اقتباسات من كتاب الخروج عن النص من جديد

نص يخرج عن لغة (اللازم) والـ(مفروض).. ويعترف بلغة (أنا محتاج).. (أنا قررت)..

ودول يسلِّموك سيناريوهات ونصوص حياتية مُعدة مسبقًا.. وجاهزة للتنفيذ فورًا..

اللي من خلالها يقدر يشوف نفسه، ويعرفها، ويتعلّم منها، علشان يخرج عن النصوص القديمة، ويبدأ يقبل نفسه، ويحبها، ويغيرها للأحسن.. وهي رحلة تستحق التّعب، والصبر، وبعض الألم..

ساعات كتير بنحاول نخرج عن النّص.. بطُرق مختلفة، وأساليب مُتعددة.. بس دايمًا بيكون فيه حاجة ناقصة.. مهم إننا نعرفها ونمارسها الأول.. الحاجة دي اسمها «الوعي النّفسي»..

حياتنا مليانة نصوص مُكرّرة وسيناريوهات محفوظة..

بنغير خرائط ومسارات متهالكة وغير مأهولة.. علشان نستبدلها بخرائط أخرى جديدة.. ومسارات أخرى مسكونة بالحب والونس.. مش علشان نبني سدود حول أنفسنا وأسوار حول أرواحنا..

‫ بنخوض رحلة صيانة نفسية من أعمق وأصدق ما يكون.. بنشحن وقودنا النفسي بأنقى وأرقى أنواع الأمل.. بننصهر تحت أعلى درجات الألم..

بنخرج عن النص علشان نجرب ونكتشف ونتعلم ونفهم.. مش علشان نتحول إلى نيازك شاردة في الفضاء.. تقع حيثما تقع.. وتحترق وقتما تحترق..

نص فيه مساحات جديدة للتجربة. وفرص أخرى للصواب والخطأ. ‫ نص يخرج عن لغة (اللازم) والـ(مفروض). ويعترف بلغة (أنا محتاج). (أنا قررت). ‫ نص يحترم الماضى. لكنه يتحرر من سجونه. يُقدر الحاضر. لكنه يسعى لتغييره. ينتظر المستقبل. لكنه قد يخرج

‫ «لا يوجد شيء في الدنيا يمكن أن يساعد الإنسان بفعالية على البقاء حتى في أسوأ الظروف، مثل معرفته بأن هناك معنى في حياته».

فيلم «سول» عاوز يقولك إن هدف الحياة حاجة.. ومعنى الحياة حاجة تانية خالص.. وإنك ممكن تلاقي معنى حياتك في «إحدى لحظات الكشف»، بالرغم من إنك عمال تجري وتدور عليه في «رحلة تحقيق الهدف»..

. إنت تستاهل كل دول من غير ما تعمل أي حاجة.. تستاهل كل دول علشان إنت موجود.. علشان إنت خِلقة ربنا..

‫ ما تحمّلش نفسك فوق طاقتها.. وما تشيلش شيلة حد..

‫ ما تشيلش شيلة حد..

‫ الحُب هو الإجابة الأخيرة.. على كل التساؤلات..

‫ الحُب هو الجراحة الناجحة.. لكل القلوب..

‫ الحُب هو كلمة السر.. وروعة السحر.. ومنبع النور..

الحب يشفي..

‫ الحب يطيب الخواطر..

‫ الحب يصنع الأنبياء..

‫ ﴿وَأَلْقَيْتُ عَلَيْكَ مَحَبَّةً مِّنِّي وَلِتُصْنَعَ عَلَىٰ عَيْنِي﴾ – طه (٣٩)

‫ صدق الله العظيم.

‫ يا رب..

‫ ساعدنا إننا نزكي نفوسنا ونكرمها..

‫ ساعدنا نعيد ما دفناه من نفوسنا إلى الحياة..

‫ ساعدنا نعيش بنفوسنا الحقيقية.. مش نفوسنا المُزيفة..

‫ بيتك النفسي ملكك.. مش ملك أي حد تاني.. حافظ عليه.. لأنه أمانة.. هيسألك عنها اللي سلمك عقد ملكيته المؤقتة يوم ما خلقك..

‫ رُفعت الأقلام.. وجفَّت الصحف..

أكبر ظلم ممكن تظلمه لحد، إنك ماتشوفهوش!!

بمعنى إنك تشوف فقط الصورة اللي أنت راسمهاله في مخك.

أعتقد إن أعظم حاجة ممكن تحصل جواك لما يزيد سنك ووعيك وتجاربك.. هي إنك تتحرر من سجونك العتيقة الخفية، واحد ورا التاني..

أحيانًا نترك الشخص مغمض العينين، فربما لن يتحمل شدة النور، أو ما نتصور -من جانبنا- أنه نور..