مش كل لحظة وأي وقت بنبقى مستعدّين فيه نسمع اللي حوالينا، وناخد مشكلاتهم على صدرنا، ونتفاعل، وننفعل، ونتفهم مواقفهم، ونطبطب ونبوس! ‫ مش كل دقيقة هنبقى قادرين نردّ على الموبايل والواتس والماسنجر والميل والتليفون الأرضي والحَمَام الزاجل! ‫ مش كل وقت هنبقى قادرين نضحك، وننصح، ونروح مشاوير وندعم ونتجنّن ونسمع الحكايات نفسها من أول وجديد! ‫ ويبدو إن الحل الوحيد لبروزة الحقائق دي، إن الإنسان يبقى له مؤشر طاقة فوق راسه زي أبطال «الجيمز» كده، يبيّن شَحنه وصل لفين، وإنه خلاص جاب آخره، يمكن الآخرين يفهموا من غير ما يتقمصوا ولا يعيشوا دور الشهيد! ‫ واللي لازم يفهموه من غير