روايه حلوه جدا ، تشبه كثيرا قضيه قطار الشرق السريع للكاتبه اجث كريستي لكن مع اختلاف الحبكة و اللغز، توقعت القاتل في منتصف الروايه لكن من باب انه اكثر المستبعدين و ليس بنائا علي ادله ، عيشت فيها نفس الاجواء البارده الي عيشتها في ثلاثية الميلانيوم "الفتاة ذات وشم التنين" من حيث بروده الاجواء الاسكندنافيه، و قسوه الجرائم
الراويه مش بس جريمه و بتدور حولين لغز ، لكن ايضا الجزاء التاريخي فيها و جزء اشتراك النرويج في الحرب العالميه التانيه و انتصارهم علي الالمان كان جزء مهم جدا بالنسبه ليا .
الروايه فيه شويه تعليقات عليها "زي اجتماع هذا العدد من المعارف الي بتربطهم علاقات معقده ببعض" من باب الصدفه في مكان سكن و احد
باتريشيا الي تدخلت طول احداث الروايه عشان تحل العقد شديده
التشابك للجريمه في استخدام واضح لتقنيه "يد الاله" و هي تقنيه مسرحيه لما بيجي حد مالوش علاقه خالص بالصراع عشان يحل مشكله ملهاش حل و سط ابطال الصراع لكن حلولها كانت منطقيه و ان كانت في اغلب الاوقات مضطر اقبل ان عقلها شديد الذكاء قادر علي الوصول للاستنتاجات المنطقيه "لمجرد انها حد عبقري" بدون مبررات كافيه للاستنتاج ده جيه منين
يعني هيروكل بورو المفتش البلجيكي الشهير بيكون عنده زويه نظر مختلفه عن المقدمه للقاريء، شارلوك هولمز زويه نظره للاستنتاج بتيجي من معلومه مختلفه ، لكن هنا في الروايه باتريشيا كانت مجرد تدخل الاهي مادتنيش فرصه افهم اذاي وصلت للاستنتاج ده .
استمتعت جدا بالجزء التاريخي
و النص البوليسي اللغز مكتوب بعنايه "رغم المئاخذ الي ذكرتها
لو استمتع بثلاثيه الميلينيوم فبرشحلك بشده الروايه ديه لان بجانب اللغز الحالي "لغز الجريمه" فيه لغز تاريخي مهم "ويمكن في رآي كان هو المفتاح بالنسبه لي " عشان اربط بين شخصيه القاتل في الماضي و شخصيته في الحاضر