كتاب مقالات/خواطر باللغة العامية المصرية، الكتاب للوهلة الأولى تحس أنه كتاب تنمية بشرية متخفي، ولكن بعد ما تقرأ كذا حاجة تحس بالشبه بينك و بين الكاتب و خصوصاُ أنه تقريبا من نفس المرحلة العمرية (وده لا يتناسب مع لهجة الناصح اللي محتاجة حد أكبر) بس مش مشكلة. المهم أن الكتاب كان ممتع لدرجة كبيرة.
من المواضيع اللي عجبتني:
1 - كل ماتش و ظروفه: وكلامه عن المجتمع المصري بصفة عامة في الكتاب عموماً و الجزء ده خصوصاً.
2- الهواية و أكل العيش: تاني مشكلة من مشاكل المجتمع المصري، أن هوايتك مينفعش تبقى وظيفتك!
3- الأفكار البديلة: نجمة هنا عشان بيحب الأفلام الأسيوية و الكورية الجنوبية زيي بالضبط! أفكاره البديلة في منها أفكار مبالغة و مجنونة و فيه منها أفكار نقدر نستفيد منها فعلاً.
4- الخاتم اللعين: عن لعنة زواج البنت في المجتمع المصري، عجبني كتابته عن الموضوع ده
5- الناس الكويسة: عجبني تحليله لفكرة سؤال "هو الشخص ده كويس و لا لأ؟" وخصوصا في موضوع الأديان.
6- الجامع من هنا .. صلوا عندنا: تفسيره و كلامه مشابه لفكرتي عن رؤية العالم للإسلام و السبب في كده .. عجبتني جداً.
أما بالنسبة لموضوع "ليه نقعد في مصر؟" هل حضرتك يا أستاذ عمرو لسة محتفظ برأيك اللي كتبته في الكتاب ده لحد دلوقتي؟ هل شايف فعلا أن عقلية الشعب ممكن تتغير؟ لأن أنا عندي أسباب تعمل كتب تخليني ليه "أسيب" مصر.
ومش عاجبني تشبيه مثل أنك تتهان في بلدك أحسن ما تتهان برة، أنا أتهان ليه أصلاً؟؟؟
لما ألاقي اللي برة مقدر الي بعمله وهنا الناس بتسفه فيه وبتتريق عليه؟