اقتباسات تميم البرغوثي

إيدك يا سيدي حَقَّها تِنْباس

‫وِأَنا مريد ليكم يا سيدي مريد

‫فلاّح وتُبْدُرْ مُهْجِتَكْ بالإيد

‫يطعم رغيفك أُمَّتك ويزيد

‫صيَّاد وترمي بالشِّباك النّاس

رضوى امتحان الشعر وشهادتُه الكبيرة

‫معناها مِحراب المعاني

‫الناس بتصبر ع الولادة تسع شهور

‫وانا أمي تصبر ع الزمان، زماْنين كمان

‫علشان مريد وعشاني

‫قالوا لها ما تختارش فاختارت

رضوى امتحان الشِّعر وشْهادتُه الكبيرة

‫معناها مِحراب المعاني

‫دَقَّقْ تلاقي السِرَّ في شُغل القيشاني

‫في كل وِحْدِة زخرفة قصة مدينة وأهلَها

‫وحروف نبات ع الحيط يفرَّع أصلَها

‫تلقى ولاد بينطُّوا من بين المباني

صُوَري الجميلة في طُفولتي وُعود

‫في شيب رموشي يِفْضَلوا لازْمينِّي

‫ده لَقَبْ بَشَرْ

‫مش بالوِلادة بيحرزه المَوْلود

‫ولا ابونا آدم كان يجوز له سجود

‫لولا رضوى موجودة ومريد موجود

رضوى ومريد حَرَم القَصايد ليها هيبَة دَخْلِتُه

‫مريم وفي إديها الوليد الشامي ثم المصري

‫والشِّعر في مشهد ميلادي نَخْلِتُه

‫خايفة وحوش الإنس أبويا ونَظْرِتُه

يا صحن سُلطان حَسَنْ يا صَحْن تَمْر وتِين

‫يا ألف مَدْنا وجَرَسْ، لألف مِلَّة وْدِين

‫يا أهل مصر اسمعوني، والكلامْ أَماناتْ

‫قلتولي بِتْحِبّ مَصر، قُلت مِش عارفْ

‫روحوا اسألوا مصر هِيَّه عَنْدَها الإجاباتْ

‫قالوا لي بِتْحِبّ مصر، قُلت مِش عارف

‫لا جيتها سايِح ولا ني أَعمى مش شايِف

‫ولاني هايِفْ أَرُدّ بْخِفَّة وبْسُرْعَة

‫وكلِّ من رَدّ يا كذّاب يا هايِف

‫أَصْلِ المَحَبَّة بسيطةْ وْمصر تركِيبَة

‫ومصر حِلْوَة، وِمُرَّة، وشِرْحَة، وكَئيبَة

الضرب خَلَّىْ الميدان دَوّامة بِينَا تْدور

‫والناس بِتِجْري وْوَرَاها العَسْكَرِي بالشُّوم

‫بَصّيْت أنا من ورا كِتْفي وانا مذعور

‫لقيت في وسط الميدان لسه "أَمَلْ" واقف!

‫قالوا لي بِتْحِبّ مصر، قُلت مِش عارف

وفي الشجاعة النَّفَرْ منهم بَقى بملايين

‫أما أنا، فأنا مش في السياسة مَتين

‫أطلَع أنا والاّ أنزِل خِلْقِتي شاعِر

‫لو قلت لي عيد قصصهم هابقى مش فاكِر

‫تروح معارضة وحكومة وكل دول يمشوا

‫يكونوا ناس واعية أو ناس هَبلة وانْغَشّوا

ويقول بقت كلّ عَطْفَة في مصر مِن "بني مر" ‫واللي حَكَى عن شيوعيين سنةْ سَبعينْ ‫والاعتصام ليومين والإعتقال في الفَجْر ‫بيرموا م البوكس أوراقْ فيها "إصحي يا مَصْر"! ‫واللي على كل هَمّ المسلمين أُمَنا ‫في كل ضربة عصاية يكسبوا حَسَنَة

‫لكنْ، ورغم الحصار الماضي والحاضر

‫دايماً ها يفضل "أَمَلْ دُنْقُل" هِنا حاضر!

‫* * *

‫يوم الخميس، يوم بدايْةِ القصف في بغداد

‫فارِتْ قُدورْنا بما فيها ولَهَبْها زاد

‫الموت عَروسة وخُطّابها عليها حراص

‫يا عسكرِ اضرَبْ! ويُسْتَحْسَنْ بقى بِرْصاص

‫فيهِ المُجَمَّعْ كإنه وهوّ مبني، هَدَدْ ‫شِتيمة مَبْنِيَّة في وِسْط البَلَدْ يا بَلَدْ ‫لكنّه بابْ رِزْقِ بَرْضُه مْوَظَّفِينُه كْتير ‫لو طاح في وسط الميدان ياكل في أهلُه أَسَدْ ‫وكل زاوية اتْمَلِت ما بين صِريخْ وزَئير ‫ما لْهُمْش دعوة بِحاجة،

ميدان في وِسْط البلد واسمه ميدان تحرير ‫كاتب يِحَرَّرْ سِجِلاّتِ البَلَدْ تَحرير ‫من يوم ما كان اسمُه ميدان لاسماعيليّة ‫لِحَدّ غزو العراق في عهد "بوش" و "بلير" ‫كان هوّ والأوبرا أوقاف أوروبيّة ‫ملك فرنسا الفقيهْ كان ناظِرِ الأوقاف ‫ساعاتْ وساعاتْ خواجات انجليزية

مش أجنبية امّ هاشِم والاّ انا غَلطان؟!

‫وقام وَلَدْ مصري يِضْرَبْها بعصا خَرَزانْ

‫فَقام وَلَدْ مَصْري يِغْسِل وِشَّها النّازِف

‫قالوا لي بِتْحِبّ مصر، قُلْت مِش عارف

شفت امّ هاشِم بِتِرمي حْجارة في الأزْهَرْ ‫مش أَجْنَبِيَّة امّ هاشِم والاّ انا غَلطان؟!! ‫مَتْروحوا بَرْضُه تْقولو لها تِمشي هِيَّه كمان! ‫دي كانت اكبر مُحَرِّضْ ضد الامريكان ‫الناس تشوفها يِفارِقْ عَقْلَها الميزان ‫وَشوهِدَتْ وَيّا غيرها بْتِشْتِم السُّلطان ‫وتسبّ كلّ جبان ويا العدى يحالف

ومصر "واإسلاماه" محصورة في السينما

‫وكل "واإسلاماه" ما فيهاشي غير مَظْهَر

‫الفُرجة بالعدَسات والعسكر الشَّنْبَر

‫حُكّام معاهم في كار الكَلْبَشَة عُلَما

‫وعسكري الأمن تحت الدِّرع مِتْبَعْتَر

يا مُراجِعِ التواريخ! يا مدرس الثَاْنَوِي!

‫المجزرة فْ كربلا كَتْ ليلة والاّ سْنين

‫قوللي وإمتى وفاة آخر أمير أُمَوِي

‫وكل بيت في العراق من يومها بيت نَبَوِي

‫وكل أهل العراق صاروا حَسَنْ وحسين

‫إتوضّوا يا زايرين أصل العراق مُصْحَف

وشفت مولانا عباس ابن سيِدْنا علي

‫ماشي وجايب معاه القِرْبَة والرّاية

‫شاف اخته وولاد اخوه في الحرب عطشانين

‫والصهد خلّى المطر جوة الغمامه غِلي

‫حارب لحد الفرات وَحْدُه ومَلا القِرْبَة

‫قام العدى قطعوا كفوفه شمال ويمين

أحكي يا قطر الندى والاّ ما لوش لازمة

‫حكاية ابن الأصول تفضل معاه لازمة

‫فيه ناس بتلدغ وناس ليها البكا لازمة

‫ياللي سَطَلْتِ الخليفة بجوز عينين وشْعور

‫كنتِ سما للأغاني والأغاني طْيور

‫مين اللي باعِك، عَدُوِّكْ؟ بعض أولادِك؟

عزيزة القُوم عزيزة تشتغل في بيوت

‫عشر سنين عمرها، لكنْ حلال ع الموت

‫صبية تمشي تقعْ، ويقولو حُكم السِّنّ

‫وسِتَّها شَعرها أصفر وكُلُّه بُكَل

‫كإنها مْرَبِّيَة فيه أربعين كتكوتْ