مراجعات كتاب أيامي مع كايروكي

من اجمل ما قراءت عن الفن …

و كان لهذا الكتاب الفضل باني بداءت استمع الي كايروكي بعد قراءته

#سفريات2024

#أيامي_مع_كايروكي

أنا مش موهوب أوي، بس بشتغل كتير، وده اللي كتير بيقولوه على كايروكي، مش أكتر ناس موهوبة، بس أكتر ناس بتشتغل»

دي أول جملة لفتت نظري ف الكتاب، كانت البداية الحقيقة لمعرفتي بكايروكي، اللي بدأت بداية غريبة جداً الحقيقة...مجرد سفرية وكنت محتاجة أفصل ب مزيكا جديدة ف طلبت من صحابي ترشيحات، وسط اغاني كتير لقيتني بكرر أغنية"كل حاجة بتعدي" بشكل مستمر، عدا كذا سنة لحد م لقيت الأغنية دي على "توتي باج" واكتشتف ساعتها اني بدون وعي "بدندن" الأغنية كتير وبقت زي أسلوب حياة...هتعدي

من سنة ونص تقريباً إتعرض مسلسل"ريفو" واللي كان بداية معرفتي الحقيقة ب "أمير عيد"، اللي مع الوقت ومع ارتباطي بالمسلسل بدأت أدور على أغنيه، لقيت منها حاجات كتير بتلمسني وبتقول اللي جوايا، هنا بقيت "فان" ل كايروكي

كل دة رحلة شخصية بحته، الحقيقة عمري م فكرت أقرأ عن فرقة موسيقية، بس لما عرفت أمير عيد كنت مهتمة أعرف الخلفية، مع بدايات سبتمبر اتفقنا انا و"العصابة" إن القراءة الجماعية الجاية هتكون"أيامي مع كايروكي" للكاتب"ولاء كمال" والصادر عن"الدار المصرية اللبنانية"، الكتاب قدرت اوصله ورقياً بترتيب رباني بحت، بدأت الرحلة

الكاتب عرف كايروكي بصدفة برضة، ودة يمكن أول حاجة شدتني للكتاب نفسه، لأن فيه حاجات بتقع ف طريقنا بالصدفة وبتغير حياتنا...منها الكتاب دة والحكاية المهمة والملهمة جداً للفرقة دي...ليه بقى؟؟ خليني أحكيلك شوية عن الكتاب واللي جواه

أ.ولاء بيحكي عن بداية فكرة الكتاب، إزاي وصل ل أمير، ازاي قدر يقنعهم بالموافقة ع الكتاب ك فكرة، وبعدين بيبتدي يحضر معاهم كواليس اصدار البوم "نقطة بيضاء"

الحكاية جوة الكواليس والمكتب مختلفة تمامااااااااااً، مين يقول ان عشان تطلع أغنية واحدة بيحصل كل التعب دة من فريق كامل، من اول كتابة الكلمات اللي لازم تكون متوفقة مع رؤية الفرقي والمرحلة اللي بيقدموها، اللحن نفسه وإيه يبتدي قبل ايه وصوت ألة إيه يبقى أعلى من الألة التانية؟، التسجيل والبروفات الكتير لحد م يتفقوا كلهم على الشكل النهائي والمرضي، التصوير والترتيب ليه وكواليس التصوير نفسه...كل دة تعب على كل اغنية...فما بالكم بالألبوم نفسه لحد م يطلع لنا بالشكل النهائي، متنسوش الرقابة يا جماعة والمفاجآت الغير لطيفة أبداً اللي بتحصل طول الوقت

الكاتب قدر يدخلنا جوة استوديو كايروكي، مش بس الكواليس المهمة ومراحل ظهور الألبوم للنور من أول كلمة ف أول أغنية ولحد حفلة الإطلاق...لا كمان دخلنا جوة حياة اعضاء الفرقة نفسهم من غير م يبقى التركيز الكامل على أمير"المستحق جداً"، لأ...الكاتب عرفنا خلفية كل واحد ف الفرقة..إزاي اتعرف ع الباقي وازاي دخل الفرقة نفسها، ظروف كل واحد العائلية وكان بيشتغل ايه قبل الفرقة ودوره الحالي"الأدوار اتغيرت كتير بالمناسبة ويمكن اتغيرت تاني بعد صدور الكتاب"

الكاتب بيركز طول الوقت على طريقة تعامل اعضاء الفريق مع بعض، سواء ف الشغل وطريقة ادارتهم للخلافات الواردة جداً و طريقة تعاملهم برة الشغل كمان

عرفت حاجات كتير عن اعضاء الفريق، عرفت ليه أمير بيلبس اسود طول الوقت، ليه وزنه قليل كدة، ليه قال ف برنامج"انا متطمن ان لو جرالي حاجة اهلي هيفضلوا ف أمان مادي لأن الكل ف كايروكي واحد، عرفت ليه "تامر" بشوفه كتير بيمثل "واصلاً عرفته ك ممثل قبل معرفتي بالفريق"، عرفت كتير عن باقي الفرقة...شريف وهواري وغيرهم

"فإن النجاح لن يأتي فجأة، وإن تأخر فالحل ليس اليأس، ولكن أن تواصل ما تفعله بحب"

هنا كانت لحظة مفصلية ف مسيرة كايروكي، اللي كانت اتفككت تقريباً قبل الثورة"ولا ثورة إلا ثورة يناير"، لحد م بسبب إهانة إتعرض لها "أمير" كانت أغنية"اثبت مكانك" لو لم تخني الذاكرة، اللي ف ليلة واحدة بقت أيقونة الثورة، سبب تجمع الفريق من تاني...مين قال إن النجاح صدفة؟؟ النجاح بيجيي بعد تعب ومعافرة كتير جداً..ودي ملخص كايروكي

"كل فضاء تطوف به الموسيقى ، ‫لايعرف الحزن إليه طريقا"

الكتاب دة غير نظرتي للفريق كله، خلاني رجعت أسمع الأغاني بنظرة جديدة تماماً، مش هنسى إني كلمت"مونيكا" وانا مدمعة بسبب أغنية"كنت فاكر" ورجائها الشخصي إني"بلاش الأغنية دي دلوقتي إنتي مش ناقصة"، أغاني كتير بقت تلمسني أكتر من الأول ورؤية مختلفة تماماً لفريق مؤثر وهيفضل أيقونة ف تاريخ الموسيقى المصرية

كتاب جميل...مكتوب حلو وبسلاسة شديدة، عجبني جداً المزج بين رحلة الفريق و شوية من السيرة الذاتية للمؤلف، الفلاش باك ف اكتر من مكان، احترمت جداً إحتفاظ الكاتب ببعض التفاصيل بينه وبين أمير ف"قعدة فضفضة"

كتاب "اتمزجت" وانا بقرأه، حقيقي ممتع جداً

#قراءات_حرة

#قراءات_أكتوبر

#بصحبة_الرفاق

1/53

أيامي مع كايروكي

وحكاية جيل أراد أن يغير العالم

Walaa Kamal

نشر سنة 2019

709 صفحة

الدار المصرية اللبنانية طباعة - نشـر - توزيع

سيرة ذاتية

الكوميديا ماسخة والإيفيهات مكررة؛ فالضحك صار اغتص.ابًا على خلاف الدمعة التي صارت قريبة

عمل انساني من الطراز الاول يجمع بين رحله كفاح خمسه من الشباب في حياتهم العلميه والعمليه والنفسيه فكل منهم كان يصارع في سبيل النجاح لكي يستطيع فتح منزل وانشاء علاقه طبيعيه في ظروف لم تكن ابدا بالطبيعيه ولا حتى قريبه منها فقرر الله لهم ان يجتمعوا منذ الصغر ليشدوا عضد بعض وحتى منهم من تغرب لم يستطيع الاغتراب وعاد للدفء والمحبه

يصيغ لنا الكاتب كل هذه الاحداث بلغه عربيه فصحى ليسمعنا الاغاني ويقص علينا قصص الفن من بدايه الخلق

ويمزج بينهم الاحداث السياسيه التي مرت بها البلاد في هذا الوقت العصيب من احداث الث.وره والفقد حتى اننا نتذكر حتى اليوم رائحه الصداء في الشوارع من كثره اراقه الد.ماء في هذه الايام

فيصبح العمل الذي بين يديك سيره ذاتيه وتاريخيه وسياسيه بصيغه جميله ومحببه وسلسة

حتى ان الكاتب نفسه لم يسلم من الاندماج مع هذه الفرقه التي استطاعت لمس كل ما بداخلنا من مشاعر واحاسيس بمنتهى الحرفيه والجداره

فخرج الكاتب نفسه بعد العمل ليس كما دخل بينهم ابدا حتى نظرته لهذا النوع من الفن قد اختلفت

عمل ممتع جدا واكثر ما تعلمته اثناء قراءتي لهذا العمل المثابره والثقه بالنفس والاصدقاء واهميه بناء بيت لمن يريد النجاح فلا تستطيع ابدا النجاح بمفردك لابد من وجود احد بجانبك ليحفزك ويشجعك على النجاح

استمتعت جدة بالعمل على الرغم من كبر حجمه الا انى لم امل ابدا وكانت اول قرائتى للكاتب ولن تكون بالاخيرة أن شاء الله

احببت جدآ ترتيب العمل بالشخصيات فيجعلك تتعرف على كل شخص بشكل منفصل فتتعمق فى نشأته وتعليمه وظروفه ونفسيته حتى بيته كيف بناه ولماذا فى هذا الوقت من عمره

أثرت فيا بشكل شخصي علاقت الابطال بابائهم وامهاتهم خصوصا توحدهم فى بُعد العلاقة الحميمية مع الاباء واظن كلنا مررنا بهذا لانها كانت السياسة المتبعة وقتها فى تربيتنا أصحاب هذا الجيل

عشقت توطد علاقتهم ببعض حتى لا ينفصلون فصار بينهم عهد أن أموالهم حلال لبعضهم البعض فلا يحتاج أحدهم شيء وصديقه يملك اعطاءه اياه ولا ينضام منهم من كرس حياته للفرقة واستغنى عن العالم بها

ومن اكثر ما المنى شعور أمير بالخذلان لما يقال عن وزنه من أنه مدمن وهو برئ من كل هذا ولكنه يفضل الترفع بالصمت عن الحديث الغير مُجدى مع من لا يسمع ولا يريد الفهم

اقتباسات

نحن نعوي والقافلة تسير شئنا أم أبينا.. فنحن كلاب ولا يسوى.. الد.ماء على الأسفلت رخيصة أرخص من العملة والعملة تتضخم والذوات تتضخم.. والتيه هو البوصلة المختلة العقارب كالساعة التي تعود إلى الوراء...

أصبحنا خائ.نين ومختر.قين وثور.يين والث.ائر الحق يهدأ ليبني دولته أو يهدأ ليتركها تسرق منه من أدعياء الدي.ن.. والحق مسألة نسبية والصح والخطأ مسألة نسبية

ظللنا نصرخ نصرخ حتى قمنا بث.ورة.. يخ.رب بيت الثو.رة واللي عملها.. والدنيا بقت خراب ومفيش سياحة ولا شغل.. والغض.ب فوق الغض.ب يزداد ويزداد.. الأصوات ضاعت والهوية اهترأت والثقافة انعدمت.. ووسط كل هذا استمرت الث.ورة في الركض مجنونة حتى انكفأت على وجهها.

ميراث سنوات من التفكير المتخلف المادي المتطلع يتماهى الآن مع رغبة رهيبة داخل الجميع بأن يكون عاه.را، وأن يكون مشهورًا حتى لو لم يفعل شيئًا يستحق هذه الشهرة.

أصبحت الح.روب الكلامية أسهل وأرخص وألطف من المواجهات الحقيقية. الاغت.يال المعنوي شديد السهولة وسباب الجميع والتنكيل بهم وتحقيرهم من خلف الكيبورد متعة...

صارت أمريكا أم الدنيا؛ لأن مصر لا يمكن أن تسير فيها الفتاة دون تح.رش، أو دون أن تغت.صب جماعيا، كل شيء أصبح وصار وبات ممكنا.. ليس هناك من يوقفنا من الانزلاق في المستنقع

ليه بالفلوس

سي