بدرية وأم حنان والزائر: سلسلة بدرية وأم حنان 2

أنهيت العدد التاني في نفس اليوم اللي أنهيت فيه العدد الأول، وبجد السلسلة دي اكتشاف، كمية لذاذة وطاقة حلوة بشكل♥️!

*_ بدرية وأم حنان والزائر

*_ (العدد الثاني)

*_ عدد صفحاتها: ( 92) صفحة.

تأليف: " نسمة جمال " ، " مي غريب ".

*_ روايات مصرية للجيب صادرة عن شركة سلاح التلميذ للطباعة والنشر.

*_ اللغة: مزيج ما بين اللغة العربية الفصحى والعاميةالبسيطة.

*_ التصنيف: أدب ساخر _ روايات رعب.

*_ الغلاف مميز جدًا.

*_ الرواية دمها خفيف جدًا_ أرشحها للقراءة.

التقييم:🌟🌟🌟🌟🌟

نبذة عن الكتاب:

*_ بدأ العدد الثاني بمغادرة الزوجان فتذهب أم حنان لقضاء الليلة برفقة بدرية ويتفاجان بالزائر الغريب في البداية تشعران بأنه من " اللهم احفظنا" وبعد ما تأكدوا من كونه بشري يتهمونه بالسرقة وبعد معرفة قصته يتعاطفون معه ويبكون سوًيا ثم يجلس معهم ويتناول التسالي ويشاهد التلفاز برفقتهم وفي النهاية يكتشوف أنه مجرد لص قد استغل برائتهم وخدعهم بالحيلة! .

*_ نتعرف في ذلك العدد أيضًا على بداية علاقة الصداقة الوطيدة بين "بدرية "و"أم حنان".

*_ اقتباسات:

❞ ‫ فسرت أم حنان مصدر الصوت:

- ده البطل بيكح من البودرة اللي الولية مليطة بيها وشها! القادرة حاطة تسعة كيلو دقيق على خدودها! ❝

‏❞ استمرت أم حنان في عجن الرجل، آخذة في ثنيه وفرده في أوضاع هندسية معقدة. ❝

‏❞ اسمعوني بس، أنا مستكشف، زائر! بدخل البيوت وأشوف جواها إيه، نوع من الفضول، تقدروا تقولوا مرض! ❝

‏❞ اقترحت بدرية:

‫ - تيجي نرشه بالفنيك؟

‫ أدلت أم حنان بدلوها:

‫ - آه، وشوية كلور. ❝

‏❞ أخذ يتطلع إلى وجهي المرأتين.. لا شيء.. أم حنان تمضغ الفول السوداني، بدرية تمضغ ❝

❞ الزبيب، وكلتاهما تنظران إليه في غباء.. ربما ليس غباءً، فقط هما لا تفهمان! ❝

‏❞ آدي آخرة قلبك الطيب، خليه يا أم حنان، نعشيه يا أم حنان! أديه طلع هربان من السرايا الصفرا! ❝

‏❞ ذلك أنه كان لصًّا.. مجرد لص، ذكي لبق ألمعي لوذعي متملق.. وكاد يخرب بيتهما! ❝

#الريفيو_السابع

‏

#القارىء_الشغوف

#iRead_eBooks

#فنجان_قهوة_وكتاب

#شغف_الكتب_الموسم_الرابع

مقبول

#أحمدمجدي

معانا النهاردة مراجعة كومبو للأربع أعداد الأولى اللي صدرت عن شركة سلاح التلميذ.

تعالوا نبدأ مع الأنطباع الأخير.

أول ما وصلت لنهاية العدد الرابع في السلسلة واللي كان بعنوان البسلة لقيتني بغني وادندن وانا متخيل بدرية وأم حنان مع بعض راجعين من السوق بيغنوا سوا.

"حلوين اوي وطعمين أوي الله أكبر علينا ولا قبلنا ولا بعدينا

أنا وحبيبي احنا الاثنين زي الورد على الياسمين"

فعلا السلسلة دي مختلفة ومميزة وفيها حاجة حلوة من ريحة أهالينا وذكرياتنا وفترة التسعينات والثمانينات.

ومش شايف نمط السلسلة دي غير في أنها مكتوبة عشان تكون مسلسل تلفزيوني ست كوم على نهج "راجل وست ستات - تامر وشوية" في قالب اجتماعي قصير، بس محتاج منتج مغامر ومنتج شاطر.

وبشكل خاص أنا مش قادر اتصور غير الممثلة إنتصار في دور بدرية والممثلة سماء إبراهيم في دور أم حنان.

ويلا بينا ندخل على الانطباع الأول.

يمكن الأنطباع الأول اللي اخدته من العدد الأول إن السلسلة تصنيفها رعب كوميدي لكن مع الأعداد اللي بعد كده احنا محافظين على الكوميديا ومكملين مع الدراما الاجتماعية بشكل اكتر مع شوية تشويق وإثارة وغموض.

وتعالوا نتكلم عن العمل وفكرته.

الغلاف قلت سابقا قبل كده انه مقبول وغامض شوية مفيش أي عامل جذب غير أسم العمل وتصنيفه.

والغلاف هنا هو أقرب إلى لوجو خاص بالسلسلة وهتكون إضافة حلوة لو كل عدد اتعمل له غلاف خاص.

أما عن نمط السلسلة فهي إجتماعي وغموض كوميدي ودي الحالة اللي بتعبر عن الحالة أو الفكرة العامة اللي في السلسلة.

والفكرة بكل بساطة قائمة على اثنين غلابة نقدر نقول طيبين بسذاجة وساعات أغبياء كمان والعالم بتاعهم لا يتجاوز حدود أول الشارع.

اثنين هما النقيض تماما عن أي صورة حديثة للمرأة الاندبندنت سترونج.

ومعانا كم من المغامرات والأحداث اللي بتحصل قبل ثورة التكنولوجيا والعولمة في فترة التلفزيون في أوائل التسعينات تقريبا قبل غزو الانترنت والتكنولوجيا ونتعرف على نمط الحياة في الحارة الشعبية أو المناطق العشوائية وانا أكاد أقسم أن بدرية وأم حنان شخصيات حقيقية واقعية موجودة في حياة وذكريات المؤلفتين.

السلسلة أو الأحداث في السلسلة مصدرها تورط الشخصيات بتاعتنا مع غرائب وعجائب أقوى وأعجب بكتير من قدرة أي واحدة منهم على الفهم والشخصيات اصلا مش مهتمة إنها تفهم.

احنا معانا ردود أفعال مدهشة تعتمد على فكرة الصدمة الحضارية والفكرية.

بدرية وأم حنان عن طريق الصدفة غالبا والغباء احيانا بيدخلوا في مغامرات وتجارب غريبة عجيبة ما بين جملة بتسمعها في التليفون تقلب حياتها أو زائر غامض وغريب في الليل عنده أهداف خاصة وما بين عالم حشرات مجنون أو مخبول يخليهم فار تجارب أو ست غريبة بياعة بسلة مسحورة.

العمل هنا من تأليف كاتبتين هما نسمة جمال ومي غريب وخروج العمل بالتماسك ده والجودة دي يعبر عن مدى التفاهم بين الكاتبين وان كل واحدة منهم كانت ماسكة لجام شخصيتها بدقة عالية.

وتعالوا نتكلم عن اللغة في العمل.

السرد والوصف كان باللغة العربية الفصحى البسيطة والحوار باللهجة المصرية العامية شديدة السطحية والمناسبة بشكل رائع مع أحداث العمل.

كان ملحوظ شوية إن في تكرار في بعض العبارات سردا في وصف طريقة المشي أو الهيئة والشكل في كل عدد، أما الحوار فهو كتير شوية لكنه كان مذهل وبجد كان فاكهة العمل لكن يا ريت شوية اهتمام بتنسيق الحوار عشان ممكن نقول في السلبيات أني ساعات بتوه ما بين الشخصيات ومين قال ايه.

وتعالوا نتكلم عن شخصيات العمل.

لأول مرة نشوف حسب ذاكرتي يعني شخصيات سلسلة في النمط الشعبي العشوائي ده.

شخصيات العمل فعلا عبارة عن شخصيات كارتونية وهي مناسبة للعمل والغرض منه وفكرة استعراض الطبيعة الشعبية وأكيد الجيل الجديد مش هيفهم كتير من الإيحاءات في العمل بسبب تصدر صورة المرأة المعاصرة الحديثة.

تصور وجود شخصيات العمل ده صعب جدا على الجيل اللي ميعرفش ونيس وسنمبل ولا شاف المال والبنون ولا عرف سي السيد والست أمينة.

ولسه طبعا على موقفي وهي إني أكاد أبكي من فرط الضحك كل ما أتخيل رد فعل أي واحدة من أنصار المرأة من بتوع الست مش ملزمة وهي بتقرأ بدرية وأم حنان.

وأخيرا تعالوا نتكلم عن الخلاصة.

سلسلة بدرية وأم حنان عمل خفيف جدا وسريع ومتحمس جدا لو في حد قدر يحول العدد ده لمسلسل ست كوم وده في رأيي المتواضع هيكون لفت نظر وتوعية للجيل الجديد بالجيل القديم.

الجزء الثاني من مغامرات بدرية وأم حنان ( الزائر)

أقصر من الجزء الأول، مغامرة أخف دارت كلها في شقة بدرية.

في يوم مش هيتكرر كتير بسبب سفر حمدي لشغل في قويسنا وسفر أبو وليد لعزاء والدته بصحبة وليد ابنه اللي شبط فيه، طلعت أم حنان تبات مع بدرية بناء على طلب سي حمدي اللي بيخاف على مراته وعايزها تتونس بصاحبتها وجارتها في غيابه، وأبو وليد وافق.

وسافر الرجلان والستات قضوها قدام فيلم السهرة وبقهم مابطلش أكل ولا شرب

من قزقزة لب وأكل فاكهة وساندويتشات وشرب سحلب وحلبة

ليلة يعني 😅😅

بس الليلة ماعدتش بسلام مع أنها كانت حلوة أوي واتمنيت يبقى لي صاحبة بالقرب ده، ناكل ودان بعض كدة زي ما كانوا سوا. هو صحيح يعني يا سبحان مغير الأحوال والمحبة اللي كبرت بينهم بعد وصلة معتبرة من الردح بعد أسبوع واحد من جواز بدرية من حمدي وكانت تسبقها في العمارة أم حنان اللي كانت تكبرها بخمس سنوات واتجوزت قبلها بنفس عدد السنين.

وبعدها لك أنت كمان يا ست أم منى ما تلايميها بقى 🤦

بس دلوقتي برضه أنا فضولي سايقني أعرف الزائر أخد الطشت النحاس التقيل إزاي في الليلة الممطرة دي ؟! 😁

سعدت جدا بتاني محطة في مواقف و طرائف بدرية و أم حنان الكوميدية و نبذة بسيطة عن خلفية تعارفهم و بداية صداقتهم اللي ملائمة جداً لشخصياتهم.

العدد ده صغير و مايخدش ساعة قرأة و لكن هو شباك صغير علي حياة بدرية و ام حنان العبثية و قلبهم الطيب و تفكيرهم المحدود في انهم يضايفوا و يكرموا "الزائر" اللي هيبقى سبب في تعاستهم.

مقتطف ظريف وخفيف جدا ومتحمسة أكمل باقي الأعداد ومغامرات بدرية وأم حنان.

- الكتاب الثاني من السلسلة الوليدة هو قصة كوميدية قصيرة قائمة على فكرة استغلال عواطف المرأة وسذاجتها - اتحدث هنا عن بدرية وأم حنان محدودتا التعليم والثقافة - لتحقيق منفعة ما.

- الحوار الكوميدي هو النجم المتصدر فى هذا الكتاب.

- نتعرف أيضاً على المزيد من خلفيات المرأتين ونشأتهما فى الفصل الأخير من الكتاب.

- الكتاب مسلي ستقضي معه وقتاً لطيفاً.

الشخصيات واللغة مثل العدد الأول

الفكرة أيضا حلوة ..والفضول داخل أي شخص منا لمعرفة حياة الناس الآخرين عاملة ازاي وإلا ما كان الفيسبوك أو الانستجرام ..لكن شعرت أن القصة تحتاج إلى تكملة ..انتهت بسرعة غير متوقعة

المزيد من الكوميديا مع بدرية وأم حنان

هل يعقل ان تقوم تلك السيدتان _التي تحمل كل منهن المزيد من الطيبة واللطف والحنان بقلوبهم_ بضيافة سارقهم بل وينفعلان معه ويبكيان من أجله!

عدد لطيف للغاية أحببته جدا💖

الجزء الثاني من سلسله بدرية و ام حنان أقل في عدد الصفحات و به جرعة جيدة من الكوميديا النابعة من المواقف بين ام حنان و بدرية و اللص

أحلى ثنائى فى حياتى دلوقتى بدرية وأم حنان

حبيتهم جدا

برافو للكاتبتين نص كوميدى رعب مشوق وممتع للغاااية

جميلة كالعادة

بجد حبيت شخصيات بدورة وأم حنان

السؤال بجد أزاي الحرامي اخد الطشت النحاس حطه فين 😂😂😂

حكاية خفيفة لطيفة ممتعة أنهيت الكتاب في جلسة واحدة

اتشوق للمزيذ

جميلة ضحكت جدا 🥰

لطيفة جدا