مراجعات رواية الفريسة

العمل الفريسة

الكاتب محمد انور

دار النشر ابهار النشر والتوزيع

عدد الصفحات 459 ابجد

ماذا لو كنت صيادًا ماهرًا ورأيت غزالاً مارًا بالجوار، فاصطحبت عتادك، تتبعته بحماس، حشوت بندقيتك ووقفت مستعدًا لاصطياده، ولكن قبل أن تضغط على الزناد فؤجئت بشيء لم تتوقعه، لقد خدعك بصرك!

_هل لك يا صديقي ان تتخيل بعدما كنت صياداً تصاد الفريسة ثم تفر هاربا من ان يكشفك احد ان تتحول الي الفريسة التي يصتادها احد اخر؟

_هل لك ايها الاب ان تتخيل ان الاحداث التي يعيش بها الطفل منذ طفولته تؤثر عليه بشكل ما اذا كان ايجابياً او سلبياً؟

_هل كنت تعلم ايها المخادع ان هناك من يخدعك بطريقة ما وانت لا تعرف؟

_هل لكي يصغيرتي ان تعرفي ان هناك اشخاص لا يستحقون الشفقة حتي

ــــــــــــــــــــــــــــــــــــــــ

_الرواية جميلة جدا جدا وخفيفة وتشعر انك دخلت مسلسل به الكثير من الحكايات التي تعطيك موعظة بحياتك.

_بالنسبة للنهاية كانت راضية بالنسبة لي واتضحت لنا المراه مسيطره علي زوجها حتي في الرواية وناتي هنا لاغنيه ايوه انا مسيطره 😂

طبعا انا بهزر مش محتاجه اقول بس حبيت النهاية وان *عمرو* بطل اللي كان بيعملو .

_بس عمرو دا فظيع بجد دا خطر علي البشرية يجدعان ولهي 😂دا مدرسة لازم يتذاكر وهنا ندخل لعمرو باغنيه خطر خطر 😂.

مش عارفه الايام دي الاغاني بتجي معايا وانا بقرا الروايات مش عارفه حاجه حلوة ولا اي بس عجباني

_اللغة استخدم الكاتب اللغة العربية الفصحى البسيطة في السرد و العامية المصرية في الحوار.

_الاحداث سريعة ومشوقة وغامضة في نفس الوقت تجبرك علي ان تنتهي من الرواية بسرعه لكي تعرف ما الذي سوف يحدث بعد ذلك.

_السرد كان سلسل جدا.

ــــــــــــــــــــــــــــــــــــــــ

اقتباسات

* فالكل حذق و لا يمكن خداعه طالما لم يختبر *

*إذا أخطأت بندقيتك التصويب على غزال فربما يهرب، ولكن إن أخطأت أسدًا فحتما عليك أنت أن تهرب*

* انا اشبه المجرمين ، و المجرمين لا يهابون ،المجرمين جريئين ، المجرمين يخشاهم الآخرون *

*المشاعر يمكن للجسد ان يخفيها ماعدا العين ،فهي من تأتي بالحقيقة دائما و لا شئ سواها*

#ريهام_محمد_عبداللطيف

تحذير يوجد حرق للأحداث

انا كنت متحمس للعمل ده عشان دي تاني تجربة مع الكاتب بعد رواية مقتل يسرا سليمان

لكن للاسف انا خاب ظني في العمل في كذا نقطة

- طريقة كتابة اللغة العامية في حديث الابطال كان ممكن تكون احسن من كده .

- شخصيات ضباط الشرطة في العمل كلها جات ضعيفة و من غير ما يكون ليهم شخصية بارزة و احس انهم شغالين علي تحقيق في جريمة قتل .

- نيجي بقي لجواز روفيدة من ايمن المفروض انهم ضحكوا علي ايمن و انه قاله انها كانت مجوزه و اطلقت ثم بنعرف موضوع انها جاسمين بنتها طب بالنسبة لعلامه جرح الولاده القيصرية اللي هيبقي دليل انها ولدت قبل كده !!

- في مشهد كده عمرو بيقرر انه يدافع عن طفل مشرد و بيسرق المحل اللي صاحبه ضربه و راح فتح المحل و سرقه محتويات المحل طب بالنسبة للكاميرات !

-طب عمرو عنده من و هو صغير مشكله في شكل الاذن طب اما بقي معاه فلوس ماكنش ممكن يعمل عمليه تجميل فيها !!

- في اخر الروايه اما بنفهم الاحداث و الخيوط كلها بتتلم مع بعض انا للاسف تهت و فقدت الاحساس بالوقت و حسيت اني في مده كبيرة بين تزوير موت ناديه و بين انها عايشه فعلا و راحت ل عمرو يلحقها .

- في مشهد ناديه بتتصل بصاحبتها و تعرفها خبر زواجها من ايمن ثم تتطلع علي علاقة باخوها و بتحاول تتصل بيه ثم اختفاء كامل للاخ و الصديقه يبقي كان ايه لزوم المشهد ده اصلا !؟

- النهاية و حل الجريمة بالطريقة دي شايف انه غير موفق كان ممكن نوصل لنفس النتيجة بطريقة مختلفة شوية .

القفلة...مش مضبوطة...كانت محتاجة تبقى حبكتها افضل من كدة ..حتى . تليق مع التشويق اللي كان حاصل .