‫ الحنية: الحنية في الخصام، الحنية في العتاب، لو ارتكبت خطأ ما أروح واعترف له من غير ما أخاف من ردوده القاسية، لو الحياة قست عليّا أهرول عليه وأنا عارف إن حنيته هتهوِّن عليَّا الدنيا. الحنية في المناقشة، أنا باتناقش علشان نكمل ونفهم بعض. إحنا مش في صراع مين أفضل من مين، ولازم حد مهزوم وحد منتصر، الحنية إنه يسمع لك، يشاركك بكل شغف واهتمام، إنه يحسسك بقيمتك وقت ما تفقد إيمانك بكل شيء، حنين حتى في عتابه ليك، يُطمئن مخاوفك، ويراعي قسوتك على نفسك، ويلطف منها.