اقتباسات من كتاب قالوا لي بتحب مصر قلت مش عارف

عشوائي عشـوائيَّته

‫دي نْظام حياته وغيِّـته

‫وف كل بلوة ديَّـته

‫يقول ما باليدِّ احتيال

‫عشوائي واسم امُّه احتمال

‫جرح انفتح جرح انْدَمَلْ

‫لكن ما يقطعش الأَمَلْ

‫وكلُّه عَنْـــدُه مُحتمَلْ

‫وفيه معنيين للاحتمال !

عشوائي واسم امُّه احتمال ‫دلالة تنقر كل باب ‫بتبيع قزايز من سراب ‫وصاحبنا مش حاسب حساب ‫بيقول ياريت في جيوبي مال ‫عشوائي واسم امُّه احتمال ‫عشوائي عيشته ملَطّشَة ‫وجميع مواقيــته عِشا ‫عشوائي يوقَـع لو مَشَى ‫يشتم أعادي في الخَيال ‫عشوائي

عشوائي واسم امُّه احتمال

‫طَيِّبْ قوي لو جاع يصوم

‫مِن ضِمْنِ أهدافُه الحُموم

‫أكتر كلامُه: "على العموم"

‫و"تمام كده" و"على كل حال"

‫عشوائي واسم امُّه احتمال

‫والدنيا قافشة معاه قوي

‫صحرا في نارها ينشوي

‫واليوم لوحده بيحتوي

"عشوائي" واسم امُّه "احتمال" ‫والدنيا ماشْية معاه شـِمال ‫تضرب وتقسِم فيه بْمزاج ‫ويقول حرام فتقول حَـلال ‫عشوائي واسم امُّه احتمال ‫فارضين عليه أهل العلوم ‫عز الضحى يعِدِّ النجوم ‫في الأجوبة يغفى ويقوم ‫حتى صَبَحْ كلُّه سؤال ‫عشوائي واسم امُّه احتمال

يا شُقَعْ يا بُقَع

‫وان شاالله تَقَع

‫وأَشوفها قِطَع

‫خردة بقرشين

‫ما تقولوا أمين

والا اللي مدَرِّس

‫خلقته تنحس

‫لو يتنفِّس

‫ألله يعين

‫والاّ امّ باروكة

‫بسبعين توكة

‫وعايزة بازوكة

‫تجيبها اتنين

‫أكل ومرعى

‫وقلة صنعة

‫وفوق كده قرعة

‫وليها قرنين

عايزين ميرالاي

‫ويكون قَبَضاي

‫أو حتى تراي-

‫نِتْرُو تُوْلْوِين

‫ينسِفها واشوفْها

‫واقعة سقوفْها

‫واشوف حَلّوفْها

‫عْضامه طحين

‫حَلّوفْها قَراري

‫ببدلة سَفاري

‫بايع شاري

‫وذمّته طين

إنّ الداخلين

‫فيها مجانين

‫وانّ الطــالعيــــن

‫برضه مجانيــــــن

‫أه يا مدرسة خيبة

‫تحبّ العيبَة

‫وعـــــايزة كَتيبـــة

‫والا اتنـــيـــــــن

‫علشان ما تْديرْها

‫وتبقى كْبيرْها

‫وفيه كتير غيرها

‫كمان عايزين

‫أنا اروح مَدْرستي

‫واقول أه يا حوستي

‫دي قطَمِت وِسطي

‫بقالها سنين

‫إتناشر سنة

‫عاملة لي تَرْبَنَة

‫في دْماغي وانا

‫هَتْعالج فين

‫أنا طُفْت وشُفْت

‫ودُقْت الكوفْت

‫ولمّا قْرفْت

‫حْلِفْت يمين

والدنيا بَرَّة برضه خازوق

‫طالِع مِن فوق

‫والخنْق مكتوب ع المخنوق

‫ومافيش أجازات!

مَدرسْتي يا ملعون ابوها

‫واللي جابوهـــــا

‫لولا التلامذة قَلَبوها

‫كُشْك مَجلاّت

‫نشوفكم المّرَّة الجاية

‫في الكليّة

‫ونقول لِحوش الحرية

‫وسورها سلامات

‫بس الخازوق لو يِتْكَرَّرْ

‫هذا المنظر

‫في الجامعة لكن على أكبر

إحنا اللي في وقْت المِحنة

‫نجِحْنا واحنا

‫لفِّتْ ودارتْ لصالِحْنا

‫وجِبْنا الشَّهاداتْ

‫بَطَّلْنا لو نِسمع صَفافير

‫نوقَفْ طوابير

‫بَشَرْ وحاكْمَة عليها حمير

‫عامْلين باشـــوات

‫بَطَّلْنا كتاكيتكـــو القَماميـــر

‫مِن غير مَنـــــاقير

‫دا حنـــا بقينـــا مـلوك الطير

‫لافْعَة صاحبها على دراعْها

‫ويمَتَّعْها

‫يتقال بِتاعْتُه وبْتاعْهــــــا

‫وتْقوم خِناقات

‫عِيـــال بتمشي على أربَعْ

‫زيّ المَدْفَعْ

‫لكن ينامـــــوا على مْشّــــمَّعْ

‫زي البِـيـبـِيهــات

‫خَلِّي الجَمَاعَةْ الشُّضَلِيَّة

‫المِسْتَقْوِيَّة

‫ياكلُوا بطاطس مَــــــــقْلِيِّة

ولا فيش مديرة كركوبة

‫اسمها زَنوبّة

‫باروكِتْها حَلَّة مَقْلوبَة

‫ووْدانْهـا صاجـات

‫ولا عادش فيه أستاذ خايب

‫شايب عايب

‫يِحُطّ ع الكلْمة ضَرايب

‫زيّ الحكومات

‫ما عادش فيه بناتيت سَكَّة

‫رابْطة وفاكَّة

‫داهنين وشوشْهم جَمَلكَّة

وأساتذة عاهات

‫ما عادش فيه لوح سَبُّورة

‫و"ميــس" زَرْزُورَة

‫بتهاتي والناس محشورة

‫بين الدِيسكــــات

‫ولا مُشْرِفَة نُصّ نْتايَة

‫ماسْكَـــة عَصايَــة

‫هية وقُرود الجَبَلايَة

‫قرايِبْ واخوات

‫ولا فيش أبو البدلة سفاري

‫بلون جِنزاري

الحمدُ لله خَلَّصْنا

‫مْن الإِمتحـانــات

‫وبإذنِ رَبَّكْ فَلْفَصْنا

‫مِـن غير إصابــات

‫ملعون أبوكِ يا ثانويّة

‫لعنة قويّة

‫ياللي النكد عنك غِيّة

‫دون الهــــوايات

‫ملعون أبوكي يا مدارس

‫حَبْس وحارس

‫مدير عبيطْ ومديرة عانِس

من أرشيف أغاني المدرسة

‫كتبت أيام الدراسة الثانوية من ١٩٩٢-١٩٩٥‏

وقِلِّةْ خَجَلْ

‫وجاي المقَدَّرْ

‫على يّدِّ مُحْضرْ

‫جهنم تِبَشَّرْ

‫هَوا وحُسْنِ مَنْظَرْ

‫وجامع مُدَمَّرْ

‫يحاوِل يِكَبَّرْ

‫وانا معاه بَحاوِل

‫بحاوِلْ بَحاوِلْ

بِتِصْعَبْ عَلَيَّا

‫كِتيرْ مش شِوَيّة

‫وبِتْهِدِّ فِيَّا

‫فنِوقَعْ سَويّة

‫ونِرجع نِحاول

‫بَحاول بَحاول

‫* * *

‫زماني كمامة

‫وحياتي جُمل

‫أبو زيد سلامة

‫وكرسي بْعَجَل!

‫وقِلِّةْ كَرامَة

وحاولي تِقومي

‫تقول لي بَحاول

‫َبحاوِلْ بَحاوِلْ

‫* * *

‫زماني شاويشْ

‫وحياتي حَوارِي

‫غَباه أكْلِ عيشْ

‫وافْتِراهِ اضطرارِي

‫عليه شِبْرِ خيشْ

‫عَوْرِتُه لم يِدارِي

‫شاويشي وليّة

‫بْرُتَبْ عَس