديق شخص من سنوات, ولما كلمت الشخص ده وسألته عن المقال قالي بكل ثقة انه هو اللي كتبه وان الصديق ده سارقه منه  اللي هو يالهوووي علي رأي جدتي سرقني وبكي وسبقني واشتكي 

* التبخر _ اهو الفصل ده كان لايق عليا وقت ما  كنت بقضي وقت كتير ع الفيس ومش ببقي فاكرة اي حاجة من اللي شوفتها

* التقنع_ ان ألد أعدائك قابع هناك في اعماق نفسك _ من يدمرون حياة البعض بكلمات مثال علي ذلك طبيب ما ذكر حالة حمل لفتاة خارج الزواج وماذا قال وماذا فعل وتباهيه بإذلالها وإذلال أهلها, تعامل معهم بشكل سلطوي لا يمت بصلة للإنسانية أو لقسم الأطباء الذي يلزمه بحفظ أسرار المريض _ لو لاحظنا التعليقات هنلاقي 99% منها بتجلد البنت واهلها وليس الطبيب الذي افشي اسرار مريضته

* الاعتدال الرقمي _ ومحاولة التحكم في تصفح الانترنت واعتقد ان في نسبة كبيرة من القراء اصبحو متحكمين في الجزء ده.

في النهاية الكتاب جميل ويستحق القراءة وارشحه للقراءة