غلطان اللي يفتكر إن علاقته بأي حد هتبقى خالية من مشاعر زعل بنسبة 100%، ردود أفعال الناس وأخلاقهم في أوقات الزعل هي اللي بتكشفلك حقيقتهم؛ إن كانت مشاعرهم معاك حقيقية ولا فالصو، فيه اللي خلافكم بالنسباله (حجة) عشان يبعد ويستغنى، وفيه اللي هيتعامل مع خلافكم إنه محطة قصيرة وهيدور على أي تلكيكة عشان يفضل والأمور ترجع لطبيعتها؛ لإنه عرف إن الحياة متنفعش غير بيكم سوا، الزعل اللي يكون سبب في فراق نهائي هو في أصله علاقة كانت منسوجة بخيوط حرير مسيرها كانت هتتفك؛ إن ماكنش النهاردة هيبقى بكره، الخلافات بتشوّف الناس للناس صح.