انا مقريتش الرواية بس قريت المراجعات وفيه اتفاق على سوء الانتاج الادبي في صفحات الرواية. اعتقد ان نفس الكلام اتقال على لوكاندة بير الوطاويط في اول ما نزلت وبعد فترة الناس بدأت نظرتها تتغير لما تم انتاجها صوتيا واعتقد ان ابو الهول كمان هتختلف الاراء لما يتم انتاجها صوتيا.
وده يوضح ان احمد مراد عاوز يبقى حكاء او سيناريست سينمائي اكتر من روائي ومؤلف أدبي متميز
ما انكرش ان محاولة مراد لخلق شخصية شبيهة لشيرلوك هولمز وهيركيول بوارو محاولة كويسة والاضافات اللي حطها على الشخصية ممتازة بس اعتقد ان الأحداث اللي بيحطها للشخصية هي المشكلة في ضعف الرواية كقراءة واعتقد لو عمل سينمائي او صوتي هتبقى جميلة وممتعة طبعا لانها جمعت بين الماضي وعتاقة زمن البشوات والملوك والصعاليك والحرافيش وبذاءة وتدني الأدب والركاكة اللفظية في زمننا الحالي
بس ...دا رأيي بكل حيادية و مش هقدر احط نجوم الا لما اقراها