مراجعات رواية بنات عرفان : شهيرة

حسيت كأني بتفرج على مسلسل سلسال الدم! 😅

مش بحب استخدام اللغة العامية بشكل كبير في الروايات

أظن معدش حد بيتكلم صعيدي بالشكل ده غير في الروايات والمسلسلات بس!

حقيقي كنت مستمتعة جدا بكل كلمة وبالاحداث وحاسة اني مهما اتكلم مش هديها حقها ابدا

عرفان الراجل المتعلم الصعيدي راجل عن حق ما بيخافش غير من اللي خلقه وبياخد حقه وحق بناته من عين اكبر واحد فيهم كل تصرفاته كانت نابعة من حبه لبناته واعتزازه بيهم

مش هتكلم اكتر من كده علشان ما احر//قش

شهيرة مهما اتكلمت عنها مش هعرف اوصف جمالها وقوتها وشخصيتها في عز ما بتكوني موجوعة عليها بتكوني فخورة وسعيدة بقوتها وصلابتها ربنا عوضها باجمل عوض كفاية انه صديق عبقري قلبي 😍

سلمى اللي كنت متغاظة ومفروسة منها وحقيقي كنت عمالة اقول يا طولة بالك وهدوئك يا عبد الله 🙂 بس انا متفهمة جدا مشكلتها ومخاوفها وده طبيعي للشخصية اللي بتمر بظروف زي ظروفها بس بردوا مش طيقتها 😒

اخوات شهيرة وما ادراك ما اخوات شهيرة 🙆🙆 انا مش هتكلم هسيبكم تتفاجئوا 😃

امممم سالم 👀 لو النور هيقطع احبسوني معاه عايزة اسأله كام سؤال على جنب

نيجي بقى للكبير جراح 😐😐 ولا اقول لكم اعرفوا بنفسكم 🤣🤣

سلافه ما تتخيليش سعادتي قد ايه وانا بقرأ ليكي حاجة جديدة بكون ماسكاها وانا واثقة ومتأكدة اني هقرا حاجة ليكي مختلفة وكمان شيقة ودايما بتكوني قد ثقتي لكل اللي انبهر بسلافه في سلسلة أرض البشرى اوعوا تضيعوا عليكم فرصة انكم تقروا لسلافه أجتماعي وكمان ورقي استمتاع بدون مط بدون تطويل تشويق كعادتها للأجزاء القادمة 💖

هتنزلي بقية البنات امتى بقي 🙈 احنا مستنيين وسيلة على نار 😂

ده انا بعزها معزة 🙄

هبتدى الريڤيو بكلامى عن الكبير.. كبير العيلة

الجزئية اللي بتعجبني في رواياتك.. لأهميتها

ومش دايما الكبير بيكون أد مكانه ده. ولا اختياره

نفسه بيكون على أسس صح

احيانا وكتير بتدخل فيها المصالح وفرد العضلات

حتى لو كان ذئب او بلطج&ى بهيئة.. الكبير على

رأى وسيلة.

فكانت مأساة شهيرة وحكايتها الصعبة

من ورا الديب ده في ثوب الكبير

الرواية من نوعية الروايات الاجتماعية

وفيها طبعا خط رومانسي..

فيه حب بجد.. نوعية الحب والتمسك

اللي تتمنى تلاقيه في حياتك مش غناوى

واشعار وكلام.. لا.. مواقف وأفعال مهمة

في لحظات حاسمة.. بتمر بيها بطلتنا شهيرة

متمثلة في الدكتور عبد الله♥️😘

شهيرة بنت الحاج عرفان الإبنة الوسطى

من ثلاث بنات.. كانوا قرة عين أبيهم

ورغم جذوره الصعيدية.. اللي انه

تمسك بتعليمهم..وكان فخور بيهم

فخور ببناته..وفي لحظة صعبة

غير مسار حياتهم عشان يحافظ عليهم

خاصة. شهيرة اللي مرت بأصعب مأساة

شهيرة اللي أصبحت طبيبة. رغم اللي مرت

بيه في حياتها.. لكن لو هنتعلم شئ من الرواية

انه بالفعل أى محنة بنمر بيها بيبقا بداخلها

المنحة ورحمات ربنا لينا.. بس احنا نشوفها

صح.. وكما قال سبحانه وتعالى

(إن مع العسر يسرا إن مع العسر يسرا)

طبعا الكاتبة قدمت شخصيات كتير

وحقيقي بإسلوبها المميز وصلتلى كل الشخصيات

جراح. حسبي الله ونعم الوكيل فيه

زهيرة.. نفس الدعوة😒

وشخصيات تانية كمان زى سالم

اللى مقدرش يواجه الريح وضعف واستسلم

الفكرة الاصعب ان الانسان يعرف

ان ممكن الضربة تجيلوا من اغلى

إنسان عنده هو اللي يستبيحه للأسف

لانه عنده اهدافه وأمانيه وتطلعاته في الحياة

احيانا اهم من غريزته حتى لو كانت أم🥺

الرواية عجبتنى اسلوب سلس ونهاية مرضية

لحكاية شهيرة.. كلها أمل في بكرة

محستش بالوقت لحد مانتهيت منها

وارشحها للي حابب يقرا رواية حلوة

في اجازة العيد.. وبإذن الله تعجبه

وبشكر الكاتبة على الرواية بجد♥️😍

من المفترض اننا بصدد قراءة عمل ادبي لكن في حقيقة الامر نحن امام مسلسل صعيدي على غرار العديد من المسلسلات التى شاهدناها مراراً وتكراراً. هذا العمل هو معالجة درامية في شكل سيناريو لا أكثر ولا أقل تصلح لتقديمها في شكل مسلسل تليفزيوني ناهيك عن انه لا توجد اي حبكة ذات قيمة تستحق اساساً. انت تعرف نهاية المسلسل بعد اول مشهد تقرأه !!.

حوار مكتوب بالعامية الصعيدية يصلح اثناء التمثيل على الشاشة الصغيرة وليس لعمل ادبي.

شخصيات مكتوبة كي تكون جاهزة ليقوم الممثل بتجسيدها على الفور.

نهاية حدث ولا حرج عن تقليديتها البحتة.

عمل درامي لا جديد يذكر فيه ولا قديم يعاد.

عفواً ايها السادة. الروايات شىء اخر تماماً ولا علاقة لها بكتابة السيناريوهات هذه.

قصة حلوة ممتعة شوي بتحكي عن قصص مصرية

مع الاسف فيها كلام عامي متداخل اكتر من تواجد الفصحى وتكرار الكلمات اكثر من اللازم

عدا عن ذالك القصة حلوة عن كيفية حب الاب و التضحية

مع الاسف حال شعب العربي بل الجهل وعدم تطور شي حقيقي مو بس بمصر

وبتمنى لو كنت نهاية قصة بهيرة و راسم احسن من هيك

"تغوص رواية "بنات عرفان" في أعماق الماضي تكشف عن أسرار عائلة عرفان، وتتمحور حول شخصية شهيرة، البنت الوسطى التي تحتل مكانة خاصة في قلب والدها

تدور أحداث الرواية بين ظلم العادات والتقاليد التي تحكم بلدتهم و قصة أب يحاول جاهداً حماية بناته

الحبكة رائعة

اللهجة تحتاج مراجعة

الشخصيات مميزة ما عدا سلمى حسيتها مسطحة وتحول الشخصية سريع ومتشوقة لحبكة الاخت الكبيرة من دلوقتى

اخطاء إملائية كتير

السرد تحفة والحوار احلى وبناء الشخصيات عجبنى

اول مرة اقرأ لسلافة ومش هتكون اخر مرة

жехад

روايه لطيفه فيها دموع كتير بس ناقصه تفاصيل

كانت محتاجه تكون اكبر شويه عشان يبقي في توضيح لحاجات كتير و دور للشخصيات الكتير اللي موجودة في الروايه

الا لو ليها اجزاء انا معرفش بصراحه

رواية شهيرة من افضل الروايات الاجتماعية اللي قرأتها

شابوه للكاتبه ❤️❤️

تحس انك عايش جوا أجواء الروايه و عايش مع أبطالها

شهيرة من البطلات اللي حبيت حبكتها

مفيش مصرية اسمها وسيلة.. م تقروا في ثقافة البلد ي جماعة

جميلة جدا طبعا

بعد التحدي نكمل الاجزاء ان شاء الله

قصه طريقه لكن المط والتطويل اصابني بالملل

رواية ممتعه جدا