عشوائي عشـوائيَّته
دي نْظام حياته وغيِّـته
وف كل بلوة ديَّـته
يقول ما باليدِّ احتيال
عشوائي واسم امُّه احتمال
جرح انفتح جرح انْدَمَلْ
لكن ما يقطعش الأَمَلْ
وكلُّه عَنْـــدُه مُحتمَلْ
وفيه معنيين للاحتمال !
تحميل الكتاب
قالوا لي بتحب مصر قلت مش عارف
نبذة عن الكتاب
قالوا لى بتحب مصر،قلت مش عارف انا لما اشوف "مصر" على الصفحة بكون خايف ما يجيش فى بالى هرم ما يجيش فى بالى نيل ما يجيش فى بالى غيطان خضرا وشمس اصيل ما يجيش فى بالى عرابى ونظرته فى الخيل ولا ام كلثوم فى خمسانها ولا المنديل ما يجيش فى بالى العبور وسفارة اسرائيل قالولى بتحب مصر اخدنى صمت طويل وجت فى بالى ابتسامة وانتهت بعويل.التصنيف
عن الطبعة
- نشر سنة 2007
- 54 صفحة
- [ردمك 13] ٩٧٨-٩٧٧-٠٩-١١
- دار الشروق
تحميل وقراءة الكتاب على تطبيق أبجد
تحميل الكتاب
451 مشاركة
اقتباسات من كتاب قالوا لي بتحب مصر قلت مش عارف
مشاركة من عبدالسميع شاهين
كل الاقتباساتمراجعات
كن أول من يراجع الكتاب
-
kareman mohammad
حلو وبسيط , ذكره لرضوي ومريد حلو وتشابيهاته عنهم تحس بصدقها
بس اجمل ما في الكتاب اكتر من كلامه علي مصر هو الجبل والغيمة .
& زهقنا نبقي صفايح والزمن حداد
& قالولي بتحب مصر قلت مش عارف , لا جيتها سايح ولاني أعمي مش شايف , زلاني هايف أرد بخفة وبسرعة , وكل من رد يا كذاب يا هايف .
أصل المحبـة بسيطـة ، ومصـر تركيبـة ,ومصـر حلـوة ومـرة ، وشرحـة وكئيبـة , أنا أختصـر منصـب الشمـس وأقـول شمعـة , ولا أختصـر مصـر وأقول ،
مصـر يا حبيبـة
& يا نسمة مرت في محل حدادة , تشفي الحديد م النار لكن ما بتردوش
& شليني يا غيمة ما تقسيش عليه , نخرها خليط من محبة والم , يعني راح تحسبيها بورقة وقلم ,
شيليني يا غيمة ما تقسيش عليه , وبصت عليه , هيه راح تفرق ايه , قالت له : أشيلك يا عمو عينيه
-
abdo salem
بالرغم من أن آخر قصيدتين مثلًا لا يصلان لنصف جودة القصيدة الأولى "قالوا لي بتحب مصر قلت مش عارف".. إلّا ان الديوان عمومًا جميل جدًا.
-
BookHunter MُHَMَD
ان لم يعجبك الديوان فعلى الأقل ستتنسم عبير مريد البرغوثى و رضوى عاشور و مع هذا فإن الديوان جميل و ممتع
قالوا لي بتحب مصر فقلت مش عارف
المعنى كعبة وانا بوَفْد الحروف طايف
وألف مغزل قصايد في الإيدين لافف
قالوا لي بتحب مصر فقلت مش عارف
أنا لما اشوف مصر ع الصفحة باكون خايف
لكني عارف بإني ابن رضوى عاشور
أمي اللي حَمْلَها ما ينحسب بشهور
الحب في قلبها والحرب خيط مضفور
تصبر على الشمس تبرد والنجوم تدفى
ولو تسابق زمنها تسبقه ويحفى
تكتب في كار الأمومة م الكتب ألفين
طفلة تحمّي الغزالة وتطعم العصفور
وتذنِّب الدهر لو يغلط بنظرة عين
وبنظرة أو طبطبة ترضى عليه فيدور
أصل المحبة بسيطة ومصر تركيبة
ومصر حلوة ومُرَّة وشِرْحة وكئيبة
دا انا اختصر منصب الشمس وأقول شمعة
ولا اختصر مصر وانده مصر يا حبيبة
يا أهل مصر اسمعوني واسمعوا الباقيين
إن كنت انا رحّلوني كلنا راحلين
يا أهل مصر يا أصحابي يا نور العين
يا شنطة المدرسة يا دفتر العناوين
يا ضغطة البنت بالكراسة ع النهدين
ترقص قصاد المراية. واحنا مش شايفين
يا صحن سلطان حسن يا صحن كحك وتين
يا ألف مدنة وجرس. لألف ملّة ودين
يا أهل مصر اسمعوني. والكلام أمانات
قلتوا لي بتحب مصر فقلت مش عارف
روحوا اسألوا مصر هيّ عندها الإجابات
-
Randa Zahran
أصل المحبة بسيطة ومصر تركيبة
ومصر حلوة ومُرَّة وشِرْحة وكئيبة
دا انا اختصر منصب الشمس وأقول شمعة
ولا اختصر مصر وانده مصر يا حبيبة
:)
قلتولي بتحب مصر فقلت مش عارف
روحوا اسألوا مصر هيّه عندها الإجابات
:)
المؤلف
تميم البرغوثي 1977
شاعر فلسطيني، اشتُهر في العالم العربي بقصائده التي تتناول قضايا الأمة، وكان أول ظهور جماهيري له في برنامج أمير الشعراء على تلفزيون أبو ظبي، حيث ألقى قصيدة في القدس التي لاقت إعجابا جماهيريًا كبيراً واستحسان المهتمين والمتخصصين في الأدب العربي. وهو ابن الشاعر الفلسطيني مريد البرغوثي، والكاتبة المصرية رضوى عاشور.حاصل على الدكتوراه في العلوم السياسية من جامعة بوسطن بالولايات المتحدة الأمريكية عام 2004، عمل أستاذاً مساعداً للعلوم السياسية بالجامعة الأمريكية بالقاهرة، ومحاضراً بجامعة برلين الحرة، كما عمل بقسم الشؤون السياسية بالأمانة العامة للأمم المتحدة بنيو يورك، وبعثة الأمم المتحدة بالسودان، وباحثاً في العلوم السياسية بمعهد برلين للدراسات المتقدمة وهو حالياً أستاذ مساعد زائر للعلوم السياسية في جامعة جورجتاون بواشنطن، له كتابان في العلوم السياسية: الأول باللغة العربية بعنوان الوطنية الأليفة: الوفد وبناء الدولة الوطنية في ظل الاستعمار صدر عن دار الكتب والوثائق القومية بالقاهرة، عام 2007، والثاني بالإنجليزية (بالإنكليزية: The Umma and the Dawla: the Nation state and the Arab Middle East) عن مفهومي الأمة والدولة في العالم العربي صدر عن دار بلوتو للنشر بلندن، عام 2008. من دواوين مطبوعة هي:
ميجنا، عن بيت الشعر الفلسطيني برام الله عام 1999 وهو ديوان منشور باللهجة الفلسطينية
المنظر، عن دار الشروق بالقاهرة عام 2002 وهو ديوان منشور باللهجة المصرية
قالوا لي بتحب مصر قلت مش عارف، عن دار الشروق بالقاهرة عام 2005 وهو ديوان منشور باللهجة المصرية
مقام عراق، عن دار أطلس للنشر بالقاهرة عام 2005 وهو ديوان منشور بالعربية الفصحى
في القدس، عن دار الشروق بالقاهرة عام 2009 وهو ديوان منشور بالعربية الفصحى.