▪️ما وراء الخراب
▪️ إبراهيم عبد المجيد
▪️المعجم للنشر
▪️ ٨٠ صفحة على أبجد
▪️كتاب فلسفي
▪️تقييمي / ⭐️⭐️⭐️
▪️من اول ما شوفت اسم الكتاب وانا بقول ياترى خراب ايه ! وكتاب هيتكلم عن خراب من خمس محاور دا الخراب واصل لآخره بقى وطلع فعلا واصل منتهاه .
▪️ الكتاب فلسفي يحمل رأي الكاتب ووجهه نظرة وبحثه عن وصول مصر لمستوى من الخراب على خمس أصعدة أساسية اتكلم عنهم واحد واحد بدايه من الفراعنه وصولاً للعهد الجديد او ممكن نقول لحدعهد مبارك .
▪️ الدين والنهضه والآخر والهوية والتراث كلها عناوين رئيسية بحث فيها الكاتب فالتاريخ تدرجها كانت فين ووصلت لفين مع وضعه إضاءات لسبب الخراب في كل محور منهم بطرح امثلة حدثت سواء عدنا او بره .
▪️ عجبني ذكاء الكاتب في الربط وحسيت الكتاب كان ممكن يبقى اكبر والمواضيع تاخد وقتها ونتفرع اكتر بدلاً من نبذة عن كل منها لأنه يجيد الطرح وأسلوبه شيق .
▪️كتاب ضاف ليا فالمعلومات التايخيه والربط بين الحضارات وخلاني عاوزه ادور اكتر واعرف اكتر ..
▪️ اختلفت معه في الدين وان كنت هعتبره رأيه الشخصي الذي يمثله هو ، ولكن الدين مش حاجه بندور عليها عشان نكمل احتياجنا ولا الحجاب عائق للحضارة والتطور .
▪️إقتباسات /
- الأمم الحية لا تكف عن سؤال النهضة، تتجدد به، وتتجاوز به مراحل مختلفة من تطورها، ولا تكف عن التطلع إلى الأمام.
- الحروب الصليبية كانت كذلك، حروبا استعمارية المبدأ أو الغاية، رفعت رايات الدين، وقيام دولة إسرائيل كان كذلك أبشع أشكال الاستعمار الذي رفع راية الدين.