فى كريبس شارع من شوارع النرويج 🇳🇴 هتقابلك بناية 🏢 2️⃣5️⃣ على أول الطريق ، ادخل برجلك اليمين 🦶🏻
واطلع على الدور الثانى فى شقة " هارالد أوليسين " السياسى الشهير ، وبطل المقاومة فى الحرب على الألمان المحتلين، أسطورة أصبح فى يوم من الوزراء
لحد ما طلع معاش وراحت الأضواء 💡
ومابقاش غير ذكريات اللى كان وبقى عامل زى الذباب اللى عمال يحوم فى نفس المكان على نفس النفايات
خبطت على بابه 🚪 مافتحش 🤔
للاسف ملحقتش تتعرف عليه
أصل خبره وصل للشرطة يوم الخميس بليل 🌙
لقوه مقتول فى شقته برصاصة 🔫مش عارفين جاية منين 🤷♀️
مفيش آثار اقتحام على الباب 🚪
يبقى القاتل أكيد من السكان 🤔
بعد شهادة حارسة العقار وتأكيدها أنها قاعدة على البوابة ليل 🌙 ونهار ☀️ مفيش مرور لأى غريب من الأبواب ⁉️
هتعمل ايه يا " كولبيورن " فى التحقيقات ..
مفيش غير أنى أخبط على كل الأبواب
واستجوب ساكن ساكن عن اللى صار
خاصة أن كلهم سمعوا طلقة الرصاص وجريوا على الابواب أكيد حد فيهم هيكون لمح القاتل آمااااال
ديه قضية سهلة ومتيسرة إن شاء الله 😄
ده اللى كان فاكره " كولبيورن " لما بدأ التحقيقات مع السكان
لكن للاسف الموضوع طلع متشعب وفيه أسرار
أسرار عدى عليها زماااااان
وكل شقة فيها اللى خفياه 🤫
" ماذا بينك وبين السكان يا هارالد علشان يتفقوا عليك فى يوم من الأيام ❓
ما هو لو صبر القاتل على المقتول كان مات لوحده وريحنا ومكنش هيبقى فيه جريمة ولا تحقيقات
أصل الأستاذ كان مريض وكانت أيامه معدودة خلاص 🤦🏼♀️
📌من المستفيد الأكبر من وفاة " هارالد أوليسين" حتى يصل إلى قتله؟ ولماذا احتاج إلى قتله الآن فى حين أنه لم يملك الكثير ليعيشه على أيه حال؟
رواية جريمة مشوقة صفحات تشد وصفحات ترخى
تتحمس شوية وتشاور على الجانى وهووووب يخدعك الكاتب ويفاجئك بشىء تانى
بطلها مش المحقق وشطارته ابسلوتلى 😄
ده أكيد دخل الشرطة 👮🏻♂️ ارضاءا للوالد بس 🤦🏼♀️
البطولة فيها لـ " باتريشيا " وديه عاشقة لروايات الجريمة 🔪
هتساعد المحقق فيها واللى لولاها كان قفل المحضر وقيده ضد مجهول 📝 ( طبعا مش لوچيك بس هنعديها لأن بصراحة وجودها أضاف ليها ) 😉
ملفات 🗂️كتيرة اتفتحت و ربطت الأحداث ببعضها و رفعت الستار عن أحداث عدت وفاتت وافتكرناها ماتت
بس للاسف مش كل الذكريات بتتمحى و بنعرف نقفلها وننساها بنبقى عاملين زى الذبابة بنلف نلف حواليها …
📌هناك العديد من الناس الذين يمرون بشيء مؤلم وصادم في فترة ما من حياتهم ولا يستطيعون تجاوزه أبدًا، فيصبحون ذبابًا 🪰بشريًّا، ويقضون الباقي من حياتهم نوعًا ما وهم يدورون حول ما حدث لهم مثلما يدور الذباب فوق القمامة🗑️
الرواية يمكن فكرة 💭 الجريمة نفسها عادية ومكررة لكن تناولها كان مثير ومشوق وزى ما قولت قبل كده صفحات تشد وصفحات ترخى 😁