عندما يصبح الفساد بطل الحكايات ،،،، تقطر حروفها الم و تنزف جملها الدموع
الله يسامحك يا سيادة المستشار 🥺🥺🥺
في فيلم شوفته مره واحدة في حياتي و انا في ثانوي و تقريبا نصه مغمضة عيني و سادة وداني .... و كان اد ايه مؤلم و فظيع و حزين و بعتبر نفسي عندي تروما من الفيلم ده و مستحيل اشوفه تاني
يخبطني Achraf El Achmawi بتلات قصص ميتخيروش عنه و ان كانوا اشد ايلاما و اكثر وجعا لان خيالي صورلي القهر اسوأ من الفيلم بكتير ...
علي غرار احنا بتوع الاوتوبيس ..... عملنا اشرف احنا بتوع جنينة الحيوانات 🙆🏻♀️🙆🏻♀️🙆🏻♀️
طول القصتين الاولانيين بسأل ليه اختار الاسم ده .... لحد ما خلصت القصة التالتة .... اللي تبان هزلية و مضحكة و لكنها اصعبهم
كمية الذل و المهانة و العوز و قلة الحيلة ...اما تضفرها مع الصبر و الامل و الرجاء و الحب .... تطلع التلات نوفيلات دول
و العجيب في الامر ان كل النهايات مأساوية زي الحقيقة معملهاش بمبي و لا جبر بخاطر اي شخصية فيهم .... بس طول السطور انا كان لسه عندي امل ان الدنيا تنصفهم و تضحكلهم و لو مرة واحدة *كانوا لاقوا حظهم فين عشان يلاقوه في الساحل و لا حتي في جنينة الحيوانات 🥺🥺🥺🥺
و ايه القصة التانية دي ..... ايه الخطة دي و المحامي ده و الناس دول كلهم ازاي , كتبتها ازاي دي ... دي الشيطان قعد يصقف فيها حبة حلوين دي 😂😂😂😂
التقييم النهائي
انا عدمت عياط في الساحل و بطلت لحمة و كرهت جنينة الحيوانات ....