مراجعات رواية خدعة الفلامنجو

رواية اللعب فيها على الجانب النفسي بامتياز، كنت حابب وأنا بقرا الجانب النفسي والتحليلي للبطلة، اللي ظهر بشكل كبير ومن غير ما يأثر عليها واللي خلالها قدرت وهي بتتعالج انها تشوف اللي حصل بصورة واضحة، عجبني فكؤة الرسايل وكمان ربط الحالة اللي بتمر بيها بالحيوانات، شوفت انها فكرة جديدة وتقلت الرواية، لدرجة وانا بقراء في الفصول كنت مستني أشوف هتتكلم عن أي حيوان وكمان من المرات القليلة اللي أشوف كاتبة وقادرة تقدم شخصية زي كدا من غير أي جو صعبانيات ولا دور ضحية ومغلوب على امرها

من فترة كنت قريت للكاتبة مجموعة قصصية صدرت من 2014 وعجبتني وكنت مبسوط وانا بقرا في الرواية ومتشجع اكمل باقي كتبها باذن الله

عن العلاقات السامة كتبت واجادت نهلة كرم. في عصر النت حيث تبدأ معظم العلاقات افتراضيا تروي لنا الكاتبة قصة حب بطلتها الكاتبة الرقيقة بسامر الشخصية النرجسية المتلاعبة بشكل رسائل من البطلة لصديقتها سلمى كتبتها في مرحلة الشفاء لتساعدها على نسيان العلاقة.

رواية جميلة ومكتوبة باسلوب محبب، تطرقت فيها نهلة للكثير من مشاكل العلاقات بين طبقة "المثقفين" وكمية التنازلات التي تضطر السيدة لتقديمها حتى لا تكون "دقة قديمة" والثمن الذي تدفعه لاحقا من سلامها النفسي ونظرتها لنفسها.

كان بقالي فترة مش بكمل رواية بقراها لكن مقدرتش اسيب الرواية دي من ايدي غير لما اخلصها

في الاول مكنتش قادرة اتعاطف مع البطلة ولا قادرة أفهمها بس من أول الفصل التالت وانا حسيت اني شيفاها قدامي وكنت بعيط في النص بس مقدرتش أسيبها من ايدي غير وانا مبسوطة بيها

دا اول تجربة ليا لنهلة واكيد مش هتكون الاخيرة. 5 نجوم

برغم اني بقراءة لعدد محدود من الكتابات

وبرغم أن دي اول تعارف ليا على الكاتبة نهلة كرم احب اقول انها انضمت لقائمة الكتابات المفضلات عندي

حقيقي رواية جميلة جداااا

بس سؤال محيراني

النص التعريفي اللي موجود على الجد اللي بيبدأ

نشف الدم..... إلى آخره

ده مش موجود في الكتاب ولا ليه علاقة بالكتاب

ابجد عملت مكس

رواية جميلة، سامر الشخصية النرجسية زي ماقال الكتاب، وللأسف البطلة كان الفريسة المثالية..

سرد جميل ولغة سلسة، رواية حيوية، أحببتها..

رواية جميلة من كاتبة متمكنة خلتني أتفعل مع أحداثها وأكره تصرفات بطلة الرواية.. أتمنى للكاتبة كل التوفيق ♥️

استخدمت الكاتبة اسلوب السرد من خلال الرسائل

تحدث الكتاب عن التعلق المرضي ، عقدة استوكهولم التي يكون فيها الضحية متعلقا بالجلاد ، بل هنا نجد أن الضحية هي التي صنعت الجلاد أو على حد تعبيرها " حضرت العفريت" بحثا عن علاقة تمنحها التوازن الذي لا تجده إلا في هذا الشكل المريض من العلاقات و كان الجاني شخص ضعيف تلذذ في العلاقة التي اشعرته بقوة ليست فيه ، عقد الطفولة و رواسب إخفاقاتنا السابقة ، شعورنا بعدم الاستحقاق كل هذا قد يؤدي بنا إلي فخ التعلق المرضي بهذا الشكل

و أخيرا التعافي من خلال الكتابة رحلة موجعة و مؤلمة انتهت بعد أن استطاعت الكاتبة استعادة نفسها