اركن مبادئك على جنب
وكله بالفلوس بيفك
ممكن تبيع ضميرك
علشان القرش ⁉️
أبيع أعضائى كمان لو تحب
يا ساتر على جفاء القلوب بسبب الفلوس
ناس ما يهماش الضحية مين تكون
طفل برىء كان بيحلم بكره يبقى طبيب👨🏼⚕️
ولا ست غلبانة راجعة لعيالها بشوية بقالة
ولا شاب كان كل أمله يساعد
لقى نفسه فى الاخر على نقالة 🥺
طيب فين القانون من كل الظلمة دول
لو مش متاح اليومين دول و خارج عن الخدمة
نحاكمهم احنا ونقيم محاكمة عادلة
وناخد بثار كل مظلوم
بس كده هنفرق ايه عنهم
مش هنبقى بنشبهم
نعمل ايه اذا كان حامينا بقى حرامى علينا ، و بيسرقنا عينى عينك 🤷♀️
يبقى الحل هو إقامة العدل بمنظورنا الخاص
وبعد ما كنا نضاف لوثونا الأوغاد
وبقينا مضطرين احنا كمان ندي لضميرنا تصريح دفن 🪦 لحد ما ناخد الحق 🥺
رواية فيها الكثير وتعبتنى نفسيا كتير وبعد ما خلصتها قولت ليه ليه بالعبيط 🤦🏼♀️
مش قادرة اتخيل كم البشاعة اللى موجودة حوالينا
بعد ما تخلصها مش هتأتمن نفسك على أى كان مين … صحيح فى كل مهنة فيها الطيب والشرير
بس غصب عنك بيصعب عليك تشوف ناس بتحلف قسم للمحافظة عليك ويخون الأمانة علشان الملايين 🥺
#مكتبة_دنيا
#قراءات_٢٠٢٤