من أول ما شوفت الغلاف واسم المجموعة قولت أنا عايزة اقرأها بدون معرفة أي تفاصيل عن محتواها

ومع المقدمة كنت عارفة أني هقرأ حاجة قريبة من القلب وتستحق

أول قصة أعتقد كانت الأقوى على الرغم من أن احداثها مش كبيرة لكن كأنها هي نقطة البداية لكل ما كان بعدها

عشان مع مروري بكل قصة الاقي أن الكاتبة قدرت تعمل تضافر ما بين الأشخاص بشكل أكثر من رائع، وعملت لمسة ما بين حدث ما في حياة البطلة مع أشخاص تانين مروا في حياتها بشكل ما.

القصص كانت تماس ما بين الأشخاص ولكن الحدث الأساس هو كل شخصية

في لحظات كتير كنت بحس بالحميمية جدًا في السرد وفي قصص بالنسبة لي ماكنتش قوية زي الباقي

لكن حقيقي من المجموعات اللي حبيتها وتستاهل تقرأ في وقت رايق ويتعملها ريفيو طويل كمان

اقتباسات:

"وكما حُبِست أنا ولساني فجأة، تحررنا فجأة أيضًا دون مقدمات، لعلها استجابة دعاء في ساعة مباركة، ولحظة لطف من الله بي."

" كتبت، فتأكدت أني لا أريد سوى أن أكتب، وأن يقرأ أحدهم ما كتبت فيبتسم، أو حتى يبكي، ويقول: «هذا أنا.» "