▪️أنا وهيبة

▪️ فاطمة العوا

▪️السراج للنشر

▪️٢٠٢ صفحة

▪️سيرة ذاتية - اجتماعية

▪️تقييمي / ⭐️⭐️⭐️

▪️ تيتة وهيبة بتظهر فجأه في حياة حفيدتها زي الزور في آخر النفق الظلمة .. كنتي فين يا تيتة وهيبة وازاي معرفش عنك حاجه لحد دلوقت ؟ إزاي بيقولوا إني شبهك كده ؟ دا بيقولي إني بلبس نفس نوع الشوز اللي كنت بتلبسيه زمان ؟ لازم ادور عليكي وأعرف كل حاجه عنك يا تيتة وهيبة ..

▪️ مش هقدر أقول إنها سيرة ذاتية قد ما هي قصة كفاح وحرب مع الماضي ونضال في المستقبل .. قصة كفاح وهيبة الجده ورفضها للقيود على الست وحبها للتعليم وإنها تكون ذاتها وتبقى قدوة لبنات بلدها ... قصة إمرأة قوية اتنقلت قوتها عبر الأجيال للأم وبعدين الحفيدة ...

▪️تبدأ قصتنا بمرض أم الكاتبة بالسرطان وملازمة بنتها لها ، الأم والبنت اللي علاقتهم مكانتش أقوى حاجه لحد مرض الأم ، فتقابل قريبهم اللي يفتكرها وهيبة من الشبه بينهم فتبدأ تسأل نفسها ليه مامتها محكتش عنها قبل كده وازاي متعرفش عنها اي حاجه .. وبعد وفاة الأم تقرر الكاتبة تدور على جدتها وتاريخها اللي كان صعب توصله لأنها كلنت في طمى ومحدش فاكرها لأنها ماتت صغيرة ، خيط ورا خيط ومحاولات كادت تبوء بالفشل والخذلان ... بس وهيبة كانت بتبعتلها إشارات تقولها كملي قربتي توصلي ... عشان تكتمل فالآخر صورة وهيبة الجدة ورحلة حفيدتها اللي انا شوفتخا وهيبه الحفيده ...

▪️ وسط البحث عن الجدة . بندخل عالم الكاتبة ونتعرف على أبنائها اللي عايشين فس دول أوروبيه بيدرسوا فيها وبنعرف تأثير الغرب وأفكاره على الأجيال الجديدة ... صراع حضارات و دين ... مزج بين امبارح والنهارده خطوة بخطوة ...

▪️ الرواية مكتوبة بلغة عربية خفيفة اندمجت بعامية في الحوار وبعض الإنجليزي من الأبناء ...

▪️حبيت الفكرة وحبيت تجميع البازل للوصول لتاريخ وهيبة ...وحبيت المعلومات الجديده اللي عرفتها عن طنى والتعليم والمرأه الهولندية ...

▪️ محبتش تكرار المشاعر وبعض الجمل على لسان الكاتبة ... محبتش تمجيد الغرب ...

▪️انا عادة مش من قراء السير الذاتية بس اتبسطت جدا ... وهنتظر العمل القادم بكل حب ...

▪️إقتباسات /

- يا الله لقد حملَ أبناءُ وهيبة عبئًا كبيرًا ثقيلًا لا بدَّ أنه انعكس على مسيرتهم، وعلى علاقاتهم، وعلى كلّ جوانب حياتهم، كانوا يستحقّون أمانًا أكثر من هذا، أيّ إنسان يستحق أكثر من هذا.

- المرونةُ خيطٌ رفيع بين التنازل المُخل والتكيف الذكي .

- السلسال ماشي ورا بعضه، القوة مُتوارثة والعند مُمتد، وكله بيشبه بعضه في الآخر، مع تغير الظرف فقط .

-لا دفء كدفءِ الأسرة ولا مودَّة كتلك التي تجمعُ دماءً مشتركة تجري في العروق رغم البُعد والاغتراب .