#مسابقة_ريفيوهات_نيوروسينما
من فتره كنت بسمع " بودكاست " عن سبب اندماج الانسان مع الافلام او البرامج وان ازي انك بعد خمس دقايق تقريبا بتبقي متلقي زي جهاز استقبال والعقل بيخش في وضع الخمول وان الناس الي شغاله في الميديا فهمين ده كويس وبيستخدموه في توصيل رسائل وتغير مواقف، بصراحه المسابقه عملت نوع من الحماس للواحد لان الكتاب علي ابجد وحجمه كبير جدا ٥٠٠ صفحه تقريبا ولو عرفت موضوعه وبدات فيه اندمجت تماما ونسيت حوار المسابقه
لان الكتاب تقيل ومحتاج صبر بالذات القسم الاول منه
الكتاب مقسوم ٤ اقسام تقريبا
الاول : وهو اتقل جزء والي بيتكلم عن معني مسمي نيوروسينما وتاثير الافلام علي الدماغ البشريه
التاني : عن الامراض العصبيه وتصويرها في الافلام
التالت: الامراض العصبيه بشكل عام وسواء كانت في افلام او رويات او حصلت لشخصيات مشهوره
الربع : الاخطاء الي طبعا بتقع فيها السينما العربيه في تمثيل الامراض العصبيه مدعمه بامثله
الكتاب يعتبر مرجع برده للافلام للناس الي تحب تتفرج 😅
طبعا الكتاب رغم حجمه الا انه ممتع لانه فكره دمج قصه الفيلم الي بيجيب الكاتب جزء منها وشرح المرض الي مصاب بيه البطل في الفيلم وشخصيات الممثلين بتدخل القارئ في حكايات جوه الكتاب وده بيلغي اصعب جزء علي الناس الي مش متعوده تقراء كتب وهو جزئية الملل من المصطلحات العلميه والسرد الجاف.