❞ كرم اللئيم يوم ما يصيبك يضرك

الصديق يوم ما يطمع فيك يا مُرك

اللي طبعه خاين لطريق العار يجرك

اتقالت من سنين صاحبك الغدار يعرك ❝

-لقاء ثالث مع قلم الاستاذة ريم جمعة اللي بعتبر اعمالها بالنسبالي مضمونة الجودة

-هو الغريب بالنسبالي اني كنت رايح للعمل ده عشان ارتاح من روايات الجريمة فالمشهد الاول كانت الصدمة اعتراف شخص بجريمة قتل امام ضابط وسط صدمته🤦‍♂️ .

-كالعاده عمل صغير و لكن دسم جدا و كان عندي حيرة هو بيكلم عن ايه بالضبط ولا في ايه بين السطور .

-لغة قوية جدا و فيها تطور عن الاعمال السابقة .

- اضافة جديده في العمل ده و هو كتابة رباعيات كانت موجوده في اول كل فصل في منتهي الجمال و بجد تسلم ايدك عليها.

-هحاول اكلم عن العمل بدون حرق بس في بعض النقط فعلا تستاهل التحية عليهم :

-مشهد حصار عبد القادر تحت انقاد البيت و المعاناة اللي عاشها لحدما تم انقاذه كان فعلا حلو بالرغم من انه قاسي الا انه حلو.

-اسماء الفصول انا حبيتها و حسيت فيها انها بتتكلم عن التناقض بين اسماء الابطال و بين صفة اسمهم .

-بالرغم من اللي هيحصل من رؤوف و لكن انا قدرت في لحظات اتعاطف معاه في حديثه و رفضه ل ثورة52 .

- عجبني جملة يا ولد الحمير 😂.

مشهد رحمة و المواجهة مع الاصدقاء الثلاثة علمت علي الفقرة و سميتها جبروت رحمة .

-اعتقد النهاية ممكن نسميها الجزاء من جنس العمل و ان كنت معترض علي جزء فيها .

⚠️اما السلبية الوحيده بالنسبالي و دي فيها حرق للاحداث عزيزي قارئ الريفيو

-ازاي بعد ما عبد القادر اضرب 13 طعنة يفضل عايش دي مش قادر استوعبها .

❞ درويش وماشي بصرخ بعلو صوتي حيّ

تايهة خطى رجلي واخداني من حي لحي

فاكرين عَويلي عبادة لله جلاله الحي

ده صوت ندم على وجع بين ضلوعي حي!. ❝