ثانية واحدة بس إيه النهاية دي! 😅

في ظني على مدار قراءة الرواية أني فهمت الشخصيات او على الأقل مين فيها حقيقي او خيالي "في الرواية" ولكن النهاية سخرت مني 😁

فكرة الرواية مختلفة و مشوقة قد تبدو متشابكة أحيانا ولكن بطريقة خليتني فضولية وعايزة أكمل عشان أحل التشابك ده حتي النهاية (اللي مش عارفة عجبتني ولا لاء).

الرواية بتناقش فكرة عامة وهي فكرة الاختلاف في مجتمعاتنا العربية وكيف أننا ننبذ كل ماهو مختلف بصرف النظر عن ملابسات هذا الاختلاف او أسبابه أو حتي لو مش حابين نفهم نتركه لحاله. ولكن 🤷‍♀️..

وايضا فكرة الاختلاف من منظور خاص أكثر كالاختلاف في الشكل والجنس والفكر او حتي الشجاعة في التعبير عن الرأي والمعتقد والأفكار الحبيسة في عقل صاحبها.

الرواية مليئة بالأفكار الجيدة ومناقشات او جدالات بسيطة بين الشخصيات في القضايا المطروحة فيها ولمسة سخرية كوميدية في بعض السطور خلتني أستمتع بها.