اقتباسات نسمة جمال

سألته بفم مليء بالطعمية، بينما تحاول بلسانها أن تبعدها عن ضرسها الذي يؤلمها:

‫ - ماصحتنيش ليه طيب؟

‫ - صعبتي عليا يا حلوة.

‫ غازلها بفم مليء بالفول والباذنجان والجرجير.

❞ الموضوع مالوش علاقة بالسحر والأعمال والحاجات اللي في دماغكم دي.. باختصار وبمنتهى البساطة، الجملة هي اللي صحت جواكي، كل حاجة دفنتيها من طفولتك، مشاكلك وعقدك اللي كانت بتطفو على السطح من وقت للتاني، فكنتي بتكتفيها وتكمميها وترميها في أوضة ضلمة ❝

❞ أكتر حاجة بتفتِنّي هي الحاجة اللي بنخبيها عن نفسنا.. هل إحنا عندنا القدرة على مواجهة الصوت الكامن جوانا؟ طب إيه أكتر حاجة بتخوفنا؟ إحنا عاوزين إيه؟ إيه اللي بنخجل منه؟ إيه اللي بنشتهيه على الرغم من حرمانيته؟ ❝

❞ بيشوفها آه، لكن بيشوفها إزاي؟ إزاي بيشوف نفسه؟ ❝

الجملة اللي بسببها ماحدش بيكمل بقية الكتاب.. اللي بسببها رفضته جميع دور النشر.. واللي بسببها ماحدش يعرف، ويمكن عمر ما حد هيعرف بقية الكتاب.

لا تعرف إن كان ضرسها أم الصداع أم قلة التعليم ما جعلها تتوه فلا تجد ما تبحث عنه بسهولة.

ما هو الوَحْش الذي سيُفلت من عِقاله إذا سمع الجملة؟ الجملة التي تنبئه أنه وحش.. وأنه قادر على الإفلات بإرادته.. وأنه ليس الملاك الذي يظن.. وأن عليه أن يرى نفسه ويواجهها!

أكتر حاجة بتفتِنّي هي الحاجة اللي بنخبيها عن نفسنا.. هل إحنا عندنا القدرة على مواجهة الصوت الكامن جوانا؟ طب إيه أكتر حاجة بتخوفنا؟ إحنا عاوزين إيه؟ إيه اللي بنخجل منه؟ إيه اللي بنشتهيه على الرغم من حرمانيته؟

لا، لا.. مش الوقوف قدام المراية، لكن ببساطة كده.. رد فعل الإنسان لما بيقف قدامها.

إنه يتنفس ويتقلب ويزوم ويهرش، له ثقل وحضور ورائحة.. رائحة عطنة مبللة! لا تعرف كيف تكون الروائح مبللة، لكن هذا ما تشمه الآن!

شَكَت بدرية لزوجها آلامًا في ضرسها الأيمن.. كانت ترجِّح أنه ضرس العقل، لكن بمزحة ثقيلة من أبي العيال أخبرها أنها تحتاج لعقل أولًا كي ينبت له ضرس

كانت هذه بدايات ارتفاع كرشه عن مستوى سطح البحر.

الحادية عشرة مساءً.. ترى، هل يمكن أن تكون هناك عيادة طبيب أسنان ما زالت تستقبل من انقلبت عليهم ضروسهم، داعية مزيكا حسب الله كي تضرب وتدق في رءوسهم؟